5.1 Informazzjoni dwar l-istrateġija u l-mudelli tan-negozju

Dwar l-istrateġija u l-mudelli tan-negozju, l-awtoritajiet kompetenti għandhom jiżguraw li mill-istituzzjonijiet jirċievu dan li ġej:

• a. deskrizzjoni tal-mudelli ta' negozju attwali, inkluż l-identifikazzjoni tal-linji operatorji prinċipali, tas-swieq, il-ġeografiji, is-sussidjarji u l-prodotti li topera l-istituzzjoni;
• b. deskrizzjoni tal-ixprunaturi tal-introjtu u l-ispejjeż prinċipali, allokati għas-swieq, is-sussidjarji u l-linji operatorji prinċipali.

Dwar l-istrateġija li tħares 'il quddiem, l-awtoritajiet kompetenti għandhom jiżguraw li mill-istituzzjonijiet jirċievu dan li ġej:

• a. deskrizzjoni tal-bidliet ippjanati mill-istituzzjoni fil-mudell tan-negozju attwali u l-attivitajiet sottostanti tiegħu (inkluż informazzjoni dwar il-bidliet operazzjonali (bħall-infrastruttura tal-IT) jew kwistjonijiet ta' tmexxija);
• b. projezzjonijiet tal-metriċi finanzjarji prinċipali għal-linji operatorji prinċipali, is-swieq u s-sussidjarji kollha;
• c. deskrizzjoni ta' kif huma marbutin l-istrateġija tan-negozju u l-ICAAP/ILAAP.