Artikolu 164 4a.

il-minimi tal-input tal-LGD fil-paragrafu 4, it-Tabella 1 għandhom ikunu applikabbli għal skoperturi ggarantiti permezz ta' protezzjoni ta' kreditu ffinanzjata meta l-protezzjoni ta' kreditu ffinanzjata tkun eliġibbli skont dan il-Kapitolu;

ħlief għall-iskoperturi fil-livell tal-konsumatur iggarantiti permezz ta' proprjetà residenzjali, il-minimi tal-input tal-LGD fil-paragrafu 4, it-Tabella 1, ta' dan l-Artikolu għandhom ikunu applikabbli għal skoperturi ggarantiti bis-sħiħ permezz ta' protezzjoni ta' kreditu ffinanzjata meta l-valur tal-FCP, wara l-applikazzjoni tal-aġġustamenti għall-volatilità rilevanti f'konformità mal-Artikolu 230, ikun daqs jew akbar mill-valur tal-iskopertura tal-iskopertura sottostanti; għall-fini tal-applikazzjoni tal-aġġustamenti relatati rilevanti, Hc u Hfx, f'konformità mal-Artikolu 230, il-protezzjoni ta' kreditu ffinanzjata għandha tkun eliġibbli skont dan il-Kapitolu;

ħlief għall-iskoperturi fil-livell tal-konsumatur iggarantiti permezz ta' proprjetà residenzjali, il-minimu applikabbli tal-input tal-LGD għal skopertura parzjalment iggarantita permezz ta' protezzjoni ta' kreditu ffinanzjata jiġi kkalkulat f'konformità mal-formula stabbilita fl-Artikolu 161(6);

għal skoperturi fil-livell tal-konsumatur iggarantiti permezz ta' proprjetà residenzjali, il-minimu applikabbli tal-input tal-LGD għandu jiġi ffissat għal 5 % irrispettivament mil-livell ta' kollateral ipprovdut mill-proprjetà residenzjali.