Artikolu 383v 4.

Meta jassenjaw skopertura għar-riskju għal settur, l-istituzzjonijiet għandhom jiddependu minn klassifikazzjoni li tintuża spiss fis-suq għar-raggruppament ta' emittenti skont is-settur industrijali. L-istituzzjonijiet għandhom jassenjaw kull emittent għal wieħed biss mill-buckets tas-settur fil-paragrafu 1, it-Tabella 1, u għandhom jassenjaw lill-emittenti kollha mill-istess industrija għall-istess settur. Skoperturi għar-riskju minn kwalunkwe emittent li istituzzjoni ma tkunx tista' tassenjahom għal settur b'tali mod għandhom jiġu assenjati għall-bucket 11. L-emittenti ta' ekwità multinazzjonali jew multisettorjali għandhom jiġu allokati għal bucket partikolari abbażi tal-aktar reġjun u settur materjali li fihom jopera l-emittent ta' ekwità.