Artikolu 17 Rapportar dwar finanzjament stabbli fuq bażi individwali u konsolidata

istituzzjonijiet żgħar u mhux kumplessi li għażlu li jikkalkulaw il-proporzjon ta’ finanzjament stabbli nett (NSFR) tagħhom bl-użu tal-metodoloġija stabbilita fil-Parti Sitta, it-Titolu IV, il-Kapitoli 6 u 7 tar-Regolament (UE) Nru 575/2013, bil-permess minn qabel tal-awtorità kompetenti tagħhom skont l-Artikolu 428ai ta’ dak ir-Regolament, għandhom jissottomettu l-formoli 82 u 83 tal-Anness XII ta’ dan ir-Regolament, f’konformità mal-istruzzjonijiet fl-Anness XIII ta’ dan ir-Regolament;

l-istituzzjonijiet għajr dawk imsemmija fil-punt (a) għandhom jissottomettu l-formoli 80 u 81 tal-Anness XII, f’konformità mal-istruzzjonijiet fl-Anness XIII;

l-istituzzjonijiet kollha għandhom jissottomettu l-formola 84 tal-Anness XII, skont l-istruzzjonijiet fl-Anness XIII.