+ANNESS XXIII

ANNESS XXIII



ANNESS XXIII

STRUZZJONIJIET GĦALL-MILI TAL-FORMOLA TAL-ISKALA TAL-MATURITÀ TAL-ANNESS XXII

PARTI I: STRUZZJONIJIET ĠENERALI

PARTI II: STRUZZJONIJIET DWAR RINGIELI SPEĊIFIĊI

PARTI I: STRUZZJONIJIET ĠENERALI

1. Sabiex ikopru d-diskrepanza fil-maturità tal-attivitajiet ta’ istituzzjoni (“l-iskala tal-maturità”) fil-formola tal-Anness XXII, l-istituzzjonijiet għandhom japplikaw l-istruzzjonijiet li jinsabu f’dan l-Anness.

2. L-għodda ta’ monitoraġġ tal-iskala tal-maturità għandha tkopri l-flussi kuntrattwali u l-flussi ta’ ħruġ kontinġenti. Il-flussi kuntrattwali li jirriżultaw mill-ftehimiet legalment vinkolanti u l-maturità residwa mid-data ta’ rapportar għandhom jiġu rapportati f’konformità mad-dispożizzjonijiet ta’ dawn il-ftehimiet legali.

3. L-istituzzjonijiet ma għandhomx jgħoddu l-influssi darbtejn.

4. Fil-kolonna “stokk inizjali”, għandu jiġi rapportat l-istokk tal-entrati fid-data ta’ rapportar.

5. Għandhom jimtlew biss iċ-ċelloli bojod vojta tal-formola fl-Anness XXII.

6. It-taqsima tal-formola tal-iskala tal-maturità intitolata “Flussi ta’ ħruġ u influssi” għandha tkopri flussi ta’ flus kuntrattwali futuri mill-entrati kollha li huma fil-karta bilanċjali u dawk barra l-karta bilanċjali. Għandhom jiġu rapportati biss flussi ta’ ħruġ u influssi skont kuntratti validi fid-data ta’ rapportar. Il-flussi ta’ ħruġ u influssi tal-imgħax mill-istrumenti kollha fil-karta bilanċjali u barra l-karta bilanċjali għajr il-garanziji għandhom jiġu inklużi fl-entrati rilevanti kollha tat-taqsimiet “flussi ta’ ħruġ” u “influssi”, fil-medda ta’ żmien korrispondenti li fiha jsiru dovuti. Il-pagamenti u r-riċevuti tal-imgħax li jsiru dovuti wara ħames snin mid-data ta’ referenza ta’ rapportar għandhom jiġu esklużi mill-iskala tal-maturità.

7. It-taqsima tal-formola tal-iskala tal-maturità intitolata “Kapaċità ta’ kontrobilanċ” għandha tirrappreżenta l-istokk ta’ assi mhux aggravati jew sorsi oħra ta’ finanzjament li huma legalment u prattikament disponibbli għall-istituzzjoni fid-data ta’ rapportar biex ikopru diskrepanzi kuntrattwali potenzjali. Għandhom jiġu rapportati biss flussi ta’ ħruġ u influssi skont kuntratti eżistenti fid-data ta’ rapportar.

8. Flussi ta’ ħruġ u influssi ta’ flus fit-taqsimiet rispettivi “flussi ta’ ħruġ” u “influssi” għandhom jiġu rapportati fuq bażi grossa b’simbolu pożittiv. L-ammonti dovuti għall-ħlas u riċevuti għandhom jiġu rapportati rispettivament fit-taqsimiet ta’ flussi ta’ ħruġ u ta’ influssi.

9. Għat-taqsima tal-formola tal-iskala tal-maturità intitolata “kapaċità ta’ kontrobilanċ” tal-flussi ta’ ħruġ u tal-influssi għandhom jiġu rapportati fuq bażi netta b’simbolu pożittiv jekk dawn jirrappreżentaw influssi u b’simbolu negattiv jekk dawn jirrappreżentaw flussi ta’ ħruġ. Għall-flussi ta’ flus, għandhom jiġu rapportati l-ammonti dovuti. Flussi ta’ titoli għandhom jiġu rapportati bil-valur tas-suq kurrenti. Flussi li jirriżultaw fuq linji ta’ kreditu u ta’ likwidità għandhom jiġu rapportati bl-ammonti kuntrattwali disponibbli.

10. Il-flussi kuntrattwali għandhom jiġu allokati fuq it-tnejn u għoxrin medda ta’ żmien f’konformità mal-maturità residwa tagħhom, bil-jiem jirrappreżentaw jiem kalendarji.

11. Għandhom jiġu rapportati l-flussi kuntrattwali kollha, inklużi l-flussi ta’ flus kollha minn attivitajiet mhux finanzjarji bħal taxxi, bonusijiet, dividendi u kirjiet. Il-flussi ta’ flus minn attivitajiet mhux finanzjarji għandhom jiġu rapportati fil-medda ta’ żmien korrispondenti li fiha jsiru dovuti. Dawn il-flussi ta’ flus għandhom jiġu esklużi mill-iskala tal-maturità li fiha jsiru dovuti wara ħames snin mid-data ta’ referenza ta’ rapportar.

12. Sabiex l-istituzzjonijiet japplikaw approċċ konservattiv meta jiddeterminaw il-maturitajiet kuntrattwali tal-flussi, dawn għandhom jiżguraw dan kollu li ġej:

(a) 

meta teżisti opzjoni ta’ differiment ta’ pagament jew li tirċievi pagament antiċipat, l-opzjoni għandha tkun preżunta li tiġi eżerċitata meta din tkun tmexxi ’l quddiem il-flussi ta’ ħruġ mill-istituzzjoni jew tiddifferixxi l-influssi minn ġewwa l-istituzzjoni;

(b) 

meta l-opzjoni li tmexxi ’l quddiem flussi ta’ ħruġ mill-istituzzjoni tkun biss għad-diskrezzjoni tal-istituzzjoni, l-opzjoni għandha tiġi preżunta li tiġi eżerċitata biss meta jkun hemm aspettattiva tas-suq li l-istituzzjoni se tagħmel hekk. L-opzjoni għandha tkun preżunta li ma ġietx eżerċitata meta din tkun tmexxi ’l quddiem l-influssi lill-istituzzjoni jew tiddifferixxi l-flussi ta’ ħruġ mill-istituzzjoni. Kwalunkwe fluss ta’ ħruġ ta’ flus li jiskatta b’mod kuntrattwali minħabba dan l-influss – bħal f’finanzjament pass-through – għandu jiġi rapportat fl-istess data bħal dan l-influss;

(c) 

depożiti li jimmaturaw mil-lum għal għada, inklużi depożiti ta’ bla avviż u depożiti mingħajr maturità, għandhom jiġu rapportati bħala mil-lum għal għada fil-kolonna 0020. Barra minn hekk, dawk it-tranżazzjonijiet mingħajr maturità speċifikata kuntrattwalment għandhom jiġu rapportati fil-kolonna 0025;

(d) 

riakkwisti miftuħa jew retroriakkwisti u tranżazzjonijiet simili li jistgħu jiġu terminati minn kwalunkwe waħda mill-partijiet fi kwalunkwe jum għandhom jitqiesu li jimmaturaw mil-lum għal għada sakemm il-perjodu ta’ avviż ikun itwal minn jum wieħed, f’liema każ għandhom jiġu rapportati fil-medda ta’ żmien rilevanti f’konformità mal-perjodu ta’ avviż;

(e) 

depożiti b’terminu fil-livell tal-konsumatur b’opzjoni ta’ rtirar bikri għandhom jitqiesu li jimmaturaw fil-perjodu ta’ żmien li matulu l-irtirar bikri tad-depożitu ma jirriżultax f’penali f’konformità mal-punt (b) tal-Artikolu 25(4) tar-Regolament Delegat (UE) 2015/61.

(f) 

meta l-istituzzjoni ma tkunx kapaċi tistabbilixxi skeda tal-pagamenti kuntrattwali minimi għal element partikolari jew parti minnu skont ir-regoli stipulati f’dan il-paragrafu, din għandha tirrapporta l-entrata jew parti minnha bħala akbar minn ħames snin fil-kolonna 0220.

13. [vojta]

14. Swaps tal-Munita Barranija (“FX”) li jimmaturaw għandhom jirriflettu l-valur nozzjonali li jimmatura tal-iswaps bejn il-muniti, tranżazzjonijiet forward FX u ftehimiet spot FX mhux saldati fil-meded ta’ żmien applikabbli tal-formola.

15. Il-flussi tal-flus minn tranżazzjonijiet mhux saldati għandhom jiġu rapportati fil-perjodu qasir qabel is-saldu, fir-ringieli u t-taqsimiet xierqa.

16. Entrati fejn l-istituzzjoni ma jkollha ebda operat sottostanti fihom, bħal meta ma jkollha l-ebda depożiti ta’ ċerta kategorija, għandhom jitħallew vojta.

17. Entrati dovuti skaduti u entrati li għalihom l-istituzzjoni jkollha raġuni għalfejn tistenna nuqqas ta’ prestazzjoni ma għandhomx jiġu rapportati.

18. Fejn kollateral riċevut ikun riipotekat fi tranżazzjoni li timmatura lil hinn mit-tranżazzjoni li fiha l-istituzzjoni tirċievi l-kollateral, il-fluss ta’ ħruġ ta’ titoli fl-ammont tal-valur ġust tal-kollateral riċevut għandu jiġi rapportat fit-taqsima tal-kapaċità ta’ kontrobilanċ fil-medda rilevanti f’konformità mal-maturità tat-tranżazzjoni li ġġenerat ir-riċeviment tal-kollateral.

19. Meta skont l-Artikolu 16 tar-Regolament Delegat (UE) 2015/61 id-depożiti ta’ bla avviż li l-istituzzjoni ta’ kreditu relatriċi żżomm mal-istituzzjoni ċentrali jiġu trattati bħala assi likwidi, id-depożiti ta’ bla avviż għandhom jiġu trattati bħala influss kuntrattwali interbankarju fl-iskala tal-maturità.

20. Entrati intragrupp ma għandhomx jaffettwaw ir-rapportar fuq bażi konsolidata.

21. Il-parti mhux prelevabbli tar-riżervi tal-bank ċentrali ma għandha tiġi rapportata mkien fil-formola.

PARTI II: STRUZZJONIJIET DWAR RINGIELI SPEĊIFIĊI



Ringiela

Referenzi legali u struzzjonijiet

minn 0010 sa 0380

1 FLUSSI TA’ ĦRUĠ

L-ammont totali ta’ flussi ta’ ħruġ ta’ flus għandu jiġi rapportat fis-subkategoriji li ġejjin:

0010

1.1 Obbligazzjonijiet li jirriżultaw minn titoli maħruġa (jekk mhux trattati bħala depożiti fil-livell ta’ konsumatur)

Flussi ta’ ħruġ ta’ flus li jirriżultaw minn titoli ta’ dejn maħruġin mill-istituzzjoni rapportanti

jiġifieri ħruġ proprju.

0011

1.1.0.1 li minnhom: Intragrupp jew IPS

L-ammont tal-flussi ta’ ħruġ fl-entrata 1.1 fejn il-kontroparti tkun kumpanija omm jew sussidjarja tal-istituzzjoni jew sussidjarja oħra tal-istess kumpanija omm jew marbuta mal-istituzzjoni ta’ kreditu permezz ta’ relazzjoni skont it-tifsira tal-Artikolu 22(7) tad-Direttiva 2013/34/UE jew membru tal-istess skema ta’ protezzjoni istituzzjonali msemmija fl-Artikolu 113(7) tar-Regolament (UE) Nru 575/2013 jew l-istituzzjoni ċentrali jew affiljata ma’ network jew grupp kooperattiv kif imsemmi fl-Artikolu 10 tar-Regolament (UE) Nru 575/2013.

0020

1.1.1 bonds mhux garantiti dovuti

L-ammont ta’ flussi ta’ ħruġ ta’ flus li jirriżultaw minn titoli maħruġa rapportati fil-linja 1.1, li huwa dejn skopert maħruġ mill-istituzzjoni relatriċi lil partijiet terzi.

0030

1.1.2 bonds koperti regolati

L-ammont ta’ flussi ta’ ħruġ ta’ flus li jirriżultaw minn titoli maħruġa, rapportati fil-linja 1.1, li huwa bonds eliġibbli għat-trattament stipulat fl-Artikolu 129(4) jew (5) tar-Regolament (UE) Nru 575/2013 jew l-Artikolu 52(4) tad-Direttiva 2009/65/KE.

0040

1.1.3 titolizzazzjonijiet dovuti

L-ammont ta’ flussi ta’ ħruġ ta’ flus li jirriżultaw minn titoli maħruġa, rapportati fil-linja 1.1, li huwa tranżazzjonijiet ta’ titolizzazzjoni ma’ partijiet terzi, f’konformità mal-punt (61) tal-Artikolu 4(1) tar-Regolament (UE) Nru 575/2013.

0050

1.1.4 oħrajn

L-ammont ta’ flussi ta’ ħruġ ta’ flus li jirriżultaw minn titoli maħruġa rapportati fil-linja 1.1, għajr dawk rapportati fis-subkategoriji ta’ hawn fuq.

0065

1.2 Obbligazzjonijiet li jirriżultaw minn għoti ta’ self garantit u tranżazzjonijiet immotivati mis-suq kapitali, kollateralizzati minn (Kontroparti mhijiex Bank Ċentrali):

Ammont totali ta’ flussi ta’ ħruġ ta’ flus kollha li jirriżultaw minn għoti ta’ self garantit u tranżazzjonijiet immotivati mis-suq kapitali li fihom il-kontroparti ma tkunx Bank Ċentrali, kif definiti fl-Artikolu 192 tar-Regolament (UE) Nru 575/2013.

Nota: Hawnhekk għandhom jiġu rapportati biss flussi ta’ flus, flussi ta’ titoli relatati ma’ għoti ta’ self garantit u tranżazzjonijiet immotivati mis-suq kapitali għandhom jiġu rapportati fit-taqsima “kapaċità ta’ kontrobilanċ”.

0066

1.2.0.1 li minnhom: Intragrupp jew IPS

L-ammont tal-flussi ta’ ħruġ fl-entrata 1.2 meta l-kontroparti tkun kumpanija omm jew sussidjarja tal-istituzzjoni jew sussidjarja oħra tal-istess kumpanija omm jew marbuta mal-istituzzjoni ta’ kreditu permezz ta’ relazzjoni skont it-tifsira tal-Artikolu 22(7) tad-Direttiva 2013/34/UE jew membru tal-istess skema ta’ protezzjoni istituzzjonali msemmija fl-Artikolu 113(7) tar-Regolament (UE) Nru 575/2013 jew l-istituzzjoni ċentrali jew affiljata ma’ network jew grupp kooperattiv kif imsemmi fl-Artikolu 10 tar-Regolament (UE) Nru 575/2013.

0075

1.2.1 assi negozjabbli tal-Livell 1

L-ammont ta’ flussi ta’ ħruġ ta’ flus rapportati fl-entrata 1.2 li huwa kollateralizzat minn assi negozjabbli li jissodisfaw ir-rekwiżiti tal-Artikoli 7, 8 u 10 tar-Regolament Delegat (UE) 2015/61 jekk ma kinux qed jiżguraw it-tranżazzjoni partikolari.

L-ishma jew l-unitajiet tas-CIU f’konformità mal-Artikolu 15 tar-Regolament Delegat (UE) 2015/61 li jikkwalifikaw bħala assi tal-Livell 1 għandhom jiġu rapportati fis-subkategoriji ta’ hawn taħt li jikkorrispondu għall-assi sottostanti tagħhom.

0085

1.2.1.1 Livell 1 għajr bonds koperti

L-ammont ta’ flussi ta’ ħruġ ta’ flus rapportati fl-entrata 1.2.1, li huwa kollateralizzat minn assi li mhumiex bonds koperti.

0095

1.2.1.1.1 bank ċentrali tal-Livell 1

L-ammont ta’ flussi ta’ ħruġ ta’ flus rapportati fl-entrata 1.2.1.1, li huwa kollateralizzat minn assi li jirrappreżentaw pretensjonijiet fuq banek ċentrali jew garantiti minnhom.

0105

1.2.1.1.2 Livell 1 (CQS 1)

L-ammont ta’ flussi ta’ ħruġ ta’ flus rapportati fl-entrata 1.2.1.1 għajr dawk rapportati fl-entrata 1.2.1.1.1 li huwa kollateralizzat minn assi li jirrappreżentaw pretensjonijiet fuq emittent jew garanti, jew garantiti minnhom, li huwa assenjat fl-iskala 1 tal-kwalità kreditizja minn ECAI nominata.

0115

1.2.1.1.3 Livell 1 (CQS 2, CQS3)

L-ammont ta’ flussi ta’ ħruġ ta’ flus rapportati fl-entrata 1.2.1.1 għajr dawk rapportati fl-entrata 1.2.1.1.1 li huwa kollateralizzat minn assi li jirrappreżentaw pretensjonijiet fuq emittent jew garanti, jew garantiti minnhom, li huwa assenjat fl-iskala 2 jew 3 tal-kwalità kreditizja minn ECAI nominata.

0125

1.2.1.1.4 Livell 1 (CQS 4+)

L-ammont ta’ flussi ta’ ħruġ ta’ flus rapportati fl-entrata 1.2.1.1 għajr dawk rapportati fl-entrata 1.2.1.1.1 li huwa kollateralizzat minn assi li jirrappreżentaw pretensjonijiet fuq emittent jew garanti, jew garantiti minnhom, li huwa assenjat fl-iskala 4 tal-kwalità kreditizja jew agħar minn ECAI nominata.

0135

1.2.1.2 bonds koperti tal-Livell 1(CQS1)

L-ammont ta’ flussi ta’ ħruġ ta’ flus rapportati fl-entrata 1.2.1, li huwa kollateralizzat minn assi li mhumiex bonds koperti. Innota li, f’konformità mal-punt (f) tal-Artikolu 10(1) tar-Regolament Delegat (UE) 2015/61, huma biss bonds koperti ta’ CQS 1 li huma eliġibbli bħala assi tal-Livell 1.

0145

1.2.2 assi negozjabbli tal-Livell 2 A

L-ammont ta’ flussi ta’ ħruġ ta’ flus rapportati fl-entrata 1.2 li huwa kollateralizzat minn assi negozjabbli li jissodisfaw ir-rekwiżiti tal-Artikoli 7, 8 u 11 tar-Regolament Delegat (UE) 2015/61 jekk ma kinux qed jiggarantixxu t-tranżazzjoni partikolari.

L-ishma jew l-unitajiet tas-CIU f’konformità mal-Artikolu 15 tar-Regolament Delegat (UE) 2015/61 li jikkwalifikaw bħala assi tal-Livell 2 A għandhom jiġu rapportati fis-subkategoriji ta’ hawn taħt li jikkorrispondu għall-assi sottostanti tagħhom.

0155

1.2.2.1 bonds korporattivi tal-Livell 2 A (CQS 1)

L-ammont ta’ flussi ta’ ħruġ ta’ flus rapportati fl-entrata 1.2.2, li huwa kollateralizzat minn bonds korporattivi li huma assenjati fl-iskala 1 tal-kwalità kreditizja minn ECAI nominata.

0165

1.2.2.2 bonds koperti tal-Livell 2 A (CQS1, CQS2)

L-ammont ta’ flussi ta’ ħruġ ta’ flus rapportati fl-entrata 1.2.2, li huwa kollateralizzat minn bonds koperti li huma assenjati fl-iskala 1 jew 2 tal-kwalità kreditizja minn ECAI nominata.

0175

1.2.2.3 settur pubbliku tal-Livell 2 A (CQS1, CQS2)

L-ammont ta’ flussi ta’ ħruġ ta’ flus rapportati fl-entrata 1.2.2, li huwa kollateralizzat minn assi li jirrappreżentaw pretensjonijiet fuq gvernijiet ċentrali, banek ċentrali, gvernijiet reġjonali, awtoritajiet lokali jew entitajiet tas-settur pubbliku, jew garantiti minnhom. Innota li, f’konformità mal-punti (a) u (b) tal-Artikolu 11(1) tar-Regolament Delegat (UE) 2015/61, l-assi kollha tas-settur pubbliku eliġibbli bħala fil-Livell 2 A jridu jkunu fl-iskala 1 tal-kwalità kreditizja jew fl-iskala 2 tal-kwalità kreditizja.

0185

1.2.3 assi negozjabbli tal-Livell 2B

L-ammont ta’ flussi ta’ ħruġ ta’ flus rapportati fl-entrata 1.2 li huwa kollateralizzat minn assi negozjabbli li jissodisfaw ir-rekwiżiti tal-Artikoli 7, 8 u 12 jew 13 tar-Regolament Delegat (UE) 2015/61 jekk ma kinux qed jiżguraw it-tranżazzjoni partikolari.

L-ishma jew l-unitajiet tas-CIU f’konformità mal-Artikolu 15 tar-Regolament Delegat (UE) 2015/61 li jikkwalifikaw bħala assi tal-Livell 2B għandhom jiġu rapportati fis-subkategoriji ta’ hawn taħt li jikkorrispondu għall-assi sottostanti tagħhom.

0195

1.2.3.1 titoli garantiti b’assi-ABS tal-Livell 2B (CQS 1)

L-ammont ta’ flussi ta’ ħruġ ta’ flus rapportati fl-entrata 1.2.3 li huwa kollateralizzat minn titoli garantiti b’assi, inkluż RMBS. Innota li, f’konformità mal-punt (a) tal-Artikolu 13(2) tar-Regolament Delegat (UE) 2015/61, it-titoli kollha garantiti b’assi li jikkwalifikaw bħala Livell 2B għandu jkollhom skala 1 tal-kwalità kreditizja.

0205

1.2.3.2 bonds koperti tal-Livell 2B (CQS 1-6)

L-ammont ta’ flussi ta’ ħruġ ta’ flus rapportati fl-entrata 1.2.3, li huwa kollateralizzat minn bonds koperti.

0215

1.2.3.3 bonds koperti tal-Livell 2B (CQS 1-3)

L-ammont ta’ flussi ta’ ħruġ ta’ flus rapportati fl-entrata 1.2.3, li huwa kollateralizzat minn titoli ta’ dejn korporattiv.

0225

1.2.3.4 ishma tal-Livell 2B

L-ammont ta’ flussi ta’ ħruġ ta’ flus rapportati fl-entrata 1.2.3 li huwa kollateralizzat minn ishma.

0235

1.2.3.5 settur pubbliku tal-Livell 2B (CQS 3-5)

L-ammont ta’ flussi ta’ ħruġ ta’ flus rapportati fl-entrata 1.2.3, li huwa kollateralizzat minn assi tal-Livell 2B li mhumiex rapportati fl-entrati minn 1.2.3.1 sa 1.2.3.4.

0245

1.2.4 assi negozjabbli oħra

L-ammont ta’ flussi ta’ ħruġ ta’ flus rapportati fl-entrata 1.2, li huwa kollateralizzat minn assi negozjabbli mhux rapportati fl-entrati 1.2.1, 1.2.2 jew 1.2.3.

0251

1.2.5 assi oħrajn

L-ammont ta’ flussi ta’ ħruġ ta’ flus rapportati fl-entrata 1.2, li huwa kollateralizzat minn assi mhux rapportati fl-entrati 1.2.1, 1.2.2. 1.2.3 jew 1.2.4.

0252

1.2a Obbligazzjonijiet li jirriżultaw minn għoti ta’ self garantit u tranżazzjonijiet immotivati mis-suq kapitali, kollateralizzati minn (Kontroparti mhijiex Bank Ċentrali):

Ammont totali ta’ flussi ta’ ħruġ ta’ flus kollha li jirriżultaw minn għoti ta’ self garantit u tranżazzjonijiet immotivati mis-suq kapitali fejn il-kontroparti ma tkunx Bank Ċentrali, kif definiti fl-Artikolu 192 tar-Regolament (UE) Nru 575/2013.

Nota: Hawnhekk għandhom jiġu rapportati biss flussi ta’ flus, flussi ta’ titoli relatati ma’ għoti ta’ self garantit u tranżazzjonijiet immotivati mis-suq kapitali għandhom jiġu rapportati fit-taqsima “kapaċità ta’ kontrobilanċ”.

0253

1.2a.1 assi negozjabbli tal-Livell 1

L-ammont ta’ flussi ta’ ħruġ ta’ flus rapportati fl-entrata 1.X li huwa kollateralizzat minn assi negozjabbli li jissodisfaw ir-rekwiżiti tal-Artikoli 7, 8 u 10 tar-Regolament Delegat (UE) 2015/61 jekk ma kinux qed jiżguraw it-tranżazzjoni partikolari.

L-ishma jew l-unitajiet tas-CIU f’konformità mal-Artikolu 15 tar-Regolament Delegat (UE) 2015/61 li jikkwalifikaw bħala assi tal-Livell 1 għandhom jiġu rapportati fis-subkategoriji ta’ hawn taħt li jikkorrispondu għall-assi sottostanti tagħhom.

0254

1.2a.2 assi negozjabbli tal-Livell 2 A

L-ammont ta’ flussi ta’ ħruġ ta’ flus rapportati fl-entrata 1.X li huwa kollateralizzat minn assi negozjabbli li jissodisfaw ir-rekwiżiti tal-Artikoli 7, 8 u 11 tar-Regolament Delegat (UE) 2015/61 jekk ma kinux qed jiżguraw it-tranżazzjoni partikolari.

L-ishma jew l-unitajiet tas-CIU f’konformità mal-Artikolu 15 tar-Regolament Delegat (UE) 2015/61 li jikkwalifikaw bħala assi tal-Livell 2 A għandhom jiġu rapportati fis-subkategoriji ta’ hawn taħt li jikkorrispondu għall-assi sottostanti tagħhom.

0255

1.2a.3 assi negozjabbli tal-Livell 2B

L-ammont ta’ flussi ta’ ħruġ ta’ flus rapportati fl-entrata 1.X li huwa kollateralizzat minn assi negozjabbli li jissodisfaw ir-rekwiżiti tal-Artikoli 7, 8 u 12 jew 13 tar-Regolament Delegat (UE) 2015/61 jekk ma kinux qed jiżguraw it-tranżazzjoni partikolari.

L-ishma jew l-unitajiet tas-CIU f’konformità mal-Artikolu 15 tar-Regolament Delegat (UE) 2015/61 li jikkwalifikaw bħala assi tal-Livell 2B għandhom jiġu rapportati fis-subkategoriji ta’ hawn taħt li jikkorrispondu għall-assi sottostanti tagħhom.

0256

1.2a.4 assi negozjabbli oħrajn

L-ammont ta’ flussi ta’ ħruġ ta’ flus rapportati fl-entrata 1.2a, li huwa kollateralizzat mill-assi negozjabbli mhux rapportati fl-entrati 1.2a.1, 1.2a.2 jew 1.2a.3.

0257

1.2a.5 assi oħrajn

L-ammont ta’ flussi ta’ ħruġ ta’ flus rapportati fl-entrata 1.X, li huwa kollateralizzat mill-assi negozjabbli mhux rapportati fl-entrati 1.2a.1, 1.2a.2. 1.2a.3 jew 1.2a.4.

0260

1.3 Obbligazzjonijiet mhux rapportati fl-entrata 1.2, li jirriżultaw minn depożiti riċevuti (esklużi depożiti riċevuti bħala kollateral)

Flussi ta’ ħruġ ta’ flus li jirriżultaw mid-depożiti kollha riċevuti bl-eċċezzjoni ta’ flussi ta’ ħruġ rapportati fl-entrata 1.2 u depożiti riċevuti bħala kollateral. Flussi ta’ ħruġ ta’ flus li jirriżultaw minn tranżazzjonijiet ta’ derivattivi għandhom jiġu rapportati fl-entrati 1.4 jew 1.5.

Id-depożiti għandhom jiġu rapportati f’konformità mal-eqreb data ta’ maturità kuntrattwali possibbli tagħhom. Depożiti li jistgħu jiġu prelevati minnufih mingħajr avviż (“depożiti ta’ bla avviż”) jew depożiti mingħajr maturità għandhom jiġu rapportati fil-medda “mil-lum għal għada”.

0261

1.3.0.1 li minnhom: Intragrupp jew IPS

L-ammont ta’ flussi ta’ ħruġ fil-linja 1.3 fejn il-kontroparti tkun kumpanija omm jew sussidjarja tal-istituzzjoni jew sussidjarja oħra tal-istess kumpanija omm jew marbuta mal-istituzzjoni ta’ kreditu permezz ta’ relazzjoni skont it-tifsira tal-Artikolu 22(7) tad-Direttiva 2013/34/UE jew membru tal-istess skema ta’ protezzjoni istituzzjonali msemmija fl-Artikolu 113(7) tar-Regolament (UE) Nru 575/2013 jew l-istituzzjoni ċentrali jew affiljata ma’ network jew grupp kooperattiv kif imsemmi fl-Artikolu 10 tar-Regolament (UE) Nru 575/2013.

0270

1.3.1 depożiti stabbli fil-livell tal-konsumatur

L-ammont ta’ flussi ta’ ħruġ ta’ flus rapportati fl-entrata 1.3 li jirriżulta minn depożiti fil-livell tal-konsumaturi, f’konformità mal-Artikolu 411(2) tar-Regolament (UE) Nru 575/2013 u l-Artikolu 24 tar-Regolament Delegat (UE) 2015/61.

0280

1.3.2 depożiti oħra fil-livell tal-konsumatur

L-ammont ta’ flussi ta’ ħruġ ta’ flus rapportati fl-entrata 1.3 li jirriżulta minn depożiti fil-livell tal-konsumatur f’konformità mal-Artikolu 411(2) tar-Regolament (UE) Nru 575/2013 għajr dawk rapportati fl-entrata 1.3.1.

0290

1.3.3 depożiti operazzjonali

L-ammont ta’ flussi ta’ ħruġ ta’ flus rapportati fl-entrata 1.3 li jirriżulta minn depożiti operazzjonali f’konformità mal-Artikolu 27 tar-Regolament Delegat (UE) 2015/61.

0300

1.3.4 depożiti mhux operazzjonali minn istituzzjonijiet ta’ kreditu

L-ammont ta’ flussi ta’ ħruġ ta’ flus rapportati fl-entrata 1.3, li jirriżulta minn depożiti mill-istituzzjonijiet ta’ kreditu, għajr dawk rapportati fl-entrata 1.3.3.

0310

1.3.5 depożiti mhux operazzjonali minn klijenti finanzjarji oħrajn

L-ammont ta’ flussi ta’ ħruġ ta’ flus rapportati fl-entrata 1.3 li jirriżulta minn depożiti minn klijenti finanzjarji f’konformità mal-Artikolu 411(1) tar-Regolament (UE) Nru 575/2013 għajr dawk rapportati fl-entrata 1.3.3 u 1.3.4.

0320

1.3.6 depożiti mhux operazzjonali minn banek ċentrali

L-ammont ta’ flussi ta’ ħruġ ta’ flus rapportati fl-entrata 1.3, li jirriżulta minn depożiti mhux operazzjonali mqiegħda minn banek ċentrali.

0330

1.3.7 depożiti mhux operazzjonali minn impriżi mhux finanzjarji

L-ammont ta’ flussi ta’ ħruġ ta’ flus rapportati fl-entrata 1.3, li jirriżulta minn depożiti mhux operazzjonali minn korporazzjonijiet mhux finanzjarji.

0340

1.3.8 depożiti mhux operazzjonali minn kontropartijiet oħra

L-ammont ta’ flussi ta’ ħruġ ta’ flus rapportati fl-entrata 1.3, li jirriżulta minn depożiti mhux rapportati fl-entrati 1.3.1 sa 1.3.7.

0350

1.4 Swaps tal-valuti skont ir-rata tal-kambju li jimmaturaw

Ammont totali ta’ flussi ta’ ħruġ ta’ flus li jirriżulta mill-maturità ta’ tranżazzjonijiet ta’ swaps tal-valuti skont ir-rata tal-kambju bħall-kambju ta’ ammonti ta’ kapital fi tmiem il-kuntratt.

0360

1.5 Ammont pagabbli fuq derivattivi għajr dawk rapportati fl-entrata 1.4

Ammont totali ta’ flussi ta’ ħruġ ta’ flus li jirriżulta minn pożizzjonijiet pagabbli tad-derivattivi mill-kuntratti elenkati fl-Anness II tar-Regolament (UE) Nru 575/2013 bl-eċċezzjoni ta’ flussi ta’ ħruġ li jirriżultaw minn swaps tal-valuti skont ir-rati tal-kambju li jimmaturaw li għandhom jiġu rapportati fl-entrata 1.4.

L-ammont totali għandu jirrifletti l-ammonti tas-saldu inkluż l-appelli għall-marġni mhux saldati mid-data ta’ rapportar.

L-ammont totali għandu jkun it-total ta’ (1) u (2) kif ġej, fil-meded ta’ żmien differenti kollha:

1.  il-flussi ta’ flus u ta’ titoli relatati ma’ derivattivi li għalihom hemm fis-seħħ ftehim ta’ kollateral li jeħtieġ il-kollateralizzazzjoni sħiħa jew adegwata ta’ skoperturi ta’ kontropartijiet, għandhom jiġu esklużi mill-formoli ta’ skala tal-maturità; il-flussi ta’ flus, titoli, kollateral fi flus u kollateral f’titoli kollha relatati ma’ dawn id-derivattivi għandhom jiġu esklużi mill-formoli. L-esklużjoni ma għandhiex tapplika għal dawn li ġejjin:

(a)  Assi eliġibbli għal kapaċità ta’ kontrobilanċ li jkunu diġà ġew riċevuti jew ipprovduti fil-kuntest ta’ derivattivi kollateralizzati fid-data ta’ referenza ta’ rapportar (jiġifieri fil-kolonna “stokk” tat-Taqsima 3 tal-iskala tal-maturità jekk mhux aggravati u disponibbli għal aggravar).

(b)  Flussi ta’ flus u ta’ titoli fil-kuntest ta’ appelli għall-marġni (“flussi ta’ flus jew ta’ titoli”) li huma pagabbli fi żmien debitu iżda li għadhom ma ġewx saldati. Dawn għandhom jiġu riflessi fil-linji 1.5 “flussi ta’ ħruġ ta’ flus ta’ derivattivi” u 2.4 “influssi ta’ flus ta’ derivattivi” fil-każ ta’ kollateral fi flus u fit-Taqsima 3 “kapaċità ta’ kontrobilanċ” fil-każ ta’ kollateral f’titoli

(c)  Derivattivi b’saldu fiżiku (eż. kuntratt forward tad-deheb saldat fiżikament) fejn dawn id-derivattivi jkunu kollateralizzati b’mod sħiħ jew adegwat. Għal dawn id-derivattivi, apparti l-punti (a) u (b) hawn fuq, għandu jiġi rapportat ukoll il-fluss tas-saldu fis-saldu finali (normalment madwar il-maturità). Il-fluss ta’ flus mistenni għandu jiġi inkluż fil-medda ta’ żmien xierqa fil-linja 1.5 “flussi ta’ ħruġ ta’ flus ta’ derivattivi” fil-każ ta’ fluss ta’ ħruġ ta’ flus, u l-linja 2.4 “influssi ta’ flus ta’ derivattivi” fil-każ ta’ influss ta’ flus. Jekk l-assi saldat fiżikament jikkwalifika bħala kapaċità ta’ kontrobilanċ fit-Taqsima 3, dan il-fluss għandu jiġi inkluż fil-medda ta’ żmien xierqa u fir-ringiela xierqa f’din it-Taqsima. Għandu jkun ammont negattiv fil-każ ta’ fluss ta’ ħruġ u pożittiv fil-każ ta’ influss;

2.  Għal influssi u flussi ta’ ħruġ ta’ flus u titoli relatati ma’ derivattivi li għalihom ma hemm fis-seħħ l-ebda ftehim ta’ kollateral jew fejn hija meħtieġa kollateralizzazzjoni parzjali biss, għandha ssir distinzjoni bejn kuntratti li jinvolvu opzjonalità u kuntratti oħrajn:

(a)  flussi relatati ma’ derivattivi li huma simili għall-opzjonijiet għandhom jiġu inklużi biss meta l-prezz tal-eżerċitar ikun inqas mill-prezz tas-suq għal opzjoni call, jew ogħla mill-prezz tas-suq għal opzjoni put (“favorevoli”). Dawn il-flussi għandhom jiġu indikati billi jiġu applikati dawn iż-żewġ affarijiet li ġejjin:

(i)  il-valur tas-suq kurrenti jew il-valur preżenti nett tal-kuntratt bħala jiġi inkluż bħala influss fil-linja 2.4 tal-iskala tal-maturità “influssi ta’ flus ta’ derivattivi” fl-aħħar data tal-eżerċitar tal-opzjoni fejn il-bank ikollu d-dritt li jeżerċita l-opzjoni;

(ii)  il-valur tas-suq kurrenti jew il-valur preżenti nett tal-kuntratt jiġi inkluż bħala fluss ta’ ħruġ fil-linja 1.5 tal-iskala tal-maturità “flussi ta’ ħruġ ta’ flus ta’ derivattivi” fl-aktar data tal-eżerċitar tal-opzjoni bikrija fejn il-kontroparti tal-bank ikollha d-dritt li teżerċita l-opzjoni;

(b)  flussi relatati ma’ kuntratti oħra għajr dawk imsemmija fil-punt (a) għandhom jiġu inklużi billi jiġu projettati l-flussi kuntrattwali gross tal-flus fil-meded ta’ żmien rispettivi fil-linji 1.5 “flussi ta’ ħruġ ta’ flus derivattivi” u 2.4 “influssi ta’ flus ta’ derivattivi” u l-flussi kuntrattwali ta’ titoli likwidi tal-kapaċità ta’ kontrobilanċ tal-iskala tal-maturità, billi jintużaw ir-rati forward kurrenti implikati mis-suq applikabbli fid-data ta’ rapportar fejn l-ammonti jkunu għadhom ma ġewx iffissati.

F’konformità ma’ dan ta’ hawn fuq:

Rigward derivattivi skont il-punt 1, ir-redditu tal-kollateral li kien diġà riċevut jew imħallas ma għandux jiġi rapportat fl-iskala tal-maturità.

Rigward derivattivi skont il-punt 2, ir-redditu tal-kollateral li kien diġà riċevut jew imħallas għandu jiġi rapportat fit-Taqsima 3 tal-iskala tal-maturità. Ir-redditu ta’ kollateral diġà riċevut (imħallas) għandu jiġi rifless bħala mutazzjoni negattiva (pożittiva) fil-medda ta’ żmien li tikkorrispondi għall-maturità tad-derivattiv. Mutazzjoni pożittiva għandha tiġi rikonoxxuta biss jekk tikkwalifika bħala kapaċità ta’ kontrobilanċ mar-redditu. Jekk ir-redditu tal-kollateral diġà riċevut (imħallas) jirrappreżenta kollateral fi flus, ir-redditu tal-kollateral għandu jiġi rapportat fir-ringiela 1.6 flussi ta’ ħruġ oħrajn (ir-ringiela 2.6 influssi oħrajn) fil-medda ta’ żmien xierqa

Għall-finijiet ta’ din ir-ringiela, sitwazzjoni li fiha kollateral skambjat ma’ kontroparti ma jkunx kompletament ugwali għall-bidliet fil-valur fid-derivattiv, xorta għandha tiġi trattata bħala kollateralizzata b’mod adegwat jekk id-diskrepanza ma taqbiżx l-ammont ta’ trasferiment minimu.

0370

1.6 Flussi ta’ ħruġ oħrajn

Ammont totali tal-flussi ta’ ħruġ ta’ flus kollha oħrajn, mhux rapportati fl-entrati 1.1, 1.2, 1.3, 1.4 jew 1.5. Il-flussi ta’ ħruġ kontinġenti ma għandhomx jiġu rapportati hawnhekk.

0380

1.7 Flussi ta’ ħruġ oħrajn

Is-somma tal-flussi ta’ ħruġ rapportati fl-entrati 1.1, 1.2, 1.3, 1.4, 1.5 u 1.6.

minn 0390 sa 0700

2 INFLUSSI

0390

2.1 Flejjes dovuti minn għoti ta’ self garantit u tranżazzjonijiet immotivati mis-suq kapitali kollateralizzati minn:

Ammont totali ta’ influssi ta’ flus minn għoti ta’ self garantit u tranżazzjonijiet immotivati mis-suq kapitali kif definiti fl-Artikolu 192 tar-Regolament (UE) Nru 575/2013.

Hawnhekk għandhom jiġu rapportati biss flussi ta’ flus, flussi ta’ titoli relatati ma’ għoti ta’ self garantit u tranżazzjonijiet immotivati mis-suq kapitali għandhom jiġu rapportati fit-taqsima “kapaċità ta’ kontrobilanċ”.

0391

2.1.0.1 li minnhom: Intragrupp jew IPS

L-ammont tal-influssi fl-entrata 2.1 fejn il-kontroparti tkun kumpanija omm jew sussidjarja tal-istituzzjoni jew sussidjarja oħra tal-istess kumpanija omm jew marbuta mal-istituzzjoni ta’ kreditu permezz ta’ relazzjoni skont it-tifsira tal-Artikolu 22(7) tad-Direttiva 2013/34/UE jew membru tal-istess skema ta’ protezzjoni istituzzjonali msemmija fl-Artikolu 113(7) tar-Regolament (UE) Nru 575/2013 jew l-istituzzjoni ċentrali jew affiljata ma’ network jew grupp kooperattiv kif imsemmi fl-Artikolu 10 tar-Regolament (UE) Nru 575/2013.

0400

2.1.1 assi negozjabbli tal-Livell 1

L-ammont ta’ influssi ta’ flus rapportati fl-entrata 2.1 li huwa kollateralizzat mill-assi negozjabbli, f’konformità mal-Artikoli 7, 8 u 10 tar-Regolament Delegat (UE) 2015/61.

L-ishma jew l-unitajiet tas-CIU f’konformità mal-Artikolu 15 tar-Regolament Delegat (UE) 2015/61 li jikkwalifikaw bħala assi tal-Livell 1 għandhom jiġu rapportati fis-subkategoriji ta’ hawn taħt li jikkorrispondu għall-assi sottostanti tagħhom.

0410

2.1.1.1 Livell 1 għajr bonds koperti

L-ammont ta’ influssi ta’ flus rapportati fl-entrata 2.1.1, li huwa kollateralizzat minn assi li mhumiex bonds koperti.

0420

2.1.1.1.1 bank ċentrali tal-Livell 1

L-ammont ta’ influssi ta’ flus rapportati fl-entrata 2.1.1.1, li huwa kollateralizzat minn assi li jirrappreżentaw pretensjonijiet fuq banek ċentrali, jew garantiti minnhom.

0430

2.1.1.1.2 Livell 1 (CQS 1)

L-ammont ta’ influssi ta’ flus rapportati fl-entrata 2.1.1.1 għajr dawk rapportati fl-entrata 2.1.1.1.1 li huwa kollateralizzat minn assi li jirrappreżentaw pretensjonijiet fuq emittent jew garanti, jew garantiti minnhom, li huwa assenjat fl-iskala 1 tal-kwalità kreditizja minn ECAI nominata.

0440

2.1.1.1.3 Livell 1 (CQS 2, CQS3)

L-ammont ta’ influssi ta’ flus rapportati fl-entrata 2.1.1.1 għajr dawk rapportati fl-entrata 2.1.1.1.1 li huwa kollateralizzat minn assi li jirrappreżentaw pretensjonijiet fuq emittent jew garanti, jew garantiti minnhom, li huwa assenjat fl-iskala 2 jew 3 tal-kwalità kreditizja minn ECAI nominata.

0450

2.1.1.1.4 Livell 1 (CQS 4+)

L-ammont ta’ influssi ta’ flus rapportati fl-entrata 2.1.1.1 għajr dawk rapportati fl-entrata 2.1.1.1.1 li huwa kollateralizzat minn assi li jirrappreżentaw pretensjonijiet fuq emittent jew garanti, jew garantiti minnhom, li huwa assenjat fl-iskala 4 jew agħar tal-kwalità kreditizja minn ECAI nominata.

0460

2.1.1.2 Bonds koperti tal-Livell 1(CQS1)

L-ammont ta’ influssi ta’ flus rapportati fl-entrata 2.1.1, li huwa kollateralizzat minn assi li mhumiex bonds koperti. Innota li, f’konformità mal-punt (f) tal-Artikolu 10(1) tar-Regolament Delegat (UE) 2015/61, huma biss bonds koperti ta’ CQS 1 li huma eliġibbli bħala assi tal-Livell 1.

0470

2.1.2 assi negozjabbli tal-Livell 2 A

L-ammont ta’ influssi ta’ flus rapportati fl-entrata 2.1 li huwa kollateralizzat minn assi negozjabbli, f’konformità mal-Artikoli 7, 8 u 11 tar-Regolament Delegat (UE) 2015/61.

L-ishma jew l-unitajiet tas-CIU f’konformità mal-Artikolu 15 tar-Regolament Delegat (UE) 2015/61 li jikkwalifikaw bħala assi tal-Livell 2 A għandhom jiġu rapportati fis-subkategoriji ta’ hawn taħt li jikkorrispondu għall-assi sottostanti tagħhom.

0480

2.1.2.1 bonds korporattivi tal-Livell 2 A (CQS 1)

L-ammont ta’ influssi ta’ flus rapportati fl-entrata 2.1.2, li huwa kollateralizzat minn bonds korporattivi li huma assenjati fl-iskala 1 tal-kwalità kreditizja minn ECAI nominata.

0490

2.1.2.2 Bonds koperti tal-Livell 2 A (CQS1, CQS2)

L-ammont ta’ influssi ta’ flus rapportati fl-entrata 2.1.2, li huwa kollateralizzat minn bonds koperti li huma assenjati fl-iskala 1 jew 2 tal-kwalità kreditizja minn ECAI nominata.

0500

2.1.2.3 settur pubbliku tal-Livell 2 A (CQS1, CQS2)

L-ammont ta’ influssi ta’ flus rapportati fl-entrata 2.1.2, li huwa kollateralizzat minn assi li jirrappreżentaw pretensjonijiet fuq gvernijiet ċentrali, banek ċentrali, gvernijiet reġjonali, awtoritajiet lokali jew entitajiet tas-settur pubbliku, jew garantiti minnhom. Innota li, f’konformità mal-punti (a) u (b) tal-Artikolu 11(1) tar-Regolament Delegat (UE) 2015/61, l-assi kollha tas-settur pubbliku eliġibbli bħala fil-Livell 2 A għandhom ikunu fl-iskala 1 tal-kwalità kreditizja jew fl-iskala 2 tal-kwalità kreditizja.

0510

2.1.3 assi negozjabbli tal-Livell 2B

L-ammont ta’ influssi ta’ flus rapportati fl-entrata 2.1 li huwa kollateralizzat minn assi negozjabbli, f’konformità mal-Artikoli 7, 8 u 12 jew 13 tar-Regolament (UE) 2015/61.

L-ishma jew l-unitajiet tas-CIU f’konformità mal-Artikolu 15 tar-Regolament Delegat (UE) 2015/61 li jikkwalifikaw bħala assi tal-Livell 2B għandhom jiġu rapportati fis-subkategoriji ta’ hawn taħt li jikkorrispondu għall-assi sottostanti tagħhom.

0520

2.1.3.1 ABS tal-Livell 2B (CQS 1)

L-ammont ta’ influssi ta’ flus rapportati fl-entrata 2.1.3, li huwa kollateralizzat minn titoli garantiti b’assi, inkluż RMBS.

0530

2.1.3.2 bonds koperti tal-Livell 2B (CQS 1-6)

L-ammont ta’ influssi ta’ flus rapportati fl-entrata 2.1.3, li huwa kollateralizzat minn bonds koperti.

0540

2.1.3.3 bonds koperti tal-Livell 2B (CQS 1-3)

L-ammont ta’ influssi ta’ flus rapportati fl-entrata 2.1.3, li huwa kollateralizzat minn titoli ta’ dejn korporattiv.

0550

2.1.3.4 ishma tal-Livell 2B

L-ammont ta’ influssi ta’ flus rapportati fl-entrata 2.1.3, li huwa kollateralizzat minn ishma.

0560

2.1.3.5 settur pubbliku tal-Livell 2B (CQS 3-5)

L-ammont ta’ influssi ta’ flus rapportati fl-entrata 2.1.3, li huwa kollateralizzat minn assi tal-Livell 2B li mhumiex rapportati fl-entrati 2.1.3.1 sa 2.1.3.4.

0570

2.1.4 assi negozjabbli oħra

L-ammont ta’ influssi ta’ flus rapportati fl-entrata 2.1, li huwa kollateralizzat minn assi negozjabbli mhux rapportati fl-entrati 2.1.1, 2.1.2 jew 2.1.3.

0580

2.1.5 assi oħrajn

L-ammont ta’ influssi ta’ flus rapportati fl-entrata 2.1, li huwa kollateralizzat minn assi mhux rapportati fl-entrati 2.1.1, 2.1.2, 2.1.3 jew 2.1.4.

0590

2.2 Flejjes dovuti mhux rapportati fl-entrata 2.1 li jirriżultaw minn self u avvanzi mogħtija lil:

Influssi ta’ flus minn self u avvanzi.

Influssi ta’ flus għandhom jiġu rapportati fl-aħħar data kuntrattwali għar-ripagament. Għal faċilitajiet ċirkolanti, is-self eżistenti għandu jkunu preżunt li jiġi riportat u kwalunkwe bilanċ pendenti għandu jiġi trattat bħala faċilitajiet impenjati.

0600

2.2.1 klijenti fil-livell tal-konsumatur

L-ammont ta’ influssi ta’ flus rapportati fl-entrata 2.2 li jirriżulta minn persuni fiżiċi jew SMEs, f’konformità mal-Artikolu 411(2) tar-Regolament (UE) Nru 575/2013.

0610

2.2.2 impriżi mhux finanzjarji

L-ammont ta’ influssi ta’ flus rapportati fl-entrata 2.2, li jirriżulta minn impriżi mhux finanzjarji.

0620

2.2.3 istituzzjonijiet ta’ kreditu

L-ammont ta’ influssi ta’ flus rapportati fl-entrata 2.2 li jirriżulta minn istituzzjonijiet ta’ kreditu.

0621

2.2.3.1 li minnhom: Intragrupp jew IPS

L-ammont tal-influssi fl-entrata 2.2.3 fejn il-kontroparti tkun kumpanija omm jew sussidjarja tal-istituzzjoni jew sussidjarja oħra tal-istess kumpanija omm jew marbuta mal-istituzzjoni ta’ kreditu permezz ta’ relazzjoni skont it-tifsira tal-Artikolu 22(7) tad-Direttiva 2013/34/UE jew membru tal-istess skema ta’ protezzjoni istituzzjonali msemmija fl-Artikolu 113(7) tar-Regolament (UE) Nru 575/2013 jew l-istituzzjoni ċentrali jew affiljata ma’ network jew grupp kooperattiv kif imsemmi fl-Artikolu 10 tar-Regolament (UE) Nru 575/2013.

0630

2.2.4 impriżi finanzjarji oħrajn

L-ammont ta’ influssi ta’ flus rapportati fl-entrata 2.2 li jirriżulta minn klijenti finanzjarji, f’konformità mal-Artikolu 411(1) tar-Regolament (UE) Nru 575/2013 għajr dawk rapportati fl-entrata 2.2.3.

0640

2.2.5 banek ċentrali

L-ammont ta’ influssi ta’ flus rapportati fl-entrata 2.2, li jirriżulta minn banek ċentrali. Din l-entrata ma għandhiex tinkludi riżervi ta’ flus prelevabbli kif rapportat fl-entrata 3.2.

0650

2.2.6 kontropartijiet oħra

L-ammont ta’ influssi ta’ flus rapportati fl-entrata 2.2, li jirriżulta minn kontropartijiet oħrajn mhux imsemmijin fit-Taqsimiet 2.2.1-2.2.5.

0660

2.3 Swaps tal-valuti skont ir-rata tal-kambju li jimmaturaw

L-ammont totali ta’ influssi ta’ flus kuntrattwali li jirriżulta mill-maturità ta’ tranżazzjonijiet ta’ Swaps tal-valuti skont ir-rata tal-kambju ta’ ammonti ta’ kapital fi tmiem il-kuntratt.

Dan jirrifletti l-valur nozzjonali li jimmatura ta’ swaps bejn il-muniti, tranżazzjonijiet spot tal-valuti skont ir-rata tal-kambju u forward fit-meded ta’ żmien applikabbli tal-formola.

0670

2.4. Ammont riċevibbli fuq derivattivi għajr dawk rapportati f’2.3

Ammont totali ta’ influssi ta’ flus kuntrattwali li jirriżulta minn pożizzjonijiet ta’ riċevibbli ta’ derivattivi mill-kuntratti elenkati fl-Anness II tar-Regolament (UE) Nru 575/2013 bl-eċċezzjoni ta’ influssi li jirriżultaw minn swaps tal-valuti skont ir-rata tal-kambju li jimmaturaw li għandhom jiġu rapportati fl-entrata 2.3.

L-ammont totali għandu jinkludi l-ammonti tas-saldu inklużi l-appelli għall-marġni mhux saldati fid-data ta’ rapportar.

L-ammont totali għandu jkun it-total ta’ (1) u (2) kif ġej, fil-meded ta’ żmien differenti kollha:

1.  il-flussi ta’ flus u ta’ titoli relatati ma’ derivattivi li għalihom hemm fis-seħħ ftehim ta’ kollateral li jeħtieġ il-kollateralizzazzjoni sħiħa jew adegwata ta’ skoperturi ta’ kontropartijiet li għandhom jiġu esklużi mill-formola tal-iskala tal-maturità, u l-flussi kollha tal-flus, it-titoli, il-kollateral fi flus u l-kollateral f’titoli kollha relatati ma’ dawn id-derivattivi għandhom jiġu esklużi mill-formola. L-esklużjoni ma għandhiex tapplika għal dawn li ġejjin:

(a)  Assi eliġibbli għal kapaċità ta’ kontrobilanċ li jkunu diġà ġew riċevuti jew ipprovduti fil-kuntest ta’ derivattivi kollateralizzati fid-data ta’ referenza ta’ rapportar (jiġifieri fil-kolonna “stokk” tat-Taqsima 3 tal-iskala tal-maturità jekk mhux aggravati u disponibbli għal aggravar).

(b)  Flussi ta’ flus u ta’ titoli fil-kuntest ta’ appelli għall-marġni (“flussi ta’ flus jew ta’ titoli”) li huma pagabbli fi żmien debitu iżda li għadhom ma ġewx saldati. Dawn għandhom jiġu riflessi fil-linji 1.5 “flussi ta’ ħruġ ta’ derivattivi” u 2.4 “influssi ta’ flus ta’ derivattivi” fil-każ ta’ kollateral fi flus u fit-Taqsima 3 “kapaċità ta’ kontrobilanċ” fil-każ ta’ kollateral f’titoli

(c)  Derivattivi b’saldu fiżiku (eż. kuntratt forward tad-deheb saldat fiżikament) fejn dawn id-derivattivi jkunu kollateralizzati b’mod sħiħ jew adegwat. Għal dawn id-derivattivi, apparti l-punti (a) u (b) hawn fuq, għandu jiġi rapportat ukoll il-fluss tas-saldu fis-saldu finali (normalment madwar il-maturità). Il-fluss ta’ flus mistenni għandu jiġi inkluż fil-medda ta’ żmien xierqa fil-linja 1.5 “flussi ta’ ħruġ ta’ flus ta’ derivattivi” fil-każ ta’ fluss ta’ ħruġ ta’ flus, u l-linja 2.4 “influssi ta’ flus ta’ derivattivi” fil-każ ta’ influss ta’ flus. Jekk l-assi saldat fiżikament jikkwalifika bħala kapaċità ta’ kontrobilanċ fit-Taqsima 3, dan il-fluss għandu jiġi inkluż fil-medda ta’ żmien xierqa u fir-ringiela xierqa f’din it-Taqsima. Għandu jkun ammont negattiv fil-każ ta’ fluss ta’ ħruġ u pożittiv fil-każ ta’ influss;

2.  għal influssi u flussi ta’ ħruġ ta’ flus u titoli relatati ma’ derivattivi li għalihom ma hemm fis-seħħ l-ebda ftehim ta’ kollateral jew fejn hija meħtieġa kollateralizzazzjoni parzjali biss, għandha ssir distinzjoni bejn kuntratti li jinvolvu opzjonalità u kuntratti oħrajn:

(a)  flussi relatati ma’ derivattivi li huma simili għall-opzjonijiet għandhom jiġu inklużi biss jekk ikunu favorevoli. Dawn il-flussi għandhom jiġu indikati billi jiġu applikati dawn iż-żewġ affarijiet li ġejjin:

(i)  il-valur tas-suq kurrenti jew il-valur preżenti nett tal-kuntratt bħala jiġi inkluż bħala influss fil-linja 2.4 tal-iskala tal-maturità “influssi ta’ flus ta’ derivattivi” fl-aħħar data tal-eżerċitar tal-opzjoni fejn il-bank ikollu d-dritt li jeżerċita l-opzjoni;

(ii)  il-valur tas-suq kurrenti jew il-valur preżenti nett tal-kuntratt jiġi inkluż bħala fluss ta’ ħruġ fil-linja 1.5 tal-iskala tal-maturità “flussi ta’ ħruġ ta’ flus ta’ derivattivi” fl-aktar data tal-eżerċitar tal-opzjoni bikrija fejn il-kontroparti tal-bank ikollha d-dritt li teżerċita l-opzjoni;

(b)  flussi relatati ma’ kuntratti oħra għajr dawk imsemmija fil-punt (a) għandhom jiġu inklużi billi jiġu projettati l-flussi kuntrattwali gross tal-flus fil-meded ta’ żmien rispettivi fil-linji 1.5 “flussi ta’ ħruġ ta’ flus derivattivi” u 2.4 “influssi ta’ flus ta’ derivattivi” u l-flussi kuntrattwali ta’ titoli tal-kapaċità ta’ kontrobilanċ tal-iskala tal-maturità, billi jintużaw ir-rati forward kurrenti implikati mis-suq applikabbli fid-data ta’ rapportar fejn l-ammonti jkunu għadhom ma ġewx iffissati.

F’konformità ma’ dan ta’ hawn fuq:

Rigward derivattivi skont il-punt 1, ir-redditu tal-kollateral li kien diġà riċevut jew imħallas ma għandux jiġi rapportat fl-iskala tal-maturità.

Rigward derivattivi skont il-punt 2, ir-redditu tal-kollateral li kien diġà riċevut jew imħallas għandu jiġi rapportat fit-Taqsima 3 tal-iskala tal-maturità. Ir-redditu ta’ kollateral diġà riċevut (imħallas) għandu jiġi rifless bħala mutazzjoni negattiva (pożittiva) fil-medda ta’ żmien li tikkorrispondi għall-maturità tad-derivattiv. Mutazzjoni pożittiva għandha tiġi rikonoxxuta biss jekk tikkwalifika bħala kapaċità ta’ kontrobilanċ mar-redditu. Jekk ir-redditu tal-kollateral diġà riċevut (imħallas) jirrappreżenta kollateral fi flus, ir-redditu tal-kollateral għandu jiġi rapportat fir-ringiela 1.6 flussi ta’ ħruġ oħrajn (ir-ringiela 2.6 influssi oħrajn) fil-medda ta’ żmien xierqa

Għall-finijiet ta’ din ir-ringiela, sitwazzjoni li fiha kollateral skambjat ma’ kontroparti ma jkunx kompletament ugwali għall-bidliet fil-valur fid-derivattiv, xorta għandha tiġi trattata bħala kollateralizzata b’mod adegwat jekk id-diskrepanza ma taqbiżx l-ammont ta’ trasferiment minimu.

0680

2.5 Karta li timmatura fil-portafoll proprju

L-ammont ta’ influssi minn investimenti proprji dovuti meħuda f’bonds, rapportati f’konformità mal-maturità kuntrattwali residwa tagħhom. Din l-entrata għandha tinkludi influssi ta’ flus minn titoli li jimmaturaw rapportati fil-kapaċità ta’ kontrobilanċ. Għaldaqstant, ladarba titolu jimmatura, dan għandu jiġi rapportat bħala fluss ta’ ħruġ ta’ titoli fil-kapaċità ta’ kontrobilanċ u konsegwentement bħala influss ta’ flus hawnhekk.

0690

2.6 Influssi oħrajn

Ammont totali tal-influssi ta’ flus l-oħrajn kollha, mhux rapportati fl-entrati 2.1, 2.2, 2.3, 2.4 jew 2.5 ta’ hawn fuq. Influssi kontinġenti ma għandhomx ikunu rapportati hawnhekk.

0691

2.6.1 li minnhom: Intragrupp jew IPS

L-ammont tal-influssi fl-entrata 2.6 fejn il-kontroparti tkun kumpanija omm jew sussidjarja tal-istituzzjoni jew sussidjarja oħra tal-istess kumpanija omm jew marbuta mal-istituzzjoni ta’ kreditu permezz ta’ relazzjoni skont it-tifsira tal-Artikolu 22(7) tad-Direttiva 2013/34/UE jew membru tal-istess skema ta’ protezzjoni istituzzjonali msemmija fl-Artikolu 113(7) tar-Regolament (UE) Nru 575/2013 jew l-istituzzjoni ċentrali jew affiljata ma’ network jew grupp kooperattiv kif imsemmi fl-Artikolu 10 tar-Regolament (UE) Nru 575/2013.

0700

2.7 Influssi totali

Somma tal-influssi rapportati fl-entrati 2.1, 2.2, 2.3, 2.4, 2.5 u 2.6.

0710

2.8 Differenza kuntrattwali netta

Influssi totali rapportati fl-entrata 2.7 mingħajr il-flussi ta’ ħruġ totali rapportati fl-entrata 1.7.

0720

2.9 Differenza kuntrattwali netta kumulata

Differenza kuntrattwali netta kumulata mid-data ta’ rapportar għal-limitu superjuri ta’ medda ta’ żmien rilevanti.

0730-1080

3 KAPAĊITÀ TA’ KONTROBILANĊ

Il-“Kapaċità ta’ Kontrobilanċ” tal-iskala tal-maturità għandu jkollha informazzjoni dwar l-iżvilupp ta’ assi ta’ gradi differenti ta’ likwidità miżmuma minn istituzzjoni, fost liema assi negozjabbli u assi eliġibbli għall-bank ċentrali, kif ukoll faċilitajiet impenjati kuntrattwalment għall-istituzzjoni.

Għar-rapportar fil-livell konsolidat dwar l-eliġibbiltà tal-bank ċentrali, ir-regoli tal-eliġibbiltà għal bank ċentrali li japplikaw għal kull istituzzjoni konsolidata fil-ġuriżdizzjoni tagħha ta’ inkorporazzjoni għandhom jiffurmaw il-bażi.

Meta l-kapaċità ta’ kontrobilanċ tirreferi għal assi negozjabbli, l-istituzzjonijiet

għandhom jirrapportaw assi negozjabbli nnegozjati f’riakkwist kbir, fond u attiv jew fi swieq tal-flus karatterizzati minn livell baxx ta’ konċentrazzjoni.

Assi rapportati fil-kolonni tal-kapaċità ta’ kontrobilanċ għandhom jinkludu biss assi mhux gravati disponibbli għall-istituzzjoni biex tibdilhom fi flus fi kwalunkwe ħin biex jimtlew id-differenzi kuntrattwali bejn l-influssi u l-flussi ta’ ħruġ ta’ flus matul il-perjodu ta’ żmien. Għal dawk il-finijiet, għandha tapplika d-definizzjoni ta’ assi gravati f’konformità mar-Regolament (UE) 2015/61. L-assi ma għandhomx jintużaw biex jipprovdu titjibiet tal-kreditu fi tranżazzjonijiet strutturati jew biex ikopru spejjeż operazzjonali bħal kirjiet u salarji, u għandhom jiġu ġestiti bl-unika intenzjoni ċara li jintużaw bħala sors ta’ fondi kontinġenti.

L-assi li l-istituzzjoni rċeviet bħala kollateral fi ftehim ta’ retroriakkwist u Tranżazzjonijiet ta’ Finanzjament tat-Titoli (SFT) jistgħu jitqiesu li huma parti mill-kapaċità ta’ kontrobilanċ jekk jinżammu fl-istituzzjoni, ma ġewx riipotekati, u huma ġuridikament u kuntrattwalment disponibbli biex jintużaw mill-istituzzjoni.

Sabiex jiġi evitat għadd doppju, meta l-istituzzjoni tirrapporta assi prepożizzjonati fl-entrati minn 3.1 sa 3.7, din ma għandhiex tirrapporta l-kapaċità relatata ta’ dawk il-faċilitajiet fl-entrata 3.8.

L-istituzzjonijiet għandhom jirrapportaw assi, meta dawn jissodisfaw id-deskrizzjoni ta’ ringiela u jkunu disponibbli fid-data ta’ rapportar, bħala stokk inizjali fil-kolonna 0010.

Il-kolonni minn 0020 sa 0220 għandu jkun fihom flussi kuntrattwali fil-kapaċità ta’ kontrobilanċ. Meta istituzzjoni tkun daħlet fi tranżazzjoni ta’ riakkwist, l-assi li kien is-suġġett tar-riakkwist għandu jerġa’ jiddaħħal bħala influss ta’ titolu fil-medda ta’ maturità fejn timmatura t-tranżazzjoni ta’ riakkwist. B’mod korrispondenti, il-fluss ta’ ħruġ ta’ flus li jsegwi mir-riakkwist li jimmatura għandu jiġi rapportat fil-medda ta’ fluss ta’ ħruġ ta’ flus rilevanti fl-entrata 1.2. Meta istituzzjoni tkun daħlet fi tranżazzjoni ta’ retroriakkwist, l-assi li kien is-suġġett tar-riakkwist għandu jerġa’ jiddaħħal bħala fluss ta’ ħruġ ta’ titolu fil-medda ta’ maturità fejn timmatura t-tranżazzjoni ta’ riakkwist. B’mod korrispondenti, l-influss ta’ flus li jsegwi mir-riakkwist li jimmatura għandu jiġi rapportat fil-medda ta’ fluss ta’ ħruġ ta’ flus rilevanti fl-entrata 2.1. Swaps kollaterali għandhom jiġu rapportati bħala influssi u flussi ta’ ħruġ kuntrattwali ta’ titoli fit-taqsima tal-kapaċità ta’ kontrobilanċ f’konformità mal-medda ta’ maturità rilevanti li fiha jimmaturaw dawn is-swaps.

Assi eliġibbli għal kapaċità ta’ kontrobilanċ li jkunu diġà ġew riċevuti jew ipprovduti fil-kuntest ta’ derivattivi fid-data ta’ referenza ta’ rapportar (jiġifieri fil-kolonna “stokk” tat-Taqsima 3 tal-iskala tal-maturità jekk mhux aggravati u disponibbli għal aggravar).

Rigward derivattivi li huma kompletament jew adegwatament kollateralizzati, ir-redditu tal-kollateral li kien diġà riċevut jew imħallas ma għandux jiġi rapportat fl-iskala tal-maturità.

Rigward derivattivi li huma parzjalment kollateralizzati, ir-redditu tal-kollateral li kien diġà riċevut jew imħallas għandu jiġi rapportat fit-Taqsima 3 tal-iskala tal-maturità. Ir-redditu ta’ kollateral diġà riċevut (imħallas) għandu jiġi rifless bħala mutazzjoni negattiva (pożittiva) fil-medda ta’ żmien li tikkorrispondi għall-maturità tad-derivattiv. Mutazzjoni pożittiva għandha tiġi rikonoxxuta biss jekk tikkwalifika bħala kapaċità ta’ kontrobilanċ mar-redditu.

Bidla fl-ammont kuntrattwali disponibbli tal-linji ta’ kreditu u likwidità rapportati fl-entrata 3.8 għandha tiġi rapportata bħala fluss fil-medda ta’ żmien rilevanti. Meta istituzzjoni jkollha depożitu mil-lum għal għada f’bank ċentrali, l-ammont tad-depożitu għandu jiġi rapportat bħala stokk inizjali fl-entrata 3.2.

Titoli li jimmaturaw fil-kapaċità ta’ kontrobilanċ għandhom jiġu rapportati fuq il-bażi tal-maturità kuntrattwali tagħhom. Meta titolu jimmatura, dan għandu jitneħħa mill-kategorija tal-assi li inizjalment kien irrapportat fiha, għandu jiġi trattat bħala fluss ta’ ħruġ ta’ titoli, u l-influss ta’ flus li jirriżulta għandu jiġi rapportat fl-entrata 2.5.

Il-valuri kollha tat-titoli għandhom jiġu rapportati fil-medda rilevanti fil-valuri tas-suq kurrenti.

Fl-entrata 3.8 għandhom jiġu rapportati biss l-ammonti kuntrattwalment disponibbli.

Biex jiġi evitat għadd doppju, influssi ta’ flus ma għandhomx jiġu kontabilizzati fl-entrata 3.1 jew 3.2 tal-kapaċità ta’ kontrobilanċ.

Entrati fil-kapaċità ta’ kontrobilanċ għandhom jiġu rapportati fis-subkategoriji li ġejjin:

0730

3.1 Muniti u karti tal-flus

Ammont totali ta’ flus li jirriżulta minn muniti u karti ta’ flus.

0740

3.2 Riżervi tal-bank ċentrali prelevabbli

Ammont totali ta’ riżervi f’banek ċentrali f’konformità mal-punt (b)(iii) tal-Artikolu 10(1) tar-Regolament Delegat (UE) 2015/61 prelevabbli mhux aktar tard minn mil-lum għal għada.

Titoli li jirrappreżentaw pretensjonijiet fuq banek ċentrali, jew garantiti minnhom, ma għandhomx jiġu rapportati hawnhekk.

Dan l-ammont għandu jiġi rapportat biss fil-kolonna tal-istokk inizjali u ma għandux jiġi rapportat bħala Influss minn Banek Ċentrali fl-entrata 2.2.5.

0750

3.3 Assi negozjabbli tal-Livell 1

Il-valur tas-suq ta’ assi negozjabbli f’konformità mal-Artikoli 7, 8 u 10 tar-Regolament Delegat (UE) 2015/61.

L-ishma jew l-unitajiet tas-CIU f’konformità mal-Artikolu 15 tar-Regolament Delegat (UE) 2015/61 li jikkwalifikaw bħala assi tal-Livell 1 għandhom jiġu rapportati fis-subkategoriji ta’ hawn taħt li jikkorrispondu għall-assi sottostanti tagħhom.

0760

3.3.1 Livell 1 esklużi bonds koperti

L-ammont rapportat fl-entrata 3.3 li mhuwiex bonds koperti.

0770

3.3.1.1 bank ċentrali tal-Livell 1

L-ammont rapportat fl-entrata 3.3.1, li huwa assi li jirrappreżenta pretensjonijiet fuq banek ċentrali, jew garantiti minnhom.

0780

3.3.1.2 Livell 1 (CQS 1)

L-ammont rapportat fl-entrata 3.3.1 għajr l-ammont rapportat fl-entrata 3.3.1.1, li huwa assi li jirrappreżentaw pretensjonijiet fuq minn emittent jew garanti, jew garantiti minnhom, li huwa assenjat fl-iskala 1 tal-kwalità kreditizja minn ECAI nominata.

0790

3.3.1.3 Livell 1 (CQS 2, CQS3)

L-ammont rapportat fl-entrata 3.3.1 għajr dawk rapportati fl-entrata 3.3.1.1, li huwa assi li jirrappreżentaw pretensjonijiet fuq emittent jew garanti, jew garantiti minnhom, li huwa assenjat fl-iskala 2 jew 3 tal-kwalità kreditizja minn ECAI nominata.

0800

3.3.1.4 Livell 1 (CQS 4+)

L-ammont rapportat fl-entrata 3.3.1 għajr dawk rapportati fl-entrata 3.3.1.1, li huwa assi li jirrappreżentaw pretensjonijiet fuq emittent jew garanti, jew garantiti minnhom, li huwa assenjat fl-iskala 4 jew agħar tal-kwalità kreditizja minn ECAI nominata.

0810

3.3.2 bonds koperti tal-Livell 1(CQS1)

L-ammont rapportat fl-entrata 3.3 li huwa bonds koperti. Innota li, f’konformità mal-punt (f) tal-Artikolu 10(1) tar-Regolament Delegat (UE) 2015/61, huma biss bonds koperti ta’ CQS 1 li huma eliġibbli bħala assi tal-Livell 1.

0820

3.4 Assi negozjabbli tal-Livell 2 A

Il-valur tas-suq ta’ assi negozjabbli f’konformità mal-Artikoli 7, 8 u 11 tar-Regolament Delegat (UE) 2015/61.

L-ishma jew l-unitajiet tas-CIU f’konformità mal-Artikolu 15 tar-Regolament Delegat (UE) 2015/61 li jikkwalifikaw bħala assi tal-Livell 2 A għandhom jiġu rapportati fis-subkategoriji ta’ hawn taħt li jikkorrispondu għall-assi sottostanti tagħhom.

0830

3.4.1 bonds korporattivi tal-Livell 2 A (CQS 1)

L-ammont rapportat fl-entrata 3.4, li huwa bonds korporattivi li huma assenjati fl-iskala 1 tal-kwalità kreditizja minn ECAI nominata.

0840

3.4.3 bonds koperti tal-Livell 2 A (CQS 1, CQS2)

L-ammont rapportat fl-entrata 3.4, li huwa bonds koperti li huma assenjati fl-iskala 1 jew 2 tal-kwalità kreditizja minn ECAI nominata.

0850

3.4.4 Settur pubbliku tal-Livell 2 A (CQS1, CQS2)

L-ammont rapportat fl-entrata 3.4, li huwa assi li jirrappreżentaw pretensjonijiet fuq jew garantiti minn gvernijiet ċentrali, banek ċentrali, gvernijiet reġjonali, awtoritajiet lokali jew entitajiet tas-settur pubbliku. Innota li, f’konformità mal-punti (a) u (b) tal-Artikolu 11(1) tar-Regolament Delegat (UE) 2015/61, l-assi kollha tas-settur pubbliku eliġibbli bħala fil-Livell 2 A jridu jkunu fl-iskala 1 tal-kwalità kreditizja jew fl-iskala 2 tal-kwalità kreditizja.

0860

3.5 Assi negozjabbli tal-Livell 2B

Il-valur tas-suq ta’ assi negozjabbli f’konformità mal-Artikoli 7, 8 u 12 jew 13 tar-Regolament Delegat (UE) 2015/61.

L-ishma jew l-unitajiet tas-CIU f’konformità mal-Artikolu 15 tar-Regolament Delegat (UE) 2015/61 li jikkwalifikaw bħala assi tal-Livell 2B għandhom jiġu rapportati fis-subkategoriji ta’ hawn taħt li jikkorrispondu għall-assi sottostanti tagħhom.

0870

3.5.1 ABS tal-Livell 2B (CQS 1)

L-ammont rapportat fl-entrata 3.5, li huwa titoli garantiti b’assi (inkluż RMBS). Innota li, f’konformità mal-punt (a) tal-Artikolu 13(2) tar-Regolament Delegat (UE) 2015/61, it-titoli kollha garantiti b’assi li jikkwalifikaw bħala Livell 2B ikollhom l-iskala 1 tal-kwalità kreditizja.

0880

3.5.2 bonds koperti tal-Livell 2B (CQS 1-6)

L-ammont rapportat fl-entrata 3.5 li huwa bonds koperti.

0890

3.5.3 bonds koperti tal-Livell 2B (CQS 1-3)

L-ammont rapportat fl-entrata 3.5 li huwa titoli ta’ dejn korporattiv.

0900

3.5.4 assi tal-Livell 2B

L-ammont rapportat fl-entrata 3.5 li huwa ishma.

0910

3.5.5 Settur pubbliku tal-Livell 2B (CQS 3-5)

L-ammont rapportat fl-entrata 3.5, li huwa assi tal-Livell 2B mhux rapportati fl-entrati minn 3.5.1 sa 3.5.4.

0920

3.6 assi negozjabbli oħra

Il-valur tas-suq ta’ assi negozjabbli għajr dawk rapportati fl-entrati 3.3, 3.4 u 3.5.

Titoli u flussi ta’ titoli minn assi negozjabbli oħra fil-forma ta’ assi intragrupp ma għandhomx jiġu rapportati fil-kapaċità ta’ kontrobilanċ. Madankollu, flussi ta’ flus minn dawn l-entrati għandhom jiġu rapportati fil-parti rilevanti tat-Taqsima 1 u 2 tal-formola.

0930

3.6.1 gvern ċentrali (CQS1)

L-ammont rapportat fl-entrata 3.6, li huwa assi li jirrappreżenta pretensjoni fuq gvern ċentrali, jew garantit minnu, li huwa assenjat fl-iskala 1 tal-kwalità kreditizja minn ECAI nominata.

0940

3.6.2 gvern ċentrali (CQS2-3)

L-ammont rapportat fl-entrata 3.6, li huwa assi li jirrappreżenta pretensjoni fuq gvern ċentrali, jew garantit minnu, li huwa assenjat fl-iskala 2 jew 3 tal-kwalità kreditizja minn ECAI nominata.

0950

3.6.3 ishma

L-ammont rapportat fl-entrata 3.6 li huwa ishma.

0960

3.6.4 bonds koperti

L-ammont rapportat fl-entrata 3.6 li huwa bonds koperti.

0970

3.6.5 ABS

L-ammont rapportat fl-entrata 3.6 li huwa ABS.

0980

3.6.6 assi negozjabbli oħra

L-ammont rapportat fl-entrata 3.6, li huwa assi negozjabbli ieħor mhux rapportat fl-entrati minn 3.6.1 sa 3.6.5 u 3.7a.

0990

3.7 assi mhux negozjabbli eliġibbli għal bank ċentrali

L-ammont riportat ta’ assi mhux negozjabbli li huwa kollateral eliġibbli għal operazzjonijiet standard ta’ likwidità tal-bank ċentrali li għalihom l-istituzzjoni jkollha aċċess dirett fil-livell tagħha ta’ konsolidazzjoni.

Għal assi denominati f’munita inkluża fl-Anness tar-Regolament ta’ Implimentazzjoni tal-Kummissjoni (UE) 2015/233 (1) bħala munita b’eliġibbiltà ristretta ferm għall-bank ċentrali, l-istituzzjonijiet għandhom iħallu din il-kaxxa vojta. Titoli u flussi ta’ titoli minn assi mhux negozjabbli oħra fil-forma ta’ assi intragrupp ma għandhomx jiġu rapportati fil-kapaċità ta’ kontrobilanċ. Madankollu, flussi ta’ flus minn dawn l-entrati għandhom jiġu rapportati fil-parti rilevanti tat-Taqsima 1 u 2 tal-formola.

0991

3.7a ħruġ proprju eliġibbli għall-banek ċentrali

Strumenti ta’ dejn garantiti maħruġa mill-istituzzjoni li huma eliġibbli għall-bank ċentrali u kkonservati fil-karta bilanċjali tal-istituzzjoni u li għalihom l-istituzzjoni għandha aċċess dirett fil-livell ta’ konsolidazzjoni tagħha.

1000

3.8 Faċilitajiet impenjati mhux prelevati riċevuti

Ammont totali ta’ faċilitajiet ta’ kreditu mhux prelevati estiżi għall-istituzzjoni ta’ rapportar. Dawn għandhom jinkludu faċilitajiet kuntrattwalment irrevokabbli. L-istituzzjonijiet għandhom jirrapportaw ammont imnaqqas għal każijiet li fihom il-ħtiġijiet potenzjali ta’ kollateral għall-prelevament minn dawn il-faċilitajiet jaqbżu d-disponibbiltà ta’ kollateral.

Sabiex jiġi evitat l-għadd doppju, faċilitajiet fejn l-istituzzjoni ta’ rapportar diġà tkun prepożizzjonat assi bħala kollateral, għal faċilità ta’ kreditu mhux prelevat, u diġà rapportat l-assi fl-entrata minn 3.1 sa 3.7, ma għandhomx jiġu rapportati fl-entrata 3.8. L-istess għandu japplika għal każijiet fejn l-istituzzjoni ta’ rapportar tista’ teħtieġ il-prepożizzjoni ta’ assi bħala kollateral sabiex tippreleva kif rapportat f’din il-kaxxa.

1010

3.8.1 faċilitajiet tal-Livell 1

L-ammont rapportat fir-ringiela 3.8 li huwa faċilità ta’ bank ċentrali f’konformità mal-punt (b) tal-Artikolu 19(1) tar-Regolament Delegat (UE) 2015/61.

1020

3.8.2 faċilitajiet ta’ użu ristrett tal-Livell 2B

L-ammont rapportat fl-entrata 3.8 li huma faċilitajiet f’konformità mal-Artikolu 14 tar-Regolament (UE) 2015/61.

1030

3.8.3 faċilitajiet ta’ IPS tal-Livell 2B

L-ammont rapportat fl-entrata 3.8 li huwa finanzjament ta’ likwidità, f’konformità mal-Artikolu 16(2) tar-Regolament (UE) 2015/61.

1040

3.8.4 faċilitajiet oħrajn

L-ammont rapportat fl-entrata 3.8 għajr l-ammont rapportat fl-entrati minn 3.8.1 sa 3.8.3.

1050

3.8.4.1 minn kontropartijiet intragrupp

L-ammont rapportat fl-entrata 3.8.4 fejn il-kontroparti tkun kumpanija omm jew sussidjarja tal-istituzzjoni jew sussidjarja oħra tal-istess kumpanija omm jew marbuta mal-istituzzjoni ta’ kreditu permezz ta’ relazzjoni skont it-tifsira tal-Artikolu 22(7) tad-Direttiva 2013/34/UE jew membru tal-istess skema ta’ protezzjoni istituzzjonali kif imsemmi fl-Artikolu 113(7) tar-Regolament (UE) Nru 575/2013 jew l-istituzzjoni ċentrali jew affiljata ma’ network jew grupp kooperattiv kif imsemmi fl-Artikolu 10 tar-Regolament (UE) Nru 575/2013.

1060

3.8.4.2 minn kontropartijiet oħra

L-ammont rapportat fl-entrata 3.8.4 għajr l-ammont rapportat fl-entrata 3.8.4.1.

1070

3.9 Bidla netta tal-Kapaċità ta’ Kontrobilanċ

Għandha tiġi rapportata bidla netta fl-iskoperturi għall-entrati 3.2, 3.3, 3.4 u 3.5, 3.6, 3.7 u 3.8 li jirrappreżentaw, rispettivament, banek ċentrali, flussi ta’ titoli u linji ta’ kreditu impenjati f’medda ta’ żmien partikolari.

1080

3.10 Kapaċità ta’ Kontrobilanċ Akkumulata

Ammont kumulat ta’ Kapaċità ta’ Kontrobilanċ mid-data ta’ rapportar għal-limitu superjuri ta’ medda ta’ żmien rilevanti.

1090-1140

4 KONTINĠENZI

Il-“Kontinġenzi” tal-iskala tal-maturità għandu jkun fihom informazzjoni dwar il-flussi ta’ ħruġ kontinġenti.

1090

4.1 Flussi ta’ ħruġ minn faċilitajiet impenjati

Flussi ta’ ħruġ li jirriżultaw minn faċilitajiet impenjati. L-istituzzjonijiet għandhom jirrapportaw bħala fluss ta’ ħruġ l-ammont massimu li jista’ jinġibed f’perjodu ta’ żmien partikolari. Għal faċilitajiet ta’ kreditu ċirkolanti, għandu jiġi rapportat biss l-ammont superjuri għas-self eżistenti.

1091

4.1.0.1 li minnhom: Intragrupp jew IPS

L-ammont ta’ kontinġenzi fl-entrata 4.1 fejn il-kontroparti tkun kumpanija omm jew sussidjarja tal-istituzzjoni jew sussidjarja oħra tal-istess kumpanija omm jew marbuta mal-istituzzjoni ta’ kreditu permezz ta’ relazzjoni skont it-tifsira tal-Artikolu 22(7) tad-Direttiva 2013/34/UE jew membru tal-istess skema ta’ protezzjoni istituzzjonali msemmija fl-Artikolu 113(7) tar-Regolament (UE) Nru 575/2013 jew l-istituzzjoni ċentrali jew affiljata ma’ network jew grupp kooperattiv kif imsemmi fl-Artikolu 10 tar-Regolament (UE) Nru 575/2013.

1100

4.1.1 Faċilitajiet ta’ kreditu impenjati

L-ammont rapportat fl-entrata 4.1 li jirriżulta minn faċilitajiet ta’ kreditu impenjati, f’konformità mal-Artikolu 31 tar-Regolament (UE) 2015/61.

1110

4.1.1.1 meqjus bħala Livell 2B mir-riċevitur

L-ammont rapportat fl-entrata 4.1.1, li huwa meqjus finanzjament ta’ likwidità, f’konformità mal-Artikolu 16(2) tar-Regolament Delegat (UE) 2015/61.

1120

4.1.1.2 oħrajn

L-ammont rapportat fl-entrata 4.1.1, għajr l-ammont rapportat fl-entrata 4.1.1.1.

1130

4.1.2 faċilitajiet ta’ likwidità

L-ammont rapportat fl-entrata 4.1 li jirriżulta minn faċilitajiet ta’ likwidità, f’konformità mal-Artikolu 31 tar-Regolament Delegat (UE) 2015/61.

1131

4.1a Flussi ta’ ħruġ minn faċilitajiet ta’ finanzjament mhux impenjati

Faċilitajiet ta’ kreditu u ta’ likwidità mhux impenjati f’konformità mal-Artikolu 23(1)(a), (b), (d) u (e) tar-Regolament Delegat (UE) 2015/61. L-istituzzjonijiet għandhom jirrapportaw bħala fluss ta’ ħruġ l-ammont massimu li jista’ jiġi prelevat f’perjodu ta’ żmien partikolari, rapportat fil-medda korrispondenti fl-aktar disponibbiltà bikrija tagħhom. Il-garanziji ma għandhomx jiġu rapportati f’din ir-ringiela.

1140

4.2 Flussi ta’ ħruġ dovuti għal skattar ta’ tnaqqis fil-grad

L-istituzzjonijiet għandhom jirrapportaw hawnhekk l-effett ta’ deterjorament materjali fil-kwalità kreditizja tal-istituzzjoni li tikkorrispondi għal tnaqqis fil-grad tal-valutazzjoni ta’ kreditu esterna tagħha bi tliet livelli.

L-ammonti pożittivi għandhom jirrappreżentaw il-flussi ta’ ħruġ kontinġenti u l-ammonti negattivi għandhom jirrappreżentaw tnaqqis tal-obbligazzjoni oriġinali.

Meta l-effett tat-tnaqqis fil-grad ikun tifdija qabel iż-żmien tal-obbligazzjonijiet pendenti, l-obbligazzjonijiet ikkonċernati għandhom jiġu rapportati b’simbolu negattiv f’faxxa ta’ żmien meta dawn jiġu rapportati fl-entrata 1 u simultanjament b’simbolu pożittiv f’faxxa ta’ żmien meta l-obbligazzjoni ssir dovuta, jekk l-effetti tat-tnaqqis fil-grad isiru applikabbli fid-data ta’ rapportar.

Meta l-effett tat-tnaqqis fil-grad ikun appell għall-marġni, il-valur tas-suq tal-kollateral meħtieġ li jiġi pprovdut għandu jiġi rapportat b’simbolu pożittiv f’faxxa ta’ żmien meta r-rekwiżit ikun dovut, jekk l-effetti tat-tnaqqis fil-grad isiru applikabbli fid-data ta’ rapportar.

Meta l-effett tat-tnaqqis fil-grad ikun bidla fid-drittijiet ta’ riipotekazzjoni tat-titoli riċevuti bħala kollateral mill-kontropartijiet, il-valur tas-suq tat-titoli affettwati għandu jiġi rapportat b’sinjal pożittiv f’faxxa ta’ żmien meta t-titoli ma jibqgħux disponibbli għall-istituzzjoni ta’ rapportar, jekk l-effetti tat-tnaqqis fil-grad isiru applikabbli fid-data ta’ rapportar.

1150-1290

ENTRATI TA’ MEMORANDUM

1230

13 HQLA eliġibbli għall-bank ċentrali – Assi negozjabbli

L-ammont rapportat fl-entrati 3.3, 3.4, u 3.5 li huwa kollateral eliġibbli għal operazzjonijiet standard ta’ likwidità tal-bank ċentrali li għalihom l-istituzzjoni jkollha aċċess dirett fil-livell tagħha ta’ konsolidazzjoni.

Għal assi denominati f’munita inkluża fl-Anness tar-Regolament (UE) 2015/233 bħala munita b’eliġibbiltà ristretta ferm għall-bank ċentrali, l-istituzzjonijiet għandhom iħallu din il-kaxxa vojta.

1241

14 Assi rapportati fl-entrata 3.6 li mhumiex HQLA eliġibbli għall-bank ċentrali

Is-somma tal-ammonti rapportati fl-entrata 3.6 li hija kollateral eliġibbli għal operazzjonijiet standard ta’ likwidità tal-bank ċentrali li għalihom l-istituzzjoni jkollha aċċess dirett fil-livell tagħha ta’ konsolidazzjoni.

Għal assi denominati f’munita inkluża fir-Regolament (UE) 2015/233 bħala munita b’eliġibbiltà ristretta ferm għall-bank ċentrali, l-istituzzjonijiet għandhom iħallu din il-kaxxa vojta.

1270

17 Flussi ta’ ħruġ ta’ mġiba minn depożiti

L-ammont rapportat fl-entrata 1.3 ridistribwit fil-meded ta’ żmien f’konformità mal-maturità ta’ mġiba fuq bażi ta’ “żamma tal-istatus quo” użat għall-fini tal-ġestjoni tar-riskju tal-likwidità tal-istituzzjoni relatriċi. Għall-finijiet ta’ din il-kaxxa, “żamma tal-istatus quo” għandha tfisser “sitwazzjoni mingħajr ebda suppożizzjoni ta’ stress ta’ likwidità.

Id-distribuzzjoni għandha tirrifletti r-“riġidità” tad-depożiti.

L-entrata ma tirriflettix suppożizzjonijiet tal-pjan tan-negozju u għaldaqstant ma għandhiex tinkludi informazzjoni relatata ma’ attivitajiet kummerċjali ġodda.

L-allokazzjoni madwar il-meded ta’ żmien għandha ssegwi l-granularità użata għal finijiet interni. Għaldaqstant, mhux il-meded ta’ żmien kollha jeħtieġ li jimtlew.

1280

18 Influssi ta’ mġiba minn self u avvanzi

L-ammont rapportat fl-entrata 2.2 ridistribwit fil-meded ta’ żmien f’konformità mal-maturità ta’ mġiba fuq bażi ta’ “żamma tal-istatus quo” użat għall-fini tal-ġestjoni tar-riskju tal-likwidità tal-istituzzjoni relatriċi. Għall-finijiet ta’ din il-kaxxa, “żamma tal-istatus quo” għandha tfisser “sitwazzjoni mingħajr ebda suppożizzjoni ta’ stress ta’ likwidità.

L-entrata ma tirriflettix suppożizzjonijiet tal-pjan tan-negozju u għalhekk ma għandhiex tikkunsidra attivitajiet kummerċjali ġodda.

L-allokazzjoni madwar il-meded ta’ żmien għandha ssegwi l-granularità użata għal finijiet interni. Għaldaqstant, mhuwiex neċessarjament meħtieġ li jimtlew il-meded ta’ żmien kollha.

1290

19 Prelevament ta’ mġiba ta’ faċilitajiet impenjati

L-ammont rapportat fl-entrata 4.1 ridistribwit fil-meded ta’ żmien f’konformità mal-livell ta’ mġiba ta’ prelevament u l-ħtiġijiet ta’ likwidità li jirriżultaw fuq bażi ta’ “żamma tal-istatus quo” użat għall-fini tal-immaniġġjar tar-riskji tal-likwidità tal-istituzzjoni ta’ rapportar. Għall-finijiet ta’ din il-kaxxa, “żamma tal-istatus quo” għandha tfisser “sitwazzjoni mingħajr ebda suppożizzjoni ta’ stress ta’ likwidità”.

L-entrata ma tirriflettix suppożizzjonijiet tal-pjan tan-negozju u għalhekk ma għandhiex tikkunsidra attivitajiet kummerċjali ġodda.

L-allokazzjoni madwar il-meded ta’ żmien għandha ssegwi l-granularità użata għal finijiet interni. Għaldaqstant, mhux il-meded ta’ żmien kollha jeħtieġ li jimtlew.
(1)   

http://eur-lex.europa.eu/legal-content/EN/TXT/?uri=CELEX%3A32015R0233

1. Ħarsa ġenerali

,

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 01.09.2024 00:00:00 -Doknr: CELEX:32021R0451
  • EULAW_DA -

    EULAW_DA