Artikolu 4 Fażijiet ewlenin taċ-ċiklu tal-ħajja għall-adozzjoni u l-użu tal-arranġamenti kuntrattwali

ir-responsabbiltajiet tal-korp maniġerjali, inkluż l-involviment tiegħu, kif xieraq, fil-proċess tat-teħid tad-deċiżjonijiet dwar l-użu tas-servizzi tal-ICT li jappoġġaw funzjonijiet kritiċi jew importanti pprovduti minn fornituri terzi ta’ servizzi tal-ICT;

l-ippjanar tal-arranġamenti kuntrattwali, inkluż il-valutazzjoni tar-riskju, id-diliġenza dovuta kif stabbilita fl-Artikoli 5 u 6 u l-proċess ta’ approvazzjoni rigward bidliet ġodda jew materjali fl-arranġamenti kuntrattwali kif stabbilit fl-Artikolu 8(4);

l-involviment ta’ unitajiet tan-negozju, kontrolli interni u unitajiet rilevanti oħra fir-rigward tal-arranġamenti kuntrattwali;

l-implimentazzjoni, il-monitoraġġ u l-ġestjoni tal-arranġamenti kuntrattwali kif imsemmija fl-Artikoli 7, 8 u 9, inkluż fil-livell konsolidat u subkonsolidat, fejn applikabbli;

id-dokumentazzjoni u ż-żamma tar-rekords, filwaqt li jitqiesu r-rekwiżiti fir-rigward tar-reġistru tal-informazzjoni stabbilit fl-Artikolu 28(3) tar-Regolament (UE) 2022/2554;

l-istrateġiji ta’ ħruġ u l-proċessi ta’ terminazzjoni kif stabbiliti fl-Artikolu 10.