Artikolu 16 Rapportar dwar ir-rekwiżit ta’ kopertura tal-likwidità fuq bażi individwali u konsolidata

Sabiex jirrapportaw informazzjoni dwar ir-rekwiżit ta’ kopertura tal-likwidità f’konformità mal-Artikolu 430(1), il-punt (d), tar-Regolament (UE) Nru 575/2013 fuq bażi individwali u konsolidata, l-istituzzjonijiet għandhom jissottomettu l-informazzjoni speċifikata fl-Anness XXIV ta’ dan ir-Regolament, f’konformità mal-istruzzjonijiet fl-Anness XXV ta’ dan ir-Regolament, bi frekwenza ta’ kull xahar;

L-informazzjoni stabbilita fl-Anness XXIV għandha tqis l-informazzjoni sottomessa għad-data ta’ referenza u l-informazzjoni dwar il-flussi tal-flus tal-istituzzjoni matul it-30 jum kalendarju ta’ wara.