29. Ba cheart d’eisitheoirí na catagóirí seo a leanas ar a laghad de tháscairí an phlean téarnaimh …

Ba cheart d’eisitheoirí na catagóirí seo a leanas ar a laghad de tháscairí an phlean téarnaimh a áireamh sa phlean téarnaimh, mar a shonraítear tuilleadh in Iarscríbhinn I (Roinn A – “Catagóirí íosta do gach eisitheoir ARTanna nó EMTanna”), go háirithe:

1) táscairí riosca leachtachta, lena gcuirtear an t-eisitheoir ar an eolas faoi mheath féideartha nó iarbhír ar phróifíl leachtachta an chúlchiste sócmhainní; 2) táscairí riosca oibriúcháin, lena dtugtar tuairisc ar na rioscaí a d’fhéadfadh teacht as próisis, daoine agus córais inmheánacha neamhleora nó ar theip orthu nó as teagmhais sheachtracha, lena n-áirítear riosca dlíthiúil. Agus an cineál sin táscairí á chalabrú, ba cheart d’eisitheoirí an cineál bunteicneolaíochta (e.g. mórleabhar dáilte ceadaithe/gan chead) chomh maith lena castacht (e.g. droichid a bheith ann, cáilíocht na cripteagrafaíochta, etc.) a chur san áireamh go sonrach. Ba cheart d’eisitheoirí a mheas freisin go bhféadfadh iarmhairtí a bheith ag brath ar bhonneagar uathúil casta seachas ar bhonneagar caighdeánach, ní hamháin ar an gcumas é a ionadú, ach freisin ar infhaighteacht daoine atá in ann é a chothabháil agus a shocrú. I gcás eisiúintí ilshlabhra, ba cheart d’eisitheoirí táscairí sonracha a áireamh le haghaidh gach teicneolaíochta mórleabhar dáilte a úsáidtear chun an comhartha sócmhainn-tagartha agus/nó an comhartha ríomh-airgid a dháileadh;

3) táscairí riosca creidmheasa/cáilíochta sócmhainní, lena dtomhaistear forbairt cháilíocht sócmhainní an chúlchiste sócmhainní;

4) táscairí a bhaineann le sócmhainní tagartha, lena dtomhaistear an riosca a bhaineann le hiarrataí fuascailte ollmhóra, e.g. de bharr caillteanas pionnála;

5) táscairí leordhóthanachta caipitil, lena dtomhaistear an meath a d’fhéadfadh teacht ar chainníocht agus ar cháilíocht shuíomh caipitil an eisitheora, lena n-áirítear leibhéal comhlíonta na gceanglas cistí dílse a leagtar síos in Airteagal 35 de Rialachán (AE) 2023/1114. Ba cheart calabrú na dtáscairí sin a shocrú os cionn a n-íoscheanglas rialála is infheidhme. Níor cheart ach d’eisitheoirí comharthaí sócmhainn-tagartha agus comharthaí ríomh-airgid nach institiúidí creidmheasa iad táscairí leordhóthanachta caipitil a úsáid.

1. Forbhreathnú

1.1 Tagairtí

• Airteagal 35 Ceanglais cistí dílse

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

3. Caighdeáin ghaolmhara

• EBA -

  EN: Guidelines and other publications of the European Banking Authority (EBA), https://www.eba.europa.eu/. © European Banking Authority. Reproduction is authorised provided the source is acknowledged (EBA legal notice). Divided into sections and converted into the GRCA format, the wording unchanged. Only the versions published by the EBA are authoritative.

  DE: Leitlinien und weitere Veröffentlichungen der Europäischen Bankenaufsichtsbehörde (EBA), https://www.eba.europa.eu/. © European Banking Authority. Wiedergabe mit Quellenangabe gestattet (Rechtlicher Hinweis der EBA). In Abschnitte aufgeteilt und in das GRCA-Format umgewandelt, der Wortlaut unverändert. Maßgeblich sind allein die von der EBA veröffentlichten Fassungen.