+Airteagal 35 Ceanglais cistí dílse
---+Airteagal 35 1.
---+Airteagal 35 2.
---+Airteagal 35 3.
---+Airteagal 35 4.
---+Airteagal 35 5.
---+Airteagal 35 6.

Airteagal 35 Ceanglais cistí dílse

1. Forbhreathnú

,
Airteagal 35 1.

Beidh cistí dílse ag eisitheoirí comharthaí sócmhainn-tagartha, i gcónaí, arb ionann iad agus an méid is airde díobh seo a leanas ar a laghad:

(a) 

EUR 350 000 ;

(b) 

2 % de mheánmhéid an chúlchiste sócmhainní dá dtagraítear in Airteagal 36;

(c) 

ceathrú d’fhorchostais sheasta na bliana roimhe sin.

Chun críocha phointe (b) den chéad fhomhír, ciallóidh meánmhéid na gcúlsócmhainní meánmhéid na gcúlsócmhainní ag deireadh gach lae féilire, arna ríomh thar na 6 mhí roimhe sin.

I gcás ina dtairgeann eisitheoir níos mó ná comhartha sócmhainn-tagartha amháin, is é a bheidh sa mhéid dá dtagraítear i bpointe (b) den chéad fhomhír suim mheánmhéid na gcúlsócmhainní atá mar thaca do gach comhartha sócmhainn-tagartha.

Déanfar an méid dá dtagraítear i bpointe (c) den chéad fhomhír a athbhreithniú go bliantúil agus a ríomh i gcomhréir le hAirteagal 67(3).
Airteagal 35 2.
Is é a bheidh sna cistí dílse dá dtagraítear i mír 1 den Airteagal seo ítimí agus ionstraimí Ghnáthchothromas Leibhéal 1 dá dtagraítear in Airteagail 26 go 30 de Rialachán (AE) Uimh. 575/2013 tar éis na n-asbhaintí go léir, de bhun Airteagal 36 den Rialachán sin, gan na díolúintí tairsí dá dtagraítear in Airteagal 46(4) agus Airteagal 48 den Rialachán sin a chur i bhfeidhm.
Airteagal 35 3.

Féadfaidh údarás inniúil an Bhallstáit baile a cheangal ar eisitheoir comhartha sócmhainn-tagartha méid cistí dílse a shealbhú atá suas le 20 % níos airde ná an méid a eascraíonn as cur i bhfeidhm mhír 1, an chéad fhomhír, pointe (b), i gcás ina léirítear le measúnú ar aon cheann díobh seo a leanas leibhéal níos airde riosca:

(a) 

an mheastóireacht ar phróisis bainistithe riosca agus sásraí rialaithe inmheánaigh eisitheoir an chomhartha sócmhainn-tagartha dá dtagraítear in Airteagal 34(1), (8) agus (10);

(b) 

cáilíocht agus luaineacht an chúlchiste sócmhainní dá dtagraítear in Airteagal 36;

(c) 

na cineálacha ceart a dheonaíonn eisitheoir an chomhartha sócmhainn-tagartha do shealbhóirí an chomhartha sócmhainn-tagartha i gcomhréir le hAirteagal 39;

(d) 

i gcás ina n-áirítear infheistíochtaí sa chúlchiste sócmhainní, na rioscaí i leith an chúlchiste sócmhainní a bhaineann leis an mbeartas infheistíochta;

(e) 

an luach comhiomlán agus an líon idirbheart a shocraítear sa chomhartha sócmhainn-tagartha;

(f) 

tábhacht na margaí ar a dtairgtear agus ar a margaítear an comhartha sócmhainn-tagartha;

(g) 

i gcás inarb infheidhme, caipitliú margaidh an chomhartha sócmhainn-tagartha.
Airteagal 35 4.
Féadfaidh údarás inniúil an Bhallstáit baile a cheangal ar eisitheoir comhartha sócmhainn-tagartha nach bhfuil suntasach aon cheanglas a leagtar amach in Airteagal 45 a chomhlíonadh, i gcás inar gá chun aghaidh a thabhairt ar an leibhéal níos airde rioscaí arna shainaithint i gcomhréir le mír 3 den Airteagal seo, nó ar aon rioscaí eile a bhfuil sé mar aidhm le hAirteagal 45 aghaidh a thabhairt orthu, amhail rioscaí leachtachta.
Airteagal 35 5.
Gan dochar do mhír 3, déanfaidh eisitheoirí comharthaí sócmhainn-tagartha tástáil struis, ar bhonn tráthrialta, lena gcuirtear san áireamh cásanna struis airgeadais atá dian ach inchreidte, amhail suaití rátaí úis, agus cásanna struis neamhairgeadais, amhail riosca oibriúcháin. Bunaithe ar thoradh tástála struis den sórt sin, cuirfidh údarás inniúil an Bhallstáit baile de cheangal ar eisitheoir an chomhartha sócmhainn-tagartha méid cistí dílse a bheith ina seilbh aige atá idir 20 % agus 40 % níos airde ná an méid a thagann as cur i bhfeidhm mhír 1, an chéad fhomhír, pointe (b), in imthosca áirithe, ag féachaint don ionchas riosca agus do thorthaí na tástála struis.
Airteagal 35 6.

Forbróidh ÚBE, i ndlúthchomhar le ESMA agus le BCE, dréachtchaighdeáin theicniúla rialála lena sonraítear tuilleadh an méid seo a leanas:

(a) 

an nós imeachta agus an tréimhse ama atá ag eisitheoir comhartha sócmhainn-tagartha chun dul in oiriúint do cheanglais maidir le cistí dílse níos airde mar a leagtar amach i mír 3;

(b) 

na critéir chun méid níos airde cistí dílse a éileamh mar a leagtar amach i mír 3;

(c) 

na híoscheanglais maidir le cláir tástála struis a dhearadh, agus méid, castacht agus cineál an chomhartha sócmhainn-tagartha á gcur san áireamh, lena n-áirítear na nithe seo a leanas ach gan bheith teoranta dóibh:

(i) 

na cineálacha tástála struis agus a bpríomhchuspóirí agus a bpríomhfheidhmeanna;

(ii) 

minicíocht na gcleachtaí éagsúla tástála struis;

(iii) 

na socruithe rialachais inmheánaigh;

(iv) 

an bonneagar sonraí iomchuí;

(v) 

modheolaíocht agus inchreidteacht na dtoimhdí;

(vi) 

cur i bhfeidhm phrionsabal na comhréireachta maidir leis na híoscheanglais ar fad, bídís cainníochtúil nó cáilíochtúil; agus

(vii) 

tréimhsiúlacht íosta na dtástálacha struis agus paraiméadair thagartha chomhchoiteanna na gcásanna tástála struis.

Cuirfidh ÚBE na dréachtchaighdeáin theicniúla rialála dá dtagraítear sa chéad fhomhír faoi bhráid an Choimisiúin faoin 30 Meitheamh 2024.

Déantar an chumhacht a tharmligean chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.