Airteagal 32 1.

i gcás ina mbaineann an luach saothair inathraithe le feidhmíocht, tá méid iomlán an luacha saothair inathraithe bunaithe ar mheascán den mheasúnú ar fheidhmíocht an duine aonair, den mheasúnú ar fheidhmíocht an aonaid gnó lena mbaineann agus den mheasúnú ar thorthaí foriomlána an ghnólachta infheistíochta;

agus measúnú á dhéanamh ar fheidhmíocht an duine aonair, cuirtear critéir airgeadais agus critéir neamhairgeadais araon san áireamh;

tá an measúnú ar an bhfeidhmíocht dá dtagraítear i bpointe (a) bunaithe ar thréimhse ilbhliantúil, agus cuirfear san áireamh timthriall gnó an ghnólachta infheistíochta agus a rioscaí gnó;

ní imríonn an luach saothair inathraithe tionchar ar chumas an ghnólachta infheistíochta bonn caipitil fónta a áirithiú;

níl aon luach saothair inathraithe ráthaithe ann cé is moite den luach saothair do bhaill foirne nua, agus, sa chás sin, le linn na chéad bhliana fostaíochta ag na baill foirne sin, agus le linn na bliana sin amháin, agus i gcás ina mbíonn bonn láidir caipitil ag an ngnólacht infheistíochta;

tá na híocaíochtaí a bhaineann le foirceannadh luath conartha fostaíochta ina léiriú ar an bhfeidhmíocht a bhain an duine aonair amach leis an aimsir agus ní chúitíonn siad loiceadh ná mí-iompar;

na pacáistí luacha saothair a bhaineann le cúiteamh nó ceannach amach as conarthaí i bhfostaíocht roimhe sin, tá siad i gcomhréir le leasanna fadtéarmacha an ghnólachta infheistíochta;

sa tomhas ar fheidhmíocht a úsáidfear mar bhonn do ríomh na gcomhthiomsuithe de luach saothair inathraithe, cuirtear san áireamh gach cineál riosca atá ann faoi láthair agus a bheidh ann amach anseo agus costas an chaipitil agus na leachtachta a cheanglaítear i gcomhréir le Rialachán (AE) Uimh. 2019/2033;

i leithdháileadh na gcomhpháirteanna luacha saothair inathraithe laistigh den ghnólacht infheistíochta, cuirtear san áireamh gach cineál riosca atá ann faoi láthair agus a bheidh ann amach anseo;

aon cheann de na hionstraimí seo a leanas atá i 50 % ar a laghad den luach saothair inathraithe:

de mhaolú ar phointe (j), i gcás nach n‐eisíonn an gnólacht infheistíochta aon cheann de na hionstraimí dá dtagraítear sa phointe sin, féadfaidh na húdaráis inniúla úsáid socruithe malartacha lena gcomhlíonfaí na cuspóirí céanna a fhormheas;

cuirtear siar 40 % ar a laghad den luach saothair inathraithe le linn tréimhse trí bliana go cúig bliana mar is iomchuí, de réir thimthriall gnó an ghnólachta infheistíochta, chineál a ghnó, a rioscaí agus ghníomhaíochtaí an duine aonair i gceist, ach amháin i gcás luach saothair inathraithe de mhéid an-mhór más é 60 % ar a laghad an sciar den luach saothair inathraithe atá iarchurtha;

ceaptar suas le 100 % den luach saothair inathraithe i gcás ina mbeidh feidhmíocht airgeadais an ghnólachta infheistíochta marbhánta nó diúltach, lena n‐áirítear le socruithe malus nó aisghlámtha faoi réir critéir arna leagan síos ag na gnólachtaí infheistíochta lena gcumhdaítear, go háirithe, cásanna inar fíor an méid seo a leanas maidir leis an duine aonair i gceist:

tá na sochair phinsin lánroghnacha i gcomhréir le straitéis ghnó, cuspóirí, luachanna agus leasanna fadtéarmacha an ghnólachta infheistíochta.