Airteagal 1 Sainmhínithe

ciallaíonn “gníomhaíochtaí ábhartha” gníomhaíochtaí ábhartha mar a shainmhínítear i bhFoscríbhinn A a ghabhann leis an Iarscríbhinn a ghabhann le Rialachán (CE) 1254/2012 ón gCoimisiún (8) (an Iarscríbhinn a bhaineann le IFRS 10);

ciallaíonn “maolaitheoirí priacail” aon dlíthe, rialacháin, rialacha nó socruithe conarthacha is infheidhme lena gcuirtear srian ar chumas institiúide tacaíocht airgeadais a sholáthar do ghnóthas i gcruachás;

ciallaíonn “gnóthais rannpháirtíochta” na gnóthais a rialaíonn aon cheann de na nithe seo a leanas go comhpháirteach:

ciallaíonn “naisc chaipitiúla” úinéireacht chaipitil, dhíreach nó indíreach, de chuid gnóthais, lena n-áirítear rannpháirtíocht mar a shainmhínítear in Airteagal 4(1), pointe (35), de Rialachán (AE) Uimh. 575/2013;

ciallaíonn “tionchar suntasach” an chumhacht maidir le páirt a ghlacadh i gcinntí beartais airgeadais agus oibríochta gnóthais, i gcás nach bhfuil an gnóthas incháilithe mar fhochuideachta mar a shainmhínítear in Airteagal 4(1), pointe (16), de Rialachán (AE) Uimh. 575/2013 agus i gcás nach rialaítear go comhpháirteach é mar a thagraítear dó sin in Airteagal 3(1) nó in Airteagal 7(3), pointe (a), den Rialachán seo.