Airteagal 2 Coinníollacha a ndéanfar an comhdhlúthú i gcomhréir leo i gcás grúpaí gnóthas atá gaolmhar de réir bhrí Airteagal 22(7) de Threoir 2013/34/AE

1.   I gcás ina gceanglaítear comhdhlúthú de bhun Airteagal 18(3) de Rialachán (AE) Uimh. 575/2013, beidh an t-eintiteas seo a leanas freagrach as comhlíontacht a áirithiú leis na ceanglais a leagtar síos i gCuid a hAon, Teideal II, Caibidil 2, Roinn 1, de Rialachán (AE) Uimh. 575/2013 ar bhonn staid chomhdhlúite ghnóthais uile an ghrúpa:

2.   Chun críocha mhír 1, is ar bhonn na ráiteas airgeadais comhdhlúite iniúchta is deireanaí a ríomhfar méid iomlán an chláir chomhardaithe nó, i gcás nach gceanglaítear ráitis airgeadais chomhdhlúite a ullmhú i gcomhréir leis an gcreat cuntasaíochta is infheidhme, is ar bhonn an ráitis airgeadais iniúchta aonair is deireanaí de chuid na hinstitiúide a ríomhfar é.

3.   I gcás nach beadh cur i bhfeidhm na gcritéar dá dtagraítear i mír 1 den Airteagal seo iomchuí, na húdaráis inniúla atá freagrach as maoirseacht a fheidhmiú ar bhonn comhdhlúite de bhun Airteagal 111(4), (5) agus (6) de Threoir 2013/36/AE ó Pharlaimint na hEorpa agus ón gComhairle (9), féadfaidh siad na critéir sin a tharscaoileadh, agus eintiteas eile laistigh den ghrúpa faoi réir Rialachán (AE) Uimh. 575/2013 a ainmniú mar an t-eintiteas a bheidh freagrach as comhlíontacht a áirithiú leis na ceanglais dá dtagraítear i gCuid a hAon, Teideal II, Caibidil 2, Roinn 1 den Rialachán sin ar bhonn staid comhdhlúthaithe ghnóthais uile an ghrúpa.

Agus oiriúnacht chur i bhfeidhm na gcritéar dá dtagraítear i mír 1 den Airteagal seo á meas, cuirfidh na húdaráis inniúla sin aon chinneadh a rinneadh i gcomhréir le hAirteagal 111(6) de Threoir 2013/36/AE san áireamh nó, in éagmais cinneadh den sórt sin, cuirfidh siad san áireamh na hinstitiúidí lena mbaineann agus tábhacht choibhéiseach a ngníomhaíochtaí sna Ballstáit ábhartha nó cé acu a cheanglaítear nó nach gceanglaítear orthu ráitis airgeadais chomhdhlúite a ullmhú le haghaidh an ghrúpa sna cásanna dá dtagraítear in Airteagal 22(7) de Threoir 2013/34/AE. I gcásanna den sórt sin, beidh sé de cheart ag an institiúid ar mó méid iomlán a cláir chomhardaithe éisteacht a fháil, sula ndéanfaidh na húdaráis inniúla an cinneadh.

4.   Sna cásanna dá dtagraítear san Airteagal seo, maidir leis na húdaráis inniúla atá freagrach as maoirseacht a fheidhmiú ar bhonn comhdhlúite de bhun Airteagal 111(4), (5) agus (6) de Threoir 2013/36/AE, ceadóidh siad nó ceanglóidh siad úsáid an mhodha comhdhlúthaithe dá bhforáiltear in Airteagal 22(8) agus (9) de Threoir 2013/34/AE.

5.   Maidir le gnóthas atá gaolmhar le gnóthas amháin nó níos mó ná sin de réir bhrí Airteagal 22(7) de Threoir 2013/34/AE, ní gá é a áireamh sa chomhdhlúthú de bhun an Airteagail seo sna cásanna céanna agus i gcomhréir leis na critéir chéanna mar a leagtar amach in Airteagal 19 de Rialachán (AE) Uimh. 575/2013.