Airteagal 8 Coinníollacha maidir le cuimsiú ionstraimí, ar le daoine iad seachas na gnóthais a áirítear sa raon feidhme stuamachta comhdhlúthaithe, i nGnáthchothromas Leibhéal 1, i gCaipiteal Breise Leibhéal 1 agus i gCaipiteal Leibhéal 2

1.   I gcásanna ina n-úsáidtear an modh comhdhlúthaithe dá bhforáiltear in Airteagal 22(8) agus (9) de Threoir 2013/34/AE de bhun Airteagal 18(3) nó (6), pointe (b), de Rialachán (AE) Uimh. 575/2013, féadfaidh institiúid a chur san áireamh ítimí Ghnáthchothromas Leibhéal 1 agus ionstraimí Chaipiteal Breise Leibhéal 1 agus Chaipiteal Leibhéal 2 mar aon le cuntais scairbhisigh ghaolmhara na ngnóthas a áirítear i raon feidhme stuamachta an chomhdhlúthaithe ar le daoine iad seachas na gnóthais sin i nGnáthchothromas Leibhéal 1, i gCaipiteal Breise Leibhéal 1 nó i gCaipiteal Leibhéal 2, ar choinníoll go mbeidh na hítimí caipitil sin ar fáil chun caillteanais na ngnóthas uile a áirítear sa chomhdhlúthú a chumhdach.

Maidir le hítimí Ghnáthchothromas Leibhéal 1 agus ionstraimí Chaipiteal Breise Leibhéal 1 agus Chaipiteal Leibhéal 2 mar aon leis na cuntais scairbhisigh ghaolmhara dá dtagraítear sa chéad fhomhír, i gcás nach mbeidh siad ar fáil chun caillteanais na ngnóthas uile a áirítear sa raon feidhme stuamachta comhdhlúthaithe a chumhdach, cinnfidh an institiúid méid ítimí Ghnáthchothromas Leibhéal 1 agus méid ionstraimí Chaipiteal Breise Leibhéal 1 agus Chaipiteal Leibhéal 2 mar aon le méid na gcuntas scairbhisigh gaolmhar a áireofar i nGnáthchothromas Leibhéal 1 comhdhlúite, i gCaipiteal Breise Leibhéal 1 comhdhlúite agus i gCaipiteal Leibhéal 2 comhdhlúite i gcomhréir le hAirteagail 81 go 88 de Rialachán (AE) Uimh. 575/2013.

2.   Chun críocha mhír 1, ítimí Ghnáthchothromas Leibhéal 1 agus ionstraimí Chaipiteal Breise Leibhéal 1 agus Chaipiteal Leibhéal 2 mar aon leis na cuntais scairbhisigh ghaolmhara dá dtagraítear i mír 1, an chéad fhomhír, ar leis an duine nó leis na daoine nó leis an eintiteas nó leis na heintitis iad a bhainistíonn na gnóthais ar bhonn aontaithe de bhun Airteagal 18(3) de Rialachán (AE) Uimh. 575/2013 nó a bhainistíonn na gnóthais go haonarach de bhun Airteagal 18(6), pointe (b), den Rialachán sin, measfar iad a bheith ar fáil chun caillteanais na ngnóthas uile a áirítear sa raon feidhme stuamachta comhdhlúthaithe a chumhdach.

3.   I gcásanna ina gceanglaítear comhdhlúthú iomlán de bhun Airteagal 18(5), Airteagal 18(6), pointe (a), nó Airteagal 18(8) de Rialachán (AE) Uimh. 575/2013, cinnfidh an institiúid méid ítimí Ghnáthchothromas Leibhéal 1 agus méid ionstraimí Chaipiteal Breise Leibhéal 1 agus Chaipiteal Leibhéal 2 mar aon le méid chuntais scairbhisigh ghaolmhara na ngnóthas a áirítear i raon feidhme stuamachta an chomhdhlúthaithe, ar le daoine iad seachas na gnóthais sin, a áireofar i nGnáthchothromas Leibhéal 1 comhdhlúite, i gCaipiteal Breise Leibhéal 1 comhdhlúite agus i gCaipiteal Leibhéal 2 comhdhlúite i gcomhréir le hAirteagail 81 go 88 de Rialachán (AE) Uimh. 575/2013. Chun na críche sin, na gnóthais a gceanglaítear comhdhlúthú iomlán lena n-aghaidh, measfar gur fochuideachtaí iad.

4.   I gcásanna ina gceanglaítear comhdhlúthú comhréireach de bhun Airteagal 18(4), (5) nó (8) de Rialachán (AE) Uimh. 575/2013, cinnfidh institiúidí méid ionstraimí Chaipiteal Breise Leibhéal 1 agus Chaipiteal Leibhéal 2 a eisíonn na gnóthais a áirítear i raon feidhme stuamachta an chomhdhlúthaithe go comhréireach, ar ionstraimí ar le daoine iad seachas na gnóthais sin, mar aon leis na cuntais scairbhisigh ghaolmhara a áireofar i gCaipiteal Breise Leibhéal 1 comhdhlúite agus i gCaipiteal Leibhéal 2 comhdhlúite i gcomhréir le hAirteagail 82, 83 agus 85 go 88 de Rialachán (AE) Uimh. 575/2013.

5.   Chun críocha mhír 4, beidh feidhm ag na sainmhínithe seo a leanas: