Airteagal 2 Spleáchas eacnamaíoch

(a)

i gcás inar dócha go mbeidh dócmhainneacht nó mainneachtain ag duine nó daoine nádúrtha nó dlítheanach eile mar thoradh ar dhócmhainneacht nó mainneachtain an duine nádúrtha nó dhlítheanaigh;

(b)

i gcás inar ráthaigh duine nádúrtha nó dlítheanach, go hiomlán nó i bpáirt, neamhchosaint duine nádúrtha nó dhlítheanaigh eile agus go bhfuil an neamhchosaint chomh suntasach sin don ráthóir gur dócha go mbeidh fadhbanna airgeadais ag an ráthóir má dhéantar éileamh;

(c)

i gcás ina ndíorthaítear cuid shuntasach d’ollfháltais nó d’ollchaiteachais an duine nádúrtha nó dhlítheanaigh ó idirbhearta le duine nádúrtha nó dlítheanach eile nach féidir a ionadú ar bhonn tráthúil gan costais bhreise iomarcacha a thabhú;

(d)

i gcás ina ndéantar cuid shuntasach de na hearraí a thairgeann duine nádúrtha nó dlítheanach nó de na seirbhísí a sholáthraíonn duine nádúrtha nó dlítheanach a dhíol nó a sholáthar do dhuine nádúrtha nó dlítheanach eile agus nach féidir an ghaolmhaireacht sin a ionadú ar bhonn tráthúil gan costais bhreise iomarcacha a thabhú;

(e)

i gcás ina mbaineann cuid shuntasach d’infháltais nó de dhliteanais duine nádúrtha nó dhlítheanaigh le duine nádúrtha nó dlítheanach eile;

(f)

i gcás ina bhfuil an fhoinse cistí a bhfuil coinne léi chun iasachtaí bheirt daoine nádúrtha nó dlítheanacha nó níos mó a aisíoc mar an gcéanna agus nach bhfuil foinse neamhspleách ioncaim eile ag aon duine de na daoine sin óna bhféadfar an iasacht a aisíoc ina hiomláine, agus nach féidir an fhoinse cistí a bhfuiltear ag súil léi a ionadú ar bhonn tráthúil gan costais bhreise iomarcacha a thabhú;

(g)

i gcás ina bhfuil coinne leis go gcruthódh fadhbanna airgeadais an duine nádúrtha nó dhlítheanaigh deacrachtaí do dhuine nádúrtha nó dlítheanach eile a dhliteanais a aisíoc go hiomlán agus ar bhonn tráthúil, toisc go bhfuil na daoine faoi dhliteanas dlíthiúil nó conarthach go comhpháirteach maidir leis an institiúid;

(h)

i gcás ina mbíonn beirt nó níos mó daoine nádúrtha nó dlítheanacha ag brath ar an bhfoinse chéanna le haghaidh fhormhór a gcistithe agus, i gcás dhócmhainneacht nó mhainneachtain na foinse cistí sin, nach féidir í a ionadú ar bhonn tráthúil gan costais bhreise iomarcacha a thabhú;

(i)

i gcás ina ndéantar beirt nó níos mó daoine dlítheanacha a bhainistiú ar bhonn aontaithe dá dtagraítear in Airteagal 22(7), pointe (a) de Threoir 2013/34/AE;

(j)

i gcás ina bhfuil chuid mhór de chomhlacht bainistíochta bheirt nó níos mó daoine dlítheanacha comhdhéanta de na daoine céanna dá dtagraítear in Airteagal 22(7), pointe b de Threoir 2013/34/AE;

(k)

i gcás ina bhfuil an tromlach de na cearta vótála i mbeirt nó níos mó daoine dlítheanacha ag na daoine nádúrtha nó dlítheanacha céanna.