|
+Airteagal 7a 9. |
Airteagal 7a 9.Déanfaidh na húdaráis inniúla faireachán, ar bhonn eintitis, grúpa agus meánluach comhiomlán, ar leibhéal na gníomhaíochta sna conarthaí díorthach dá dtagraítear i mír 6 den Airteagal seo, agus déanfaidh siad an leibhéal sin a ríomh ar an mbonn céanna, agus tarchuirfidh siad an fhaisnéis sin chuig an Sásra Faireacháin Comhpháirteach. Gan dochar do cheart na mBallstát foráil a dhéanamh maidir le pionóis agus pionóis a fhorchur, i gcás ina bhfaightear go bhfuil a oibleagáidí faoin Airteagal seo á sárú ag contrapháirtí airgeadais nó neamhairgeadais, déanfaidh a údarás inniúil, le cinneadh, pionóis riaracháin nó íocaíochtaí pionósacha tréimhsiúla a fhorchur, nó iarrfaidh sé ar údaráis bhreithiúnacha inniúla pionóis nó íocaíochtaí pionósacha tréimhsiúla a fhorchur, chun iallach a chur ar an gcontrapháirtí sin deireadh a chur lena shárú. Beidh an íocaíocht phionósach thréimhsiúil dá dtagraítear sa dara fomhír éifeachtach agus comhréireach agus ní bheidh sí níos mó ná 3 % ar a mhéad den mheánláimhdeachas laethúil sa bhliain ghnó roimhe sin. Déanfar í a fhorchur ar gach lá moille, agus déanfar í a ríomh ón dáta a shonraítear sa chinneadh lena bhforchuirtear an íocaíocht phionósach thréimhsiúil. Déanfar an íocaíocht phionósach thréimhsiúil dá dtagraítear sa dara fomhír a fhorchur ar feadh uastréimhse 6 mhí tar éis an fógra faoi chinneadh an údaráis inniúil a fháil. Tar éis dheireadh na tréimhse sin, déanfaidh an t-údarás inniúil athbhreithniú ar an mbeart agus cuirfidh sé síneadh leis más gá. 1. Forbhreathnú
1.1 Tagairtí1.2 Ceanglais aitheanta1.3 Caighdeáin ghaolmhara2. Ceanglais aitheanta
3. Caighdeáin ghaolmhara
|