|
+Airteagal 25 7b. |
Airteagal 25 7b.I gcás inar chinn ESMA gur CPL Leibhéal 2 é CPL amháin ar a laghad i dtríú tír ábhartha, sonrófar sna socruithe comhair dá dtagraítear i mír 7 an méid seo a leanas ar a laghad i ndáil leis na CPLanna Leibhéal 2 sin:
(a)
na gnéithe dá dtagraítear i mír 7a, pointí (a), (c), (e), (f) agus (h), i gcás nach bhfuil socruithe comhair bunaithe cheana féin leis an tríú tír ábhartha de bhun na míre sin;
(b)
an sásra chun faisnéis a mhalartú ar bhonn míosúil ar a laghad, de réir is iomchuí, idir ESMA, na bainc cheannais eisiúna dá dtagraítear i mír 3, pointe (f), agus údaráis inniúla na dtríú tíortha lena mbaineann, lena n-áirítear rochtain ar an bhfaisnéis uile a iarrann ESMA chun a áirithiú go gcomhlíonfaidh an CPL na ceanglais dá dtagraítear i mír 2b;
(c)
na nósanna imeachta a bhaineann le gníomhaíochtaí maoirseachta a chomhordú, lena n-áirítear comhaontú údarás tríú tír i dtaobh imscrúduithe agus cigireachtaí ar an láthair a cheadú i gcomhréir le hAirteagail 25g agus 25h faoi seach;
(d)
na nósanna imeachta lena n-áirithíonn údaráis tríú tír forfheidhmiú éifeachtach na gcinntí a ghlacann ESMA i gcomhréir le hAirteagail 25b, 25f go 25m, 25p agus 25q;
(e)
na nósanna imeachta trína ndéanann údaráis tríú tír an méid seo a leanas:
(i)
dul i gcomhairle le ESMA maidir le hullmhú pleananna téarnaimh agus maidir le measúnú a dhéanamh orthu agus maidir le hullmhú pleananna réitigh i ndáil le gnéithe atá ábhartha don Aontas nó do cheann amháin nó níos mó dá Bhallstáit;
(ii)
ESMA a chur ar an eolas gan moill mhíchuí faoi bhunú pleananna téarnaimh agus pleananna réitigh agus faoi aon athrú ábhartha ina dhiaidh sin ar na pleananna sin i ndáil le gnéithe atá ábhartha don Aontas nó do cheann amháin nó níos mó dá Bhallstáit;
(iii)
ESMA a chur ar an eolas gan moill mhíchuí má tá sé beartaithe ag CPL Leibhéal 2 a phlean téarnaimh a chur i ngníomh nó i gcás inar chinn na húdaráis tríú tír go bhfuil an chosúlacht ann go bhfuil géarchéim ag teacht chun cinn a d’fhéadfadh difear a dhéanamh d’oibríochtaí an CPL Leibhéal 2 sin, go háirithe don chumas atá aige seirbhísí imréitigh a sholáthar nó i gcás ina mbeartaíonn na húdaráis tríú tír gníomhaíocht réitigh a dhéanamh go luath sa todhchaí. 1. Forbhreathnú
1.1 Tagairtí1.2 Ceanglais aitheanta1.3 Caighdeáin ghaolmhara2. Ceanglais aitheanta
3. Caighdeáin ghaolmhara
|