|
+Artikolu 25 7b. |
Artikolu 25 7b.Meta l-AETS tkun iddeterminat li mill-anqas CCP waħda f’pajjiż terz rilevanti tkun CCP tal-Grad 2, l-arranġamenti ta’ kooperazzjoni msemmija fil-paragrafu 7 għandhom jispeċifikaw b’rabta ma’ dawk is-CCPs tal-Grad 2 mill-anqas dawn li ġejjin:
(a)
l-elementi msemmija fil-paragrafu 7a, il-punti (a), (c), (e), (f) u (h), meta l-arranġamenti ta’ kooperazzjoni ma jkunux diġà stabbiliti mal-pajjiż terz rilevanti skont dak il-paragrafu;
(b)
il-mekkaniżmu għall-iskambju ta’ informazzjoni fuq bażi ta’ mill-anqas kull xahar, kif xieraq, bejn l-AETS, il-banek ċentrali tal-ħruġ imsemmija fil-paragrafu 3, il-punt (f), u l-awtoritajiet kompetenti tal-pajjiżi terzi kkonċernati, inkluż l-aċċess għall-informazzjoni kollha mitluba mill-AETS sabiex tiġi żgurata l-konformità tas-CCP mar-rekwiżiti msemmija fil-paragrafu 2b;
(c)
il-proċeduri li jikkonċernaw il-koordinazzjoni ta’ attivitajiet superviżorji, inkluż il-qbil tal-awtoritajiet ta’ pajjiżi terzi sabiex jippermettu investigazzjonijiet u spezzjonijiet fuq il-post f’konformità mal-Artikoli 25g u 25h, rispettivament;
(d)
il-proċeduri għall-awtoritajiet ta’ pajjiżi terzi sabiex jiżguraw l-infurzar effettiv tad-deċiżjonijiet adottati mill-AETS f’konformità mal-Artikoli 25b, 25f sa 25m, 25p u 25q;
(e)
il-proċeduri għal awtoritajiet ta’ pajjiżi terzi sabiex:
(i)
jikkonsultaw lill-AETS dwar it-tħejjija u l-valutazzjoni tal-pjanijiet ta’ rkupru u dwar it-tħejjija tal-pjanijiet ta’ riżoluzzjoni fir-rigward ta’ aspetti rilevanti għall-Unjoni jew għal wieħed jew aktar mill-Istati Membri tagħha;
(ii)
jinformaw lill-AETS mingħajr dewmien dwar l-istabbiliment tal-pjanijiet ta’ rkupru u tal-pjanijiet ta’ riżoluzzjoni u dwar kwalunkwe bidla materjali sussegwenti għal dawk il-pjanijiet fir-rigward ta’ aspetti rilevanti għall-Unjoni jew għal wieħed jew aktar mill-Istati Membri tagħha;
(iii)
jinformaw lill-AETS mingħajr dewmien jekk CCP tal-Grad 2 ikollha l-ħsieb li tattiva l-pjan ta’ rkupru tagħha jew meta l-awtoritajiet ta’ pajjiżi terzi jkunu ddeterminaw li hemm indikazzjonijiet ta’ sitwazzjoni ta’ kriżi emerġenti li tista’ taffettwa l-operazzjonijiet ta’ dik is-CCP tal-Grad 2, b’mod partikolari, il-kapaċità tagħha li tipprovdi servizzi tal-ikklerjar jew meta l-awtoritajiet ta’ pajjiżi terzi jipprevedu li jieħdu azzjoni ta’ riżoluzzjoni fil-futur qrib. 1. Ħarsa ġenerali
1.1 Referenzi1.2 Rekwiżiti identifikati1.3 Standards relatati2. Rekwiżiti identifikati
3. Standards relatati
|