7. Déanfaidh oibreoir bhonneagar margaidh DLT straitéis shoiléir agus mhionsonraithe a chur ar bun agus a chur ar fáil go poiblí chun gníomhaíocht bhonneagar margaidh DLT ar leith a laghdú nó chun bonneagar margaidh DLT ar leith (“straitéis idirthréimhseach”) a aistriú as de bheith ag oibriú nó a scor de bheith ag oibriú, lena n-áirítear aistriú nó aisiompú a oibríochtaí teicneolaíochta mórleabhar dáilte chuig bonneagair thraidisiúnta mhargaidh, sna cásanna seo a leanas:
|
(a)
|
rinneadh an tairseach dá dtagraítear in Airteagal 3(3) a shárú;
|
|
(b)
|
tá cead sonrach nó díolúine a dheonaítear faoin Rialachán seo le tarraingt siar nó le scor ar shlí eile, lena n-áirítear i gcás ina scoirtear den chead sonrach nó den díolúine mar thoradh ar na teagmhais a bheartaítear faoi Airteagal 14(2); nó
|
|
(c)
|
aon scor deonach nó ainneonach de ghnó an bhonneagair margaidh DLT.
|
Beidh an straitéis aistrithe réidh lena himscaradh in am trátha.
Leagfar amach sa straitéis aistrithe conas a chaithfear le comhaltaí, rannpháirtithe, eisitheoirí agus cliaint i gcás tarraingt siar nó neamhleanúnachais de chead sonrach nó scor an ghnó dá dtagraítear sa chéad fhomhír den mhír seo. Leagfar amach sa straitéis aistrithe conas a dhéanfar cliaint, go háirithe infheisteoirí miondíola, a chosaint ar aon tionchar díréireach a d’fhéadfadh teacht ón tarraingt siar nó neamhleanúnachas de chead sonrach nó ó scor an ghnó. Déanfar an straitéis aistrithe a nuashonrú ar bhonn leanúnach faoi réir formheas a fháil roimh ré ón údarás inniúil.
Sonrófar sa straitéis aistrithe an méid a bheidh le déanamh i gcás ina sárófar an tairseach dá dtagraítear in Airteagal 3(3).