|
+Airteagal 5a 5. |
Airteagal 5a 5.Le Tiachóga Eorpacha Céannachta Digití, déanfar an méid seo a leanas, go háirithe:
(a)
tacófar le prótacail chomhchoiteanna agus comhéadain chomhchoiteanna:
(i)
chun sonraí sainaitheantais duine, ríomhdhearbhuithe saintréithe cáilithe agus neamhcháilithe nó deimhnithe cáilithe agus neamhcháilithe a eisiúint don Tiachóg Céannachta Digití Eorpaí;
(ii)
chun go mbeidh páirtithe is úsáideoirí in ann sonraí sainaitheantais duine agus ríomhdhearbhuithe saintréithe a iarraidh agus a bhailíochtú;
(iii)
chun sonraí sainaitheantais duine, ríomhdhearbhú saintréithe nó sonraí gaolmhara arna nochtadh go roghnaitheach ar líne agus, i gcás inarb iomchuí, sa mhodh as líne a chomhroinnt agus a thíolacadh do pháirtithe is úsáideoirí;
(iv)
chun gur féidir leis an úsáideoir idirghníomhaíocht leis an Tiachóg Céannachta Digití Eorpaí a cheadú agus chun Trustmharc na Tiachóige Eorpaí Céannachta Digití a thaispeáint;
(v)
chun an t-úsáideoir a ionduchtú go slán trí mhodh ríomh-shainaitheantais a úsáid i gcomhréir le hAirteagal 5a(24);
(vi)
chun idirghníomhú idir Tiachóga Eorpacha Céannachta Digití beirte chun sonraí sainaitheantais duine agus ríomhdhearbhuithe saintréithe a fháil, a bhailíochtú agus a chomhroinnt ar bhealach slán;
(vii)
chun páirtithe is úsáideoirí a fhíordheimhniú agus a shainaithint trí shásraí fíordheimhnithe a chur chun feidhme i gcomhréir le hAirteagal 5b;
(viii)
chun go mbeidh páirtithe is úsáideoirí in ann barántúlacht agus bailíocht Tiachóg Eorpach Céannachta Digití a fhíorú;
(ix)
chun iarraidh ar pháirtí is úsáideoir sonraí pearsanta a léirscriosadh de bhun Airteagal 17 de Rialachán (AE) 2016/679;
(x)
chun páirtí is úsáideoir a thuairisciú don údarás inniúil náisiúnta cosanta sonraí i gcás ina bhfaightear iarraidh ar shonraí a líomhnaítear a bheith neamhdhleathach nó amhrasach;
(xi)
chun ríomhshínithe cáilithe nó ríomhshéalaí cáilithe a chruthú trí bhíthin gléasanna cruthaithe ríomhshínithe cáilithe nó ríomhshéalaí cáilithe;
(b)
ní sholáthrófar aon fhaisnéis do sholáthraithe seirbhísí iontaoibhe ríomhdhearbhuithe saintréithe faoi úsáid na ríomhdhearbhuithe sin;
(c)
áiritheofar gur féidir céannacht na bpáirtithe is úsáideoirí a fhíordheimhniú agus a shainaithint trí shásraí fíordheimhnithe a chur chun feidhme i gcomhréir le hAirteagal 5b;
(d)
comhlíonfar na ceanglais a leagtar amach in Airteagal 8 i ndáil le leibhéal dearbhaithe “ard”, go háirithe mar a chuirtear i bhfeidhm iad ar na ceanglais maidir le céannacht a phromhadh agus a fhíorú, agus le modhanna ríomh-shainaitheantais a bhainistiú agus a fhíordheimhniú;
(e)
i gcás ríomhdhearbhú saintréithe ina bhfuil beartais nochta leabaithe, an sásra iomchuí a chur chun feidhme chun an t-úsáideoir a chur ar an eolas go bhfuil cead ag an bpáirtí is úsáideoir nó ag úsáideoir na Tiachóige Eorpaí Céannachta Digití a iarrann an ríomhdhearbhú saintréithe sin rochtain a fháil ar dhearbhú den sórt sin;
(f)
áiritheofar go ndéanfar, le sonraí sainaitheantais duine, atá ar fáil ón scéim ríomh-shainaitheantais faoina bhfuil Tiachóg Eorpach Céannachta Digití á soláthar, léiriú uathúil ar an duine nádúrtha, ar an duine dlítheanach nó ar an duine nádúrtha a dhéanann ionadaíocht ar an duine nádúrtha nó dlítheanach, agus go mbeidh baint ag na sonraí leis an Tiachóg Eorpach Céannachta Digití sin;
(g)
cuirfear ar chumas gach duine nádúrtha síniú a dhéanamh trí bhíthin ríomhshínithe cáilithe mar réamhshocrú agus saor in aisce. D’ainneoin phointe (g) den chéad fhomhír, féadfaidh na Ballstáit foráil a dhéanamh maidir le bearta comhréireacha chun a áirithiú go mbeidh úsáid saor in aisce ríomhshínithe cáilithe ag daoine nádúrtha teoranta do chríocha neamhghairmiúla. 1. Forbhreathnú
1.1 Tagairtí1.2 Ceanglais aitheanta1.3 Caighdeáin ghaolmhara2. Ceanglais aitheanta
3. Caighdeáin ghaolmhara
|