+Airteagal 20 Maoirseacht ar sholáthraithe cáilithe seirbhísí iontaoibhe
---+Airteagal 20 1.
---+Airteagal 20 1a.
---+Airteagal 20 1b.
---+Airteagal 20 2.
---+Airteagal 20 3.
---+Airteagal 20 3a.
---+Airteagal 20 3b.
---+Airteagal 20 3c.
---+Airteagal 20 4.

Airteagal 20 Maoirseacht ar sholáthraithe cáilithe seirbhísí iontaoibhe

1. Forbhreathnú

,
Airteagal 20 1.
Déanfaidh comhlacht measúnaithe comhréireachta iniúchadh ar sholáthraithe cáilithe seirbhísí iontaoibhe, ar a laghad gach 24 mhí, ar a gcostas féin. Leis an iniúchadh, dearbhófar go ndéanann na soláthraithe cáilithe seirbhísí iontaoibhe agus na seirbhísí iontaoibhe cáilithe a sholáthraíonn siad na ceanglais a leagtar síos sa Rialachán seo agus in Airteagal 21 de Threoir (AE) 2022/2555 a chomhlíonadh. Déanfaidh soláthraithe cáilithe seirbhísí iontaoibhe an tuarascáil ar mheasúnú comhréireachta a thagann as sin a thíolacadh don chomhlacht maoirseachta laistigh de 3 lá oibre tar éis dóibh í a fháil.
Airteagal 20 1a.
Cuirfidh soláthraithe cáilithe seirbhísí iontaoibhe an comhlacht maoirseachta ar an eolas 1 mhí amháin ar a dhéanaí roimh aon iniúchtaí atá beartaithe agus ceadóidh siad don chomhlacht maoirseachta a bheith rannpháirteach mar bhreathnóir arna iarraidh sin.
Airteagal 20 1b.
Tabharfaidh na Ballstáit, gan moill mhíchuí, fógra don Choimisiún faoi ainmneacha, seoltaí agus sonraí creidiúnaithe na gcomhlachtaí measúnaithe comhréireachta dá dtagraítear i mír 1 agus faoi aon athruithe a dhéanfar orthu ina dhiaidh sin. Cuirfidh an Coimisiún an fhaisnéis sin ar fáil do na Ballstáit uile.
Airteagal 20 2.
Gan dochar do mhír 1, féadfaidh an comhlacht maoirseachta iniúchadh a dhéanamh ar na soláthraithe cáilithe seirbhísí iontaoibhe nó a iarraidh ar chomhlacht measúnaithe comhréireachta measúnú comhréireachta a dhéanamh orthu, ar chostas na soláthraithe seirbhísí iontaoibhe cáilithe sin, tráth ar bith, chun a dhearbhú go gcomhlíonann siad féin agus na seirbhísí iontaoibhe cáilithe a sholáthraíonn siad na ceanglais a leagtar síos sa Rialachán seo. I gcás ina ndealraíonn sé gur sáraíodh rialacha cosanta sonraí pearsanta, cuirfidh an comhlacht maoirseachta na húdaráis inniúla mhaoirseachta arna mbunú de bhun Airteagal 51 de Rialachán (AE) 2016/679 ar an eolas gan moill mhíchuí.
Airteagal 20 3.
I gcás ina mainníonn an soláthraí cáilithe seirbhísí iontaoibhe aon cheann de na ceanglais a leagtar amach sa Rialachán seo a chomhlíonadh, ceanglóidh an comhlacht maoirseachta air leigheas a chur ar fáil laistigh de theorainn ama arna leagan síos, más infheidhme.

I gcás nach gcuireann an soláthraí sin leigheas ar fáil agus, i gcás inarb infheidhme laistigh den teorainn arna leagan síos ag an gcomhlacht maoirseachta, déanfaidh an comhlacht maoirseachta, i gcás ina bhfuil údar leis go háirithe i ngeall ar mhéid, fad agus iarmhairtí na mainneachtana sin, stádas cáilithe an tsoláthraí sin nó na seirbhíse dá ndéantar difear a sholáthraíonn sé a tharraingt siar.
Airteagal 20 3a.
I gcás ina gcuireann na húdaráis inniúla arna n-ainmniú nó arna mbunú de bhun Airteagal 8(1) de Threoir (AE) 2022/2555 an comhlacht maoirseachta ar an eolas go mainníonn an soláthraí cáilithe seirbhísí iontaoibhe aon cheann de na ceanglais a leagtar amach in Airteagal 21 den Treoir sin a chomhlíonadh, déanfaidh an comhlacht maoirseachta, i gcás ina bhfuil údar leis go háirithe i ngeall ar mhéid, fad agus iarmhairtí na mainneachtana sin, stádas cáilithe an tsoláthraí sin nó stádas cáilithe na seirbhíse dá ndéantar difear a sholáthraíonn sé a tharraingt siar.
Airteagal 20 3b.
I gcás ina gcuireann na húdaráis mhaoirseachta arna mbunú de bhun Airteagal 51 de Rialachán (AE) 2016/679 an comhlacht maoirseachta ar an eolas go mainníonn an soláthraí cáilithe seirbhísí iontaoibhe aon cheann de na ceanglais a leagtar amach sa Rialachán sin a chomhlíonadh, déanfaidh an comhlacht maoirseachta, i gcás ina bhfuil údar leis go háirithe i ngeall ar mhéid, fad agus iarmhairtí na mainneachtana sin, stádas cáilithe an tsoláthraí sin nó na seirbhíse dá ndéantar difear a sholáthraíonn sé a tharraingt siar.
Airteagal 20 3c.
Cuirfidh an comhlacht maoirseachta an soláthraí cáilithe seirbhísí iontaoibhe ar an eolas faoi aistarraingt a stádais cháilithe nó faoi aistarraingt stádas cáilithe na seirbhíse lena mbaineann. Cuirfidh an comhlacht maoirseachta an comhlacht dá dtugtar fógra de bhun Airteagal 22(3) den Rialachán seo ar an eolas chun na liostaí iontaofa dá dtagraítear i mír 1 den Airteagal sin agus an t-údarás inniúil arna ainmniú nó arna bhunú de bhun Airteagal 8(1) de Threoir (AE) 2022/2555 a thabhairt cothrom le dáta.
Airteagal 20 4.

Faoin 21 Bealtaine 2025, bunóidh an Coimisiún, trí bhíthin gníomhartha cur chun feidhme, liosta de chaighdeáin tagartha agus, i gcás inar gá, sonraíochtaí agus nósanna imeachta le haghaidh an mhéid seo a leanas:

(a) 

na comhlachtaí measúnaithe comhréireachta a chreidiúnú agus don tuarascáil measúnaithe creidiúnachta dá dtagraítear i mír 1;

(b) 

na ceanglais iniúchta ar na comhlachtaí measúnaithe comhréireachta chun a measúnú comhréireachta a dhéanamh, lena n-áirítear measúnú ilchodach, ar na soláthraithe cáilithe seirbhísí iontaoibhe dá dtagraítear i mír 1;

(c) 

na scéimeanna um measúnú comhréireachta le measúnú comhréireachta a dhéanamh ar sholáthraithe cáilithe seirbhísí iontaoibhe ag na comhlachtaí measúnaithe comhréireachta agus leis an tuarascáil dá dtagraítear i mír 1 a sholáthar.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(2).

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 18.10.2024 00:00:00 -Doknr: CELEX:32014R0910
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.