Airteagal 46a 4.

comhoibriú leis na comhlachtaí maoirseachta eile agus cúnamh a thabhairt dóibh i gcomhréir le hAirteagail 46c agus 46e;

an fhaisnéis is gá chun faireachán a dhéanamh ar chomhlíonadh an Rialacháin seo a iarraidh;

na húdaráis inniúla ábhartha arna n-ainmniú nó arna mbunú de bhun Airteagal 8(1) de Threoir (AE) 2022/2555 de chuid na mBallstát lena mbaineann a chur ar an eolas faoi aon sáruithe suntasacha slándála nó aon chaillteanas sláine a dtagann siad ar an eolas fúthu agus a gcúraimí á gcomhlíonadh acu agus, i gcás sárú suntasach slándála nó caillteanas sláine a bhaineann le Ballstáit eile, an pointe teagmhála aonair arna ainmniú nó arna bhunú de bhun Airteagal 8(3) de Threoir (AE) 2022/2555 de chuid an Bhallstáit lena mbaineann agus na pointí teagmhála aonair arna n-ainmniú de bhun Airteagal 46c(1) den Rialachán seo sna Ballstáit eile lena mbaineann a chur ar an eolas, agus an pobal a chur ar an eolas nó a cheangal ar sholáthraithe Tiachóg Céannachta Digití Eorpaí é sin a dhéanamh i gcás ina gcinneann an comhlacht maoirseachta gur chun leas an phobail é an sárú slándála nó an caillteanas sláine a nochtadh;

cigireachtaí ar an láthair agus maoirseacht lasmuigh den láthair a dhéanamh;

a chur de cheangal ar sholáthraithe Tiachóg Céannachta Digití Eorpaí aon mhainneachtain a leigheas a bhaineann leis na ceanglais a leagtar síos sa Rialacháin seo a chomhlíonadh;

clárú agus cuimsiú na bpáirtithe is úsáideoirí sa sásra dá dtagraítear in Airteagal 5b(7) a chur ar fionraí nó ar ceal i gcás úsáid neamhdhleathach nó chalaoiseach na Tiachóige Eorpaí Céannachta Digití;

comhoibriú leis na húdaráis inniúla mhaoirseachta arna mbunú de bhun Airteagal 51 de Rialachán (AE) 2016/679, go háirithe, trína gcur ar an eolas gan mhoill mhíchuí, i gcás ina ndealraíonn sé gur sáraíodh rialacha maidir le cosaint sonraí pearsanta agus faoi sháruithe slándála a ndealraíonn sé gur sáruithe i ndáil le sonraí pearsanta iad.