+Airteagal 46a Maoirseacht ar an gCreat maidir le Tiachóga Céannachta Digití Eorpaí
---+Airteagal 46a 1.
---+Airteagal 46a 2.
---+Airteagal 46a 3.
---+Airteagal 46a 4.
---+Airteagal 46a 5.
---+Airteagal 46a 6.
---+Airteagal 46a 7.
|
Airteagal 46a Maoirseacht ar an gCreat maidir le Tiachóga Céannachta Digití Eorpaí
1. Forbhreathnú
| Teideal |
Rialáil |
|
Airteagal 46a 1.
|
Ainmneoidh na Ballstáit comhlacht maoirseachta amháin nó níos mó atá bunaithe ar a gcríoch féin. Tabharfar do na comhlachtaí maoirseachta arna n-ainmniú de bhun na chéad fhomhíre na cumhachtaí is gá agus na hacmhainní leordhóthanacha chun a gcúraimí a fheidhmiú ar bhealach éifeachtach, éifeachtúil agus neamhspleách.
|
|
Airteagal 46a 2.
|
Tabharfaidh na Ballstáit fógra don Choimisiún faoi ainmneacha agus seoltaí a gcomhlachtaí maoirseachta arna n-ainmniú de bhun mhír 1 agus faoi aon athruithe a dhéanfar orthu ina dhiaidh sin. Foilseoidh an Coimisiún liosta de na comhlachtaí maoirseachta ar tugadh fógra ina leith.
|
|
Airteagal 46a 3.
|
Seo a leanas an ról a bheidh ag na comhlachtaí maoirseachta arna n-ainmniú de bhun mhír 1:
(a)
maoirseacht a dhéanamh ar Thiachóga Céannachta Digití Eorpaí atá bunaithe sa Bhallstát ainmniúcháin agus a áirithiú, trí bhíthin gníomhaíochtaí maoirseachta ex ante agus ex post, go gcomhlíonann na soláthraithe sinagus Tiachóga Eorpacha Céannachta Digití a sholáthraíonn siad na ceanglais a leagtar síos sa Rialachán seo;
(b)
gníomhaíocht a dhéanamh, más gá, maidir le soláthraithe Tiachóg Céannachta Digití Eorpaí atá bunaithe ar chríoch an Bhallstáit ainmniúcháin, trí bhíthin gníomhaíochtaí maoirseachta ex post, nuair a chuirtear in iúl dóibh go sáraíonn soláthraithe nó Tiachóga Céannachta Digití Eorpaí a sholáthraíonn siad an Rialachán seo.
|
|
Airteagal 46a 4.
|
Ar na cúraimí atá ar na comhlachtaí maoirseachta arna n-ainmniú de bhun mhír 1, áireofar an méid seo a leanas go háirithe:
(a)
comhoibriú leis na comhlachtaí maoirseachta eile agus cúnamh a thabhairt dóibh i gcomhréir le hAirteagail 46c agus 46e;
(b)
an fhaisnéis is gá chun faireachán a dhéanamh ar chomhlíonadh an Rialacháin seo a iarraidh;
(c)
na húdaráis inniúla ábhartha arna n-ainmniú nó arna mbunú de bhun Airteagal 8(1) de Threoir (AE) 2022/2555 de chuid na mBallstát lena mbaineann a chur ar an eolas faoi aon sáruithe suntasacha slándála nó aon chaillteanas sláine a dtagann siad ar an eolas fúthu agus a gcúraimí á gcomhlíonadh acu agus, i gcás sárú suntasach slándála nó caillteanas sláine a bhaineann le Ballstáit eile, an pointe teagmhála aonair arna ainmniú nó arna bhunú de bhun Airteagal 8(3) de Threoir (AE) 2022/2555 de chuid an Bhallstáit lena mbaineann agus na pointí teagmhála aonair arna n-ainmniú de bhun Airteagal 46c(1) den Rialachán seo sna Ballstáit eile lena mbaineann a chur ar an eolas, agus an pobal a chur ar an eolas nó a cheangal ar sholáthraithe Tiachóg Céannachta Digití Eorpaí é sin a dhéanamh i gcás ina gcinneann an comhlacht maoirseachta gur chun leas an phobail é an sárú slándála nó an caillteanas sláine a nochtadh;
(d)
cigireachtaí ar an láthair agus maoirseacht lasmuigh den láthair a dhéanamh;
(e)
a chur de cheangal ar sholáthraithe Tiachóg Céannachta Digití Eorpaí aon mhainneachtain a leigheas a bhaineann leis na ceanglais a leagtar síos sa Rialacháin seo a chomhlíonadh;
(f)
clárú agus cuimsiú na bpáirtithe is úsáideoirí sa sásra dá dtagraítear in Airteagal 5b(7) a chur ar fionraí nó ar ceal i gcás úsáid neamhdhleathach nó chalaoiseach na Tiachóige Eorpaí Céannachta Digití;
(g)
comhoibriú leis na húdaráis inniúla mhaoirseachta arna mbunú de bhun Airteagal 51 de Rialachán (AE) 2016/679, go háirithe, trína gcur ar an eolas gan mhoill mhíchuí, i gcás ina ndealraíonn sé gur sáraíodh rialacha maidir le cosaint sonraí pearsanta agus faoi sháruithe slándála a ndealraíonn sé gur sáruithe i ndáil le sonraí pearsanta iad.
|
|
Airteagal 46a 5.
|
I gcás ina gceanglaíonn an comhlacht maoirseachta arna ainmniú de bhun mhír 1 ar sholáthraí Tiachóige Eorpaí Céannachta Digití aon mhainneachtain ceanglais faoin Rialachán seo a chomhlíonadh de bhun mhír 4, pointe (e), a leigheas, agus nach ngníomhaíonn an soláthraí sin dá réir sin agus, más infheidhme, laistigh de theorainn ama arna leagan síos ag an gcomhlacht maoirseachta sin, féadfaidh an comhlacht maoirseachta arna ainmniú de bhun mhír 1, agus aird á tabhairt, go háirithe, ar mhéid, fad agus iarmhairtí na mainneachtana sin, a ordú don soláthraí soláthar na Tiachóige Eorpaí Céannachta Digití a chur ar fionraí nó a scor. Cuirfidh an comhlacht maoirseachta comhlachtaí na mBallstát eile, an Coimisiún, na páirtithe is úsáideoirí agus úsáideoirí na Tiachóige Eorpaí Céannachta Digití ar an eolas gan moill mhíchuí faoin gcinneadh chun a cheangal go ndéanfar soláthar na Tiachóige Eorpaí Céannachta Digití a chur ar fionraí nó a scor.
|
|
Airteagal 46a 6.
|
Faoin 31 Márta gach bliain, cuirfidh gach comhlacht maoirseachta arna ainmniú de bhun mhír 1 tuarascáil ar a phríomhghníomhaíochtaí le linn na bliana féilire roimhe sin faoi bhráid an Choimisiúin. Cuirfidh an Coimisiún na tuarascálacha bliantúla sin ar fáil do Pharlaimint na hEorpa agus don Chomhairle.
|
|
Airteagal 46a 7.
|
Faoin 21 Bealtaine 2025, bunóidh an Coimisiún, trí bhíthin gníomhartha cur chun feidhme, na formáidí agus na nósanna imeachta don tuarascáil dá dtagraítear i mír 6 den Airteagal seo. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(2).
|
,
1.1 Tagairtí
1.2 Ceanglais aitheanta
1.3 Caighdeáin ghaolmhara
2. Ceanglais aitheanta
Ceanglais
| Foinse |
Ceanglas |
3. Caighdeáin ghaolmhara
Caighdeáin
| Foinse |
Ceanglas |
- Builddate: 18.10.2024 00:00:00 -Doknr: CELEX:32014R0910
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|