+Airteagal 46d Cúnamh frithpháirteach
---+Airteagal 46d 1.
---+Airteagal 46d 2.
---+Airteagal 46d 3.
---+Airteagal 46d 4.
|
Airteagal 46d Cúnamh frithpháirteach
1. Forbhreathnú
| Teideal |
Rialáil |
|
Airteagal 46d 1.
|
Chun maoirseacht agus forfheidhmiú na n-oibleagáidí faoin Rialachán seo a éascú, féadfaidh na comhlachtaí maoirseachta arna n-ainmniú de bhun Airteagal 46a(1) agus Airteagal 46b(1) cúnamh frithpháirteach a lorg, lena n-áirítear tríd an nGrúpa Comhair a bhunaítear de bhun Airteagal 46e(1), ó na chomhlachtaí maoirseachta de chuid Ballstáit eile ina bhfuil soláthraí na Tiachóige Eorpaí Céannachta Digití nó an soláthraí seirbhísí iontaoibhe bunaithe, nó ina bhfuil a gcórais ghréasáin agus faisnéise lonnaithe nó ina soláthraítear a chuid seirbhísí.
|
|
Airteagal 46d 2.
|
Beidh an méid seo a leanas ar a laghad i gceist leis an gcúnamh frithpháirteach:
(a)
cuirfidh an comhlacht maoirseachta a chuireann bearta maoirseachta agus forfheidhmiúcháin i bhfeidhm i mBallstát amháin an comhlacht maoirseachta ón mBallstát eile lena mbaineann ar an eolas agus rachaidh sé i gcomhairle leis;
(b)
féadfaidh comhlacht maoirseachta a iarraidh ar chomhlacht maoirseachta Ballstáit eile lena mbaineann bearta maoirseachta nó bearta forfheidhmiúcháin a dhéanamh, lena n-áirítear, mar shampla, iarrataí ar chigireachtaí a dhéanamh maidir leis na tuarascálacha ar mheasúnú comhréireachta dá dtagraítear in Airteagail 20 agus 21 maidir le seirbhísí iontaoibhe a sholáthar;
(c)
i gcás inarb iomchuí, féadfaidh comhlachtaí maoirseachta imscrúduithe comhpháirteacha a dhéanamh le comhlachtaí maoirseachta na mBallstát eile.
Na socruithe agus nósanna imeachta le haghaidh gníomhaíochtaí comhpháirteacha faoin gcéad fhomhír, comhaontóidh agus bunóidh na Ballstáit lena mbaineann iad i gcomhréir lena ndlí náisiúnta.
|
|
Airteagal 46d 3.
|
Comhlacht maoirseachta lena ndéantar iarraidh ar chúnamh, féadfaidh sé an iarraidh sin a dhiúltú ar aon cheann de na forais seo a leanas:
(a)
níl an cúnamh arna iarraidh comhréireach le gníomhaíochtaí maoirseachta an chomhlachta maoirseachta arna ndéanamh i gcomhréir le hAirteagail 46a agus 46b;
(b)
níl an comhlacht maoirseachta inniúil chun an cúnamh arna iarraidh a sholáthar;
(c)
ní bheadh sé i gcomhréir leis an Rialachán seo an cúnamh arna iarraidh a sholáthar.
|
|
Airteagal 46d 4.
|
Faoin 21 Bealtaine 2025 agus gach 2 bhliain ina dhiaidh sin, eiseoidh an Grúpa Comhair a bhunaítear de bhun Airteagal 46e(1) treoir maidir leis na gnéithe eagraíochtúla agus na nósanna imeachta eagraíochtúla don chúnamh frithpháirteach i míreanna 1 agus 2 den Airteagal seo.
|
,
1.1 Tagairtí
1.2 Ceanglais aitheanta
1.3 Caighdeáin ghaolmhara
2. Ceanglais aitheanta
Ceanglais
| Foinse |
Ceanglas |
3. Caighdeáin ghaolmhara
Caighdeáin
| Foinse |
Ceanglas |
- Builddate: 18.10.2024 00:00:00 -Doknr: CELEX:32014R0910
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|