IARSCRÍBHINN V CEANGLAIS MAIDIR LE RÍOMHDHEARHBÚ SAINTRÉITHE CÁILITHE

léiriú, i bhfoirm atá oiriúnach do phróiseáil uathoibrithe ar a laghad, gur eisíodh an dearbhú mar ríomhdhearbhú saintréithe cáilithe;

tacar sonraí lena léirítear gan débhrí an soláthraí cáilithe seirbhísí iontaoibhe a eisíonn ríomhdhearbhú saintréithe cáilithe lena n-áirítear ar a laghad, an Stát ina mbeidh an soláthraí bunaithe agus:

tacar sonraí lena léirítear gan débhrí an t-eintiteas dá dtagraíonn na saintréithe dearbhuithe má úsáidtear ainm bréige, léireofar go soiléir é;

an tsaintréith dhearbhuithe nó na saintréithe dearbhuithe, lena n-áirítear, más infheidhme, an fhaisnéis is gá chun raon feidhme na dtréithe sin a shainaithint;

sonraí maidir le tús agus le deireadh thréimhse bhailíochta an dearbhaithe;

cód céannachta an dearbhuithe, nach mór dó a bheith uathúil le haghaidh an tsoláthraí cháilithe seirbhísí iontaoibhe agus, más infheidhme, an léiriú ar scéim na ndearbhuithe ar cuid de é an dearbhú saintréithe;

ríomhshíniú cáilithe nó ríomhshéala cáilithe ón soláthraí cáilithe seirbhísí iontaoibhe eisiúna;

an láthair ina bhfuil an deimhniú a thacaíonn leis an ríomhshíniú cáilithe nó leis an ríomhshéala cáilithe dá dtagraítear i bpointe (g) ar fáil saor in aisce;

an fhaisnéis, nó an láthair ina bhfuil na seirbhísí is féidir a úsáid chun fiosrú a dhéanamh faoin dearbhú cáilithe.