IARSCRÍBHINN VII CEANGLAIS MAIDIR LE RÍOMHDHEARBHÚ SAINTRÉITHE ARNA EISIÚINT AG COMHLACHT POIBLÍ ATÁ FREAGRACH AS FOINSE BHARÁNTÚIL NÓ THAR A CHEANN

léiriú, i bhfoirm atá oiriúnach do phróiseáil uathoibrithe ar a laghad, gur eisíodh an dearbhú mar ríomhdhearbhú saintréithe arna eisiúint ag comhlacht poiblí atá freagrach as foinse bharántúil nó thar a cheann;

tacar sonraí lena léirítear gan débhrí an comhlacht poiblí a eisíonn an ríomhdhearbhú saintréithe, lena n-áirítear, ar a laghad, an Ballstát ina bhfuil an comhlacht poiblí sin bunaithe agus a ainm agus, i gcás inarb infheidhme, a chláruimhir mar atá luaite sna taifid oifigiúla;

tacar sonraí lena léirítear gan débhrí an t-eintiteas dá dtagraíonn na saintréithe fianaithe; má úsáidtear ainm bréige, léireofar sin go soiléir;

an tsaintréith dhearbhuithe nó na saintréithe dearbhuithe, lena n-áirítear, más infheidhme, an fhaisnéis is gá chun raon feidhme na saintréithe sin a shainaithint;

sonraí maidir le tús agus le deireadh thréimhse bhailíochta an dearbhaithe;

cód céannachta an dearbhaithe, nach mór dó a bheith uathúil le haghaidh an chomhalta phoiblí eisiúna agus, más infheidhme, an léiriú ar scéim na ndearbhuithe ar cuid de é an dearbhú saintréithe;

ríomhshíniú cáilithe nó ríomhshéala cáilithe ón gcomhlacht eisiúna;

an láthair ina bhfuil an deimhniú a thacaíonn leis an ríomhshíniú cáilithe nó leis an ríomhshéala cáilithe dá dtagraítear i bpointe (g) ar fáil saor in aisce;

an fhaisnéis, nó an láthair ina bhfuil na seirbhísí is féidir a úsáid chun fiosruithe a dhéanamh faoi stádas bailíochta an dearbhaithe.