IARSCRÍBHINN I BILEOG FÍRICÍ MAIDIR LE BANNAÍ GLASA EORPACHA

— [Dáta foilsithe na bileoige fíricí maidir le Bannaí Glasa Eorpacha]

— [Ainm dlíthiúil an eisitheora]

— [I gcás ina bhfuil sé ar fáil, aitheantóir eintitis dhlítheanaigh (LEI) an eisitheora]

— [Seoladh suímh gréasáin a thugann faisnéis d’infheisteoirí maidir le conas teagmháil a dhéanamh leis an eisitheoir]

— [I gcás ina bhfuil siad ar fáil, ainm an bhanna/na mbannaí arna sannadh ag an eisitheoir]

— [I gcás ina bhfuil siad ar fáil, uimhreacha aitheantais urrús idirnáisiúnta (ISIN) an bhanna/na mbannaí]

— [I gcás ina bhfuil sé ar fáil, an dáta nó an tréimhse eisiúna atá beartaithe]

— [Céannacht agus sonraí teagmhála an athbhreithneora sheachtraigh]

— [Más infheidhme, ainm an údaráis inniúil a d’fhormheas an réamheolaire bannaí nó na réamheolairí]

— [An ráiteas seo a leanas: “[Úsáideann an banna seo] [Úsáideann na bannaí seo] an t-ainmniú ‘Banna Glas Eorpach’ nó ‘EuGB’ i gcomhréir le Rialachán (AE) 2023/2631 ó Pharlaimint na hEorpa agus ón gComhairle (1)].”]

— [I gcás ina bhfuil sé beartaithe fáltais ó bhannaí a leithdháileadh i gcomhréir le hAirteagal 5 den Rialachán sin, an ráiteas seo a leanas: ‘[Baineann an Banna Glas Eorpach seo] [Baineann na Bannaí Glasa Eorpacha seo] úsáid as an tsolúbthacht lena gceadaítear neamhailíniú páirteach leis na critéir scagtha theicniúla a leagtar amach sna gníomhartha tarmligthe arna nglacadh de bhun Airteagal 10(3), 11(3), 12(2), 13(2), 14(2) nó 15(2) de Rialachán (AE) 2020/852 ó Pharlaimint na hEorpa agus ón gComhairle (2) (‘na critéir scagtha theicniúla’), mar a thuairiscítear a thuilleadh i Roinn 4 den bhileog fíricí seo.’]

— [Faisnéis maidir leis an gcaoi a bhfuiltear ag súil go gcuirfidh an banna/na bannaí le straitéis chomhshaoil níos leithne an eisitheora, lena n-áirítear na cuspóirí comhshaoil dá dtagraítear in Airteagal 9 de Rialachán (AE) 2020/852 arna saothrú ag an mbanna/na bannaí.]

— [A mhéid atá siad ar fáil don eisitheoir tráth na heisiúna, agus i gcás ina bhfuil an t-eisitheoir faoi réir Airteagal 8 de Rialachán (AE) 2020/852, tuairisc ar conas agus a mhéid (e.g. arna sloinneadh mar athrú céatadáin measta bliain ar bhliain) a mheastar go rannchuideoidh fáltais ó bhannaí le príomhtháscairí feidhmíochta an eisitheora maidir le sócmhainní tacsanomaíocht-ailínithe, láimhdeachas, caiteachas caipitil agus caiteachas oibriúcháin.]

— [I gcás ina bhfuil an t-eisitheoir faoi réir oibleagáid pleananna a fhoilsiú de bhun Airteagal 19a(2), pointe (a)(iii), nó, i gcás inarb infheidhme, Airteagal 29a(2), pointe (a)(iii), de Threoir 2013/34/AE ó Pharlaimint na hEorpa agus ón gComhairle (3), nó i gcás ina bhfoilsíonn an t-eisitheoir pleananna um aistriú dá dheoin féin:

— 

— [Cé acu atá nó nach bhfuil fáltais á leithdháileadh ag an eisitheoir i gcomhréir le cur chuige céimseach nó cur chuige na punainne, agus an banna urrúsúcháin é an banna/an bannaí urrúsúcháin iad na bannaí.]

— [An cion íosta d’fháltais ó bhannaí a cheanglaítear de réir phleananna an eisitheora atá le húsáid do ghníomhaíochtaí atá inbhuanaithe ó thaobh an chomhshaoil de faoi Airteagal 3 de Rialachán (AE) 2020/852, de réir na modheolaíochta sa tuarascáil leithdháilte (85 % ar a laghad a bheidh sa chion]: [XX] % d’fháltais ó bhannaí.]

— [I gcás ina bhfuil fáil air, léiriú ar sciar na bhfáltas ó bhannaí atá le húsáid don mhaoiniú (i mbliain na heisiúna nó tar éis bhliana na heisiúna) agus don athmhaoiniú.]

— [I gcás inar ceannasaí é an t-eisitheoir, agus ina bhfuil sé beartaithe fáltais ó bhannaí a leithdháileadh ar fhaoiseamh cánach mar a leagtar amach in Airteagal 4(3) de Rialachán (AE) 2023/2631, meastachán ar mhéid ionchasach an chaillteanais ioncaim a bhaineann le faoiseamh cánach incháilithe.]

— [I gcás ina bhfuil siad ar fáil, an cuspóir/na cuspóirí comhshaoil spriocdhírithe, dá dtagraítear in Airteagal 9 de Rialachán (AE) 2020/852.]

— [Maidir le gach ceann de na gníomhaíochtaí eacnamaíocha a bhfuil sé beartaithe fáltais a leithdháileadh orthu, faisnéis maidir lena gcineálacha, lena n-earnálacha, agus lena gcóid NACE faoi seach i gcomhréir leis an aicmiú staidrimh gníomhaíochtaí eacnamaíocha a bunaíodh le Rialachán (CE) Uimh. 1893/2006 ó Pharlaimint na hEorpa agus ón gComhairle (4).]

— [I gcás ina bhfuil sé beartaithe fáltais ó bhannaí a leithdháileadh ar ghníomhaíocht eacnamaíoch chumasúcháin nó ar ghníomhaíocht eacnamaíoch idirthréimhseach, cineál na gníomhaíochta eacnamaíche cumasúcháin nó na gníomhaíochta eacnamaíche idirthréimhsí a bheartaítear a mhainiú agus, i gcás ina mbeidh fáil orthu, méid agus cion na bhfáltas atá beartaithe a leithdháileadh ar gach cineál gníomhaíochta eacnamaíche cumasúcháin nó gníomhaíochta eacnamaíche idirthréimhsí.]

— [I gcás inarb infheidhme, méid agus sciar na bhfáltas a bheartaítear a leithdháileadh ar ghníomhaíochtaí tacsanomaíocht-ailínithe a bhaineann le fuinneamh núicléach agus gás iontaise i gcomhréir le hAirteagail 10(2) agus 11(3) de Rialachán (AE) 2020/852.

— [I gcás ina bhfuil sé beartaithe fáltais ó bhannaí a leithdháileadh i gcomhréir le hAirteagal 5 de Rialachán (AE) 2023/2631, ráiteas go bhfuil sé beartaithe na fáltais [glanfháltais] ón mbanna a leithdháileadh i bpáirt ar ghníomhaíochtaí eacnamaíocha nach bhfuil ailínithe leis na critéir scagtha theicniúla. Tabharfaidh an t-eisitheoir tuairisc ar an neamhailíniú sin, ar na gníomhaíochtaí lena mbaineann agus, i gcás ina mbeidh fáil air, ar chéatadán measta na bhfáltas atá beartaithe chun na gníomhaíochtaí sin a mhaoiniú ar bhonn iomlán agus in aghaidh na gníomhaíochta, lena n-áirítear miondealú ina dtugtar tuairisc ar an bpointe nó ar na pointí d’Airteagal 5(1) de Rialachán (AE) 2023/2631 atá á n-úsáid. Thairis sin, míniú ar cén fáth nach féidir na critéir scagtha theicniúla a chur i bhfeidhm agus míniú ar an gcaoi a bhfuil sé beartaithe ag an eisitheoir a áirithiú go gcomhlíonann na gníomhaíochtaí sin Airteagal 5(3) agus (4) de Rialachán (AE) 2023/2631 agus Airteagal 3, pointí (a), (b) agus (c), de Rialachán (AE) 2020/852.]

— [Léiriú maidir le cibé acu a chuimseoidh nó nach gcuimseoidh tuarascálacha leithdháilte faisnéis de réir tionscadail faoi mhéideanna arna leithdháileadh agus na tionchair chomhshaoil a bhfuil súil leo]

— [I gcás inarb infheidhme, tuairisc mhionsonraithe ar an bplean le haghaidh caiteachas caipitil (CapEx) dá dtagraítear in Airteagal 7 de Rialachán (AE) 2023/2631, lena n-áirítear na príomhpharaiméadair arna n-úsáid ag an eisitheoir chun ailíniú na sócmhainní nó na ngníomhaíochtaí ábhartha leis na ceanglais maidir le tacsanomaíochta chinneadh faoi dheireadh na tréimhse dá bhforáiltear san Airteagal sin]