Airteagal 7 Scrúdú ESMA ar an iarratas ar údarú chun oibriú san Aontas mar sholáthraí rátála ESG

1.   Laistigh de 25 lá oibre ó iarratas dá dtagraítear in Airteagal 6(2) a fháil, déanfaidh ESMA measúnú ar cibé an bhfuil an t-iarratas comhlánaithe ina iomláine. Mura bhfuil an t-iarratas comhlánaithe ina iomláine, leagfaidh ESMA síos sprioc-am faoina mbeidh ar an iarratasóir aon fhaisnéis atá in easnamh a sholáthar.

2.   A luaithe a mheasfaidh sé go bhfuil iarratas comhlánaithe ina iomláine, tabharfaidh ESMA fógra don iarratasóir faoi.

3.   Laistigh de 90 lá oibre ón bhfógra dá dtagraítear i mír 2 den Airteagal seo, glacfaidh ESMA cinneadh lán-réasúnaithe, dá dtagraítear in Airteagal 8(1), chun údarú chun oibriú mar sholáthraí rátála ESG san Aontas a dheonú nó diúltú dó.

4.   Féadfaidh ESMA síneadh a chur leis an tréimhse dá dtagraítear i mír 3 den Airteagal seo go 120 lá oibre, go háirithe i gcás ina ndéanann an t-iarratasóir an méid seo a leanas:

5.   Tiocfaidh an cinneadh arna ghlacadh ag ESMA de bhun mhír 3 i bhfeidhm ar an gcúigiú lá oibre tar éis a ghlactha.

6.   Mura soláthróidh an t-iarratasóir aon fhaisnéis a iarradh atá in easnamh sula rachaidh an sprioc-am dá dtagraítear i mír 1 in éag, diúltóidh ESMA don iarratas.

Mura bhfuil aon chinneadh glactha ag ESMA laistigh den tréimhse dá dtagraítear i mír 3 nó 4, measfar an t-iarratas a bheith diúltaithe.