2. Chun críocha mhír 1 den Airteagal seo, féadfaidh ESMA a cheangal ar sholáthraithe rátála ESG fianaise dhoiciméadaithe a sholáthar dó maidir lena mbeartas praghsála, lena n-áirítear struchtúr na dtáillí agus na critéir phraghsála. Féadfaidh ESMA bearta maoirseachta a dhéanamh i gcomhréir le hAirteagal 35, agus féadfaidh sé cinneadh a dhéanamh fíneálacha a fhorchur i gcomhréir le hAirteagal 36 i gcás ina gcinnfidh sé nach bhfuil táillí arna ngearradh ag soláthraithe rátála ESG cothrom, réasúnach, trédhearcach agus neamh-idirdhealaitheach.