Airteagal 5 Measúnú riosca a dhéanfaidh na Ballstáit

1.   Tugtar de cumhacht don Choimisiún gníomh tarmligthe a ghlacadh, i gcomhréir le hAirteagal 23, faoin 17 Samhain 2023 chun an Treoir seo a fhorlíonadh trí liosta neamh-uileghabhálacha seirbhísí riachtanacha sna hearnálacha agus sna fo-earnálacha a leagtar amach san Iarscríbhinn a bhunú. Úsáidfidh na húdaráis inniúla liosta na seirbhísí fíor-riachtanacha sin chun measúnú riosca (“measúnú riosca Ballstáit”) a dhéanamh faoin 17 Eanáir 2026, agus i gcás inar gá dá éis sin, agus gach 4 bliana ar a laghad. Bainfidh na húdaráis inniúla úsáid as measúnuithe riosca Ballstáit chun críocha eintitis chriticiúla a shainaithint i gcomhréir le hAirteagal 6 agus chun cabhrú leis na heintitis chriticiúla sin bearta a dhéanamh de bhun Airteagal 13.

Tabharfar cuntas i measúnuithe riosca Ballstáit ar na rioscaí nádúrtha ábhartha agus na rioscaí de dhéantús an duine ábhartha, lena n-áirítear rioscaí de chineál trasearnála nó trasteorann, timpistí, tubaistí nádúrtha, éigeandálaí sláinte poiblí, agus bagairtí hibrideacha nó bagairtí eascairdiúla eile, lena n-áirítear cionta sceimhlitheoireachta dá bhforáiltear i dTreoir (AE) 2017/541 ó Pharlaimint na hEorpa agus ón gComhairle (32).

2.   Agus na measúnuithe riosca Ballstáit á ndéanamh acu, tabharfaidh na Ballstáit cuntas ar an méid seo a leanas, ar a laghad:

Chun críocha na chéad fomhíre, pointe (c), oibreoidh na Ballstáit i gcomhar le húdaráis inniúla Ballstáit eile agus le húdaráis inniúla tríú tíortha, de réir mar is iomchuí.

3.   Cuirfidh na Ballstáit na heilimintí ábhartha de mheasúnuithe riosca Ballstáit ar fáil, i gcás inarb ábhartha trína bpointí teagmhála aonair, do na heintitis chriticiúla a shainaithin siad i gcomhréir le hAirteagal 6. Áiritheoidh na Ballstáit go gcuideofar leis an bhfaisnéis a chuirfear ar fáil do na heintitis chriticiúla, lena measúnuithe riosca a dhéanamh, de bhun Airteagal 12 agus le bearta a dhéanamh chun a n-athléimneacht a dheimhniú de bhun Airteagal 13.

4.   Laistigh de 3 mhí tar éis do Bhallstát measúnú riosca Ballstáit a dhéanamh, cuirfidh sé faisnéis ábhartha ar fáil don Choimisiún maidir leis na cineálacha rioscaí a sainaithníodh i ndiaidh dó an measúnú riosca Ballstáit sin a dhéanamh agus maidir leis na torthaí air, in aghaidh na hearnála agus in aghaidh na fo-earnála a leagtar amach san Iarscríbhinn.

5.   Forbróidh an Coimisiún, i gcomhar leis na Ballstáit, teimpléad tuairiscithe coiteann deonach chun mír 4 a chomhlíonadh.