Airteagal 15 Fógra faoi theagmhais

1.   Áiritheoidh na Ballstáit go dtabharfaidh eintitis chriticiúla fógra don údarás inniúil, gan moill mhíchuí, faoi theagmhais a shuaitheann go mór a n-oibríochtaí nó a d’fhéadfadh soláthar a gcuid seirbhísí fíor-riachtanacha a shuaitheadh go mór. Áiritheoidh na Ballstáit, mura rud é nach bhfuil siad in ann déanamh amhlaidh go hoibríochtúil, go tabharfaidh eintitis chriticiúla fógra tosaigh tráth nach deanaí ná 24 uair an chloig tar éis dóibh fáil amach faoi theagmhas, mar aon le tuairisc mhionsonraithe dá éis sin tráth nach déanaí ná aon mhí amháin ina dhiaidh sin, i gcás inarb ábhartha. Chun a shuntasaí atá an suaitheadh a chinneadh, cuirfear na paraiméadair seo a leanas, go háirithe, san áireamh:

I gcás tionchar suntasach a bheith ag teagmhas, nó ina bhféadfadh tionchar suntasach a bheith aige ar leanúnachas sholáthar na seirbhísí fíor-riachtanacha do sé Bhallstát nó níos mó nó in sé bhallstát nó níos mó, tabharfaidh údaráis inniúla na mBallstát lena mbaineann fógra don Choimisiún faoin teagmhas sin.

2.   Áireofar sna fógraí dá dtagraítear i mír 1, an chéad fhomhír, aon fhaisnéis atá ar fáil atá riachtanach chun an t-údarás inniúil a chumasú chun tuiscint a bheith aige ar an gcineál teagmhais atá ann, ar an gcúis a bhí leis agus ar na hiarmhairtí a d’fhéadfadh a bheith leis, lena n-áirítear aon fhaisnéis atá ar fáil atá riachtanach chun aon tionchar trasteorann a bheidh ag an teagmhas a chinneadh. Le fógraí den sórt sin, ní bheidh an t-eintiteas criticiúil faoi réir dliteanas méadaithe.

3.   Ar bhonn na faisnéise a chuir eintiteas criticiúil ar fáil i bhfógra dá dtagraítear i mír 1, déanfaidh an t-údarás inniúil ábhartha, tríd an bpointe teagmhála aonair, pointe teagmhála aonair na mBallstát eile dá ndéantar difear a chur ar an eolas i gcás ina bhfuil tionchar suntasach ag an teagmhas nó ina bhféadfadh sé go mbeadh tionchar suntasach aige ar eintitis chriticiúla agus ar leanúnachas an tsoláthair seirbhísí fíor-riachtanacha i mBallstát amháin eile nó do Bhallstát amháin eile nó níos mó.

Pointí teagmhála aonair a mbíonn faisnéis á seoladh agus á fáil acu de bhun na chéad fhomhíre, déanfaidh siad, i gcomhréir le dlí an Aontais nó leis an dlí náisiúnta, an fhaisnéis a láimhseáil ar mbhealach trína n-urramófar rúndacht na faisnéise sin agus trína gcosnófar slándáil agus leasanna tráchtála an eintitis chriticiúil lena mbaineann.

4.   A luaithe is féidir tar éis dó fógra a fháil dá dtagraítear i mír 1, tabharfaidh an t-eintiteas inniúil lena mbaineann faisnéis ábhartha leantach don eintiteas criticiúil lena mbaineann, lena n-áirítear faisnéis a d’fhéadfadh tacú le freagairt éifeachtach an eintitis chriticiúil sin ar an teagmhas i dtrácht. Cuirfidh na Ballstáit an pobal ar an eolas i gcás ina gcinneann siad gurbh é leas an phobail é sin a dhéanamh.