+Airteagal 22 Tuairisciú ar chomharthaí sócmhainn-tagartha
---+Airteagal 22 1.
---+Airteagal 22 2.
---+Airteagal 22 3.
---+Airteagal 22 4.
---+Airteagal 22 5.
---+Airteagal 22 6.
---+Airteagal 22 7.

Airteagal 22 Tuairisciú ar chomharthaí sócmhainn-tagartha

1. Forbhreathnú

,
Airteagal 22 1.

Maidir le gach comhartha sócmhainn-tagartha ag a bhfuil luach eisiúna atá níos airde ná EUR 100 000 000 , tuairisceoidh an t-eisitheoir an fhaisnéis seo a leanas don údarás inniúil ar bhonn ráithiúil:

(a) 

líon na sealbhóirí;

(b) 

luach an chomhartha sócmhainn-tagartha arna eisiúint agus méid an chúlchiste sócmhainní;

(c) 

meánlíon agus meánluach comhiomlán na n-idirbheart in aghaidh an lae le linn na ráithe ábhartha;

(d) 

meastachán ar mheánlíon agus meánluach comhiomlán na n-idirbheart in aghaidh an lae le linn na ráithe ábhartha a bhaineann lena úsáidí mar mhodh malartaithe laistigh de limistéar airgeadra aonair.

Chun críocha phointí (c) agus (d) den chéad fhomhír, ciallóidh ‘idirbheart’ aon athrú ar an duine nádúrtha nó dlítheanach atá i dteideal an chomhartha sócmhainn-tagartha mar thoradh ar aistriú an chomhartha sócmhainn-tagartha ó sheoladh nó cuntas mórleabhair dháilte amháin go ceann eile.

Maidir le hidirbhearta a bhaineann leis an malartú le haghaidh cistí nó cripteashócmhainní eile leis an eisitheoir nó le soláthraí seirbhísí cripteashócmhainní, ní mheasfar go bhfuil baint acu le húsáidí an chomhartha sócmhainn-tagartha mar mhodh malartaithe, mura bhfuil fianaise ann go n-úsáidtear an comhartha sócmhainn-tagartha chun idirbhearta i gcripteashócmhainní eile a shocrú.
Airteagal 22 2.
Féadfaidh an t-údarás inniúil a cheangal ar eisitheoirí comharthaí sócmhainn-tagartha an oibleagáid maidir le tuairisciú dá dtagraítear i mír 1 a chomhlíonadh i ndáil le comharthaí sócmhainn-tagartha arna n-eisiúint ag a bhfuil luach níos lú ná EUR 100 000 000 .
Airteagal 22 3.
Soláthraithe seirbhísí cripteashócmhainní a sholáthraíonn seirbhísí a bhaineann leis an gcomhartha sócmhainn-tagartha, soláthróidh siad an fhaisnéis is gá d’eisitheoir an chomhartha sócmhainn-tagartha chun an tuarascáil dá dtagraítear i mír 1 a ullmhú, lena n-áirítear trí idirbhearta lasmuigh den mhórleabhar dáilte a thuairisciú.
Airteagal 22 4.
Déanfaidh an t-údarás inniúil an fhaisnéis a fhaightear a roinnt le BCE agus, i gcás inarb infheidhme, leis an mbanc ceannais dá dtagraítear in Airteagal 20(4) agus le húdaráis inniúla na mBallstát óstach.
Airteagal 22 5.
Féadfaidh BCE agus, i gcás inarb infheidhme, an banc ceannais dá dtagraítear in Airteagal 20(4) a meastacháin féin a sholáthar don údarás inniúil maidir le meánlíon ráithiúil agus meánluach comhiomlán ráithiúil na n-idirbheart in aghaidh an lae a bhaineann le húsáidí an chomhartha sócmhainn-tagartha mar mhodh malairte laistigh de limistéar airgeadra aonair.
Airteagal 22 6.
Forbróidh ÚBE, i ndlúthchomhar le BCE, dréachtchaighdeáin theicniúla rialála chun an mhodheolaíocht a shonrú chun meastachán a dhéanamh ar mheánlíon ráithiúil agus meánluach comhiomlán ráithiúil na n-idirbheart in aghaidh an lae a bhaineann le húsáidí an chomhartha sócmhainn-tagartha mar mhodh malartaithe laistigh de limistéar airgeadra aonair.

Cuirfidh ÚBE na dréachtchaighdeáin theicniúla rialála dá dtagraítear sa chéad fhomhír faoi bhráid an Choimisiúin faoin 30 Meitheamh 2024.

Déantar an chumhacht a tharmligean chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.
Airteagal 22 7.
Forbróidh ÚBE dréachtchaighdeáin theicniúla cur chun feidhme chun foirmeacha caighdeánacha, formáidí caighdeánacha agus teimpléid chaighdeánacha a bhunú chun críocha an tuairiscithe dá dtagraítear i mír 1 agus chun an fhaisnéis dá dtagraítear i mír 3 a sholáthar.

Cuirfidh ESMA na dréachtchaighdeáin theicniúla cur chun feidhme dá dtagraítear sa chéad fhomhír faoi bhráid an Choimisiúin faoin 30 Meitheamh 2024.

Tugtar an chumhacht don Choimisiún na caighdeáin theicniúla cur chun feidhme dá dtagraítear sa chéad fhomhír den mhír seo a ghlacadh i gcomhréir le hAirteagal 15 de Rialachán (AE) Uimh. 1093/2010.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.