+Airteagal 45 Oibleagáidí breise sonracha ar eisitheoirí comharthaí sócmhainn-tagartha suntasacha
---+Airteagal 45 1.
---+Airteagal 45 2.
---+Airteagal 45 3.
---+Airteagal 45 4.
---+Airteagal 45 5.
---+Airteagal 45 6.
---+Airteagal 45 7.
---+Airteagal 45 8.

Airteagal 45 Oibleagáidí breise sonracha ar eisitheoirí comharthaí sócmhainn-tagartha suntasacha

1. Forbhreathnú

,
Airteagal 45 1.
Déanfaidh eisitheoirí comharthaí sócmhainn-tagartha beartas luacha saothair a ghlacadh, a chur chun feidhme agus a choimeád ar bun, ar beartas é lena ndéantar an bainistiú riosca fónta agus éifeachtach eisitheoirí den sórt sin a chur chun cinn agus nach gcruthaítear dreasachtaí leis chun caighdeáin riosca a mhaolú.
Airteagal 45 2.
Áiritheoidh eisitheoirí comharthaí sócmhainn-tagartha suntasacha gur féidir le soláthraithe seirbhísí cripteashócmhainní éagsúla a údaraítear chun cumhdach agus riar cripteashócmhainní a sholáthar thar ceann cliant, lena n-áirítear soláthraithe seirbhísí cripteashócmhainní nach mbaineann leis an ngrúpa céanna, mar a shainmhínítear in Airteagal 2, pointe (11), de Threoir 2013/34/AE, na comharthaí sin a choimeád faoi chumhdach ar bhonn cothrom, réasúnach agus neamh-idirdhealaitheach.
Airteagal 45 3.
Déanfaidh eisitheoirí comharthaí sócmhainn-tagartha suntasacha measúnú agus faireachán ar na riachtanais leachtacha chun freastal ar iarrataí ó shealbhóirí comharthaí sócmhainn-tagartha chun na comharthaí sócmhainn-tagartha sin a fhuascailt. Chun na críche sin, déanfaidh eisitheoirí comharthaí sócmhainn-tagartha suntasacha beartas bainistithe leachtachta agus nósanna imeachta bainistithe leachtachta a bhunú, a choimeád ar bun agus a chur chun feidhme. Áiritheofar leis an mbeartas sin agus leis na nósanna imeachta sin go bhfuil próifíl leachtachta athléimneach ag na cúlsócmhainní lena gcuirtear ar chumas eisitheoirí comharthaí sócmhainn-tagartha suntasacha leanúint de bheith ag feidhmiú mar is gnách, lena n-áirítear i gcásanna struis leachtachta.
Airteagal 45 4.
►C1  Déanfaidh eisitheoirí comharthaí sócmhainn-tagartha suntasacha tástáil struis leachtachta ar bhonn tráthrialta. Ag brath ar thoradh tástálacha den sórt sin, féadfaidh ÚBE a chinneadh na ceanglais leachtachta dá dtagraítear i mír 7, an chéad fhomhír, pointe (b), den Airteagal seo agus in Airteagal 36(4) a neartú. ◄

I gcás ina dtairgeann eisitheoirí comharthaí sócmhainn-tagartha suntasacha dhá chomhartha sócmhainn-tagartha nó níos mó nó ina soláthraíonn siad seirbhísí cripteashócmhainní, cumhdófar leis na tástálacha struis sin na gníomhaíochtaí sin go léir ar bhealach cuimsitheach agus iomlánaíoch.
Airteagal 45 5.
Socrófar an céatadán dá dtagraítear in Airteagal 35(1), an chéad fhomhír, pointe (b), ag 3 % de mheánmhéid na gcúlsócmhainní d’eisitheoirí comharthaí sócmhainn-tagartha suntasacha.
Airteagal 45 6.
I gcás ina dtairgeann roinnt eisitheoirí an t-aon chomhartha sócmhainn-tagartha suntasach amháin, beidh feidhm ag míreanna 1 go 5 maidir le gach eisitheoir.

I gcás ina dtairgeann eisitheoir dhá chomhartha sócmhainn-tagartha nó níos mó san Aontas agus ina n-aicmítear ceann amháin ar a laghad de na comharthaí sócmhainn-tagartha sin mar chomhartha sócmhainn-tagartha suntasach, beidh feidhm ag míreanna 1 go 5 maidir leis an eisitheoir sin.
Airteagal 45 7.

Forbróidh ÚBE, i ndlúthchomhar le ESMA, dréachtchaighdeáin theicniúla rialála lena sonraítear an méid seo a leanas:

(a) 

an t-íosmhéid inneachair atá le bheith sna socruithe rialachais maidir leis an mbeartas luacha saothair dá dtagraítear i mír 1;

(b) 

íosmhéid inneachair an bheartais bainistithe leachtachta agus na nósanna imeachta bainistithe leachtachta mar a leagtar amach i mír 3, agus ceanglais leachtachta, lena n-áirítear trí íosmhéid na dtaiscí i ngach airgeadra oifigiúil dá dtagraítear a shonrú, íosmhéid nach féidir a bheith níos ísle ná 60 % den mhéid dá dtagraítear i ngach airgeadra oifigiúil;

(c) 

an nós imeachta agus an tréimhse ama atá ag eisitheoir comhartha sócmhainn-tagartha shuntasaigh chun méid a chistí dílse a a choigeartú mar a cheanglaítear le mír 5.

I gcás institiúidí creidmheasa, déanfaidh ÚBE na caighdeáin theicniúla a chalabrú agus aon idirghníomhaíochtaí a d’fhéadfadh a bheith ann idir na ceanglais rialála a bhunaítear leis an Rialachán seo agus na ceanglais rialála arna mbunú le gníomhartha reachtacha eile de chuid an Aontais á gcur san áireamh.

Cuirfidh ÚBE na dréachtchaighdeáin theicniúla rialála dá dtagraítear sa chéad fhomhír faoi bhráid an Choimisiúin faoin.30 Meitheamh 2024.

Déantar an chumhacht a tharmligean chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagal 10 go hAirteagal 14 de Rialachán (AE) Uimh. 1093/2010.
Airteagal 45 8.
Eiseoidh ÚBE, i ndlúthchomhar le ESMA agus le BCE, treoirlínte i gcomhréir le hAirteagal 16 de Rialachán (AE) Uimh. 1093/2010 d’fhonn paraiméadair thagartha chomhchoiteanna na gcásanna tástála struis a bhunú lena n-áireamh sna tástálacha struis dá dtagraítear i mír 4 den Airteagal seo. Tabharfar na treoirlínte sin cothrom le dáta go tréimhsiúil agus na forbairtí is déanaí sa mhargadh á gcur san áireamh.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.