+Airteagal 46 Plean téarnaimh
---+Airteagal 46 1.
---+Airteagal 46 2.
---+Airteagal 46 3.
---+Airteagal 46 4.
---+Airteagal 46 5.
---+Airteagal 46 6.
|
Airteagal 46 Plean téarnaimh
1. Forbhreathnú
| Teideal |
Rialáil |
|
Airteagal 46 1.
|
Déanfaidh eisitheoir comhartha sócmhainn-tagartha plean téarnaimh a tharraingt suas agus a choimeád ar bun ina ndéantar foráil maidir le bearta atá le déanamh ag an eisitheoir chun comhlíonadh na gceanglas is infheidhme maidir leis an gcúlchiste sócmhainní a athbhunú i gcásanna nach gcomhlíonann an t-eisitheoir na ceanglais sin. Áireofar sa phlean téarnaimh freisin caomhnú sheirbhísí an eisitheora a bhaineann leis an gcomhartha sócmhainn-tagartha, aisghabháil thráthúil oibríochtaí agus comhlíonadh oibleagáidí an eisitheora i gcás teagmhais lena ngabhann riosca suntasach go gcuirfí isteach ar oibríochtaí. Áireofar sa phlean téarnaimh coinníollacha agus nósanna imeachta iomchuí chun cur chun feidhme tráthúil na ngníomhaíochtaí téarnaimh a áirithiú chomh maith le raon leathan roghanna téarnaimh, lena n-áirítear:
(a)
táillí leachtachta ar fhuascailtí;
(b)
teorainneacha ar mhéid an chomhartha sócmhainn-tagartha is féidir a fhuascailt ar aon lá oibre;
|
|
Airteagal 46 2.
|
Tabharfaidh eisitheoir an chomhartha sócmhainn-tagartha fógra faoin bplean téarnaimh don údarás inniúil laistigh de 6 mhí ó dháta an údaraithe de bhun Airteagal 21 nó laistigh de 6 mhí ó dháta formheasta an pháipéir bháin maidir le cripteashócmhainní de bhun Airteagal 17. Éileoidh an t-údarás inniúil leasuithe ar an bplean téarnaimh i gcás inar gá chun a chur chun feidhme cuí a áirithiú agus déanfaidh sé fógra faoina chinneadh lena n-iarrtar na leasuithe sin a thabhairt don eisitheoir laistigh de 40 lá oibre ó dháta fógartha an phlean sin. Cuirfidh an t-eisitheoir an cinneadh sin chun feidhme laistigh de 40 lá oibre ó dháta fógartha an chinnidh sin. Déanfaidh an t-eisitheoir an plean téarnaimh a athbhreithniú agus a thabhairt cothrom le dáta go tráthrialta. I gcás inarb infheidhme, tabharfaidh an t-eisitheoir fógra faoin bplean téarnaimh dá údaráis réitigh agus dá údaráis maoirseachta stuamachta i gcomhthráth leis an údarás inniúil.
|
|
Airteagal 46 3.
|
I gcás ina mainníonn an t-eisitheoir na ceanglais is infheidhme maidir leis an gcúlchiste sócmhainní dá dtagraítear i gCaibidil 3 den Teideal seo a chomhlíonadh nó, mar gheall ar staid airgeadais atá ag dul in olcas go tapa, gur dócha nach gcomhlíonfaidh sé na ceanglais sin go luath, beidh sé de chumhacht ag an údarás inniúil, chun a áirithiú go gcomhlíonfar na ceanglais is infheidhme, a cheangal ar an eisitheoir ceann amháin nó níos mó de na socruithe nó de na bearta a leagtar amach sa phlean téarnaimh a chur chun feidhme nó plean téarnaimh den sórt sin a thabhairt cothrom le dáta i gcás nach ionann na himthosca agus na toimhdí a leagtar amach sa phlean téarnaimh tosaigh agus ceann amháin nó níos mó de na socruithe nó de na bearta a leagtar amach sa phlean nuashonraithe a chur chun feidhme laistigh de thréimhse shonrach.
|
|
Airteagal 46 4.
|
Sna himthosca dá dtagraítear i mír 3, beidh sé de chumhacht ag an údarás inniúil fuascailt comharthaí sócmhainn-tagartha a chur ar fionraí go sealadach, ar choinníoll go bhfuil bonn cirt leis an bhfionraí ag féachaint do leasanna shealbhóirí na gcomharthaí sócmhainn-tagartha agus don chobhsaíocht airgeadais.
|
|
Airteagal 46 5.
|
I gcás inarb infheidhme, tabharfaidh an t-údarás inniúil fógra d’údaráis réitigh agus údaráis maoirseachta stuamachta an eisitheora maidir le haon bheart a dhéantar de bhun mhíreanna 3 agus 4.
|
|
Airteagal 46 6.
|
Tar éis dul i gcomhairle le ESMA, eiseoidh ÚBE treoirlínte i gcomhréir le hAirteagal 16 de Rialachán (AE) Uimh. 1093/2010 chun formáid an phlean téarnaimh agus an fhaisnéis atá le soláthar sa phlean téarnaimh a shonrú.
|
,
1.1 Tagairtí
1.2 Ceanglais aitheanta
1.3 Caighdeáin ghaolmhara
2. Ceanglais aitheanta
Ceanglais
| Foinse |
Ceanglas |
3. Caighdeáin ghaolmhara
Caighdeáin
| Foinse |
Ceanglas |
- Builddate: 09.01.2024 00:00:00 -Doknr: CELEX:32023R1114
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|