+Airteagal 51 Inneachar agus foirm an pháipéir bháin maidir le cripteashócmhainní le haghaidh comharthaí ríomh airgid
---+Airteagal 51 1.
---+Airteagal 51 2.
---+Airteagal 51 3.
---+Airteagal 51 4.
---+Airteagal 51 5.
---+Airteagal 51 6.
---+Airteagal 51 7.
---+Airteagal 51 8.
---+Airteagal 51 9.
---+Airteagal 51 10.
---+Airteagal 51 11.
---+Airteagal 51 12.
---+Airteagal 51 13.
---+Airteagal 51 14.
---+Airteagal 51 15.

Airteagal 51 Inneachar agus foirm an pháipéir bháin maidir le cripteashócmhainní le haghaidh comharthaí ríomh airgid

1. Forbhreathnú

,
Airteagal 51 1.

Beidh an fhaisnéis uile seo a leanas i bpáipéar bán maidir le cripteashócmhainní le haghaidh comhartha ríomh-airgid, mar a shonraítear tuilleadh in Iarscríbhinn III:

(a) 

faisnéis faoi eisitheoir an chomhartha ríomh-airgid;

(b) 

faisnéis faoin gcomhartha ríomh-airgid;

(c) 

faisnéis faoin tairiscint don phobal ar an gcomhartha ríomh-airgid nó faoina ligean isteach chun a thrádála;

(d) 

faisnéis faoi na cearta agus na hoibleagáidí a bhaineann leis an gcomhartha ríomh-airgid;

(e) 

faisnéis faoin mbunteicneolaíocht;

(f) 

faisnéis faoi na rioscaí;

(g) 

faisnéis faoi na drochthionchair phríomha ar an aeráid agus faoi dhrochthionchair eile a bhaineann leis an gcomhshaol atá ag an sásra comhthola a úsáidtear chun an comhartha ríomh-airgid a eisiúint.

Áireofar freisin sa pháipéar bán maidir le cripteashócmhainní céannacht an duine seachas an t-eisitheoir a thairgeann an comhartha ríomh-airgid don phobal nó a iarrann go ligfí isteach é chun a thrádála de bhun Airteagal 48(1), an dara fomhír, agus an chúis a dtairgeann an duine áirithe sin an comhartha ríomh-airgid sin nó a n-iarrann go ligfí isteach é chun a thrádála.
Airteagal 51 2.
Beidh an fhaisnéis uile a liostaítear i mír 1 cothrom agus soiléir agus ní bheidh sí míthreorach. Ní bheidh easnaimh ábhartha sa pháipéar bán maidir le cripteashócmhainní agus cuirfear i láthair é i bhfoirm ghonta agus intuigthe.
Airteagal 51 3.

Beidh an ráiteas soiléir feiceálach seo a leanas ar an gcéad leathanach den pháipéar bán maidir le cripteashócmhainní:

‘Níl an páipéar bán seo maidir le cripteashócmhainní formheasta ag aon údarás inniúil in aon Bhallstát den Aontas Eorpach. Is é eisitheoir na cripteashócmhainne, agus eisean amháin, atá freagrach as inneachar an pháipéir bháin seo maidir le cripteashócmhainní.’.
Airteagal 51 4.

Beidh rabhadh soiléir maidir leis na nithe seo a leanas sa pháipéar bán maidir le cripteashócmhainní:

(a) 

ní chumhdaítear an comhartha ríomh-airgid leis na scéimeanna cúitimh d’infheisteoirí faoi Threoir 97/9/CE;

(b) 

ní chumhdaítear an comhartha ríomh-airgid leis na scéimeanna ráthaithe taiscí faoi Threoir 2014/49/AE.
Airteagal 51 5.
Beidh ráiteas ó chomhlacht bainistíochta eisitheoir an chomhartha ríomh-airgid sa pháipéar bán maidir le cripteashócmhainní. Deimhneofar leis an ráiteas sin, a chuirfear isteach tar éis an ráitis dá dtagraítear i mír 3, go gcomhlíonann an páipéar bán maidir le cripteashócmhainní an Teideal seo agus, chomh fada agus is eol don chomhlacht bainistíochta, go bhfuil an fhaisnéis a chuirtear i láthair sa pháipéar bán maidir le cripteashócmhainní iomlán, cothrom, soiléir agus nach bhfuil sé míthreorach agus nach bhfuil aon easnamh sa pháipéar bán maidir le cripteashócmhainní a d’fhéadfadh difear a dhéanamh dá bhrí.
Airteagal 51 6.
Beidh achoimre sa pháipéar bán maidir le cripteashócmhainní, a chuirfear isteach tar éis an ráitis dá dtagraítear i mír 5, ina dtabharfar, i dteanga ghonta agus neamhtheicniúil, faisnéis bhunriachtanach faoin tairiscint don phobal ar an gcomhartha ríomh-airgid nó faoi ligean isteach an chomharthaí ríomh-airgid sin chun a thrádála atá beartaithe. Beidh an achoimre sothuigthe agus déanfar í a chur i láthair agus a leagan amach i bhformáid shoiléir chuimsitheach, agus úsáid á baint as carachtair atá inléite ó thaobh méide de. San achoimre ar an bpáipéar bán maidir le cripteashócmhainní, tabharfar faisnéis iomchuí faoi shaintréithe na gcripteashócmhainní lena mbaineann chun cabhrú le sealbhóirí ionchasacha na gcripteashócmhainní cinneadh feasach a dhéanamh.

Beidh rabhadh maidir leis na nithe seo a leanas san achoimre:

(a) 

ba cheart í a léamh mar réamhrá don pháipéar bán maidir le cripteashócmhainní;

(b) 

ba cheart don sealbhóir ionchasach aon chinneadh maidir le ceannach an chomhartha ríomh-airgid a bhunú ar inneachar an pháipéir bháin maidir le cripteashócmhainní ina iomláine agus níor cheart dó aon chinneadh den sórt sin a bhunú ar an achoimre amháin;

(c) 

ní hionann an tairiscint don phobal ar an gcomhartha ríomh-airgid agus tairiscint nó sirtheoireacht chun ionstraimí airgeadais a cheannach agus ní féidir aon tairiscint nó sirtheoireacht den sórt sin a dhéanamh ach amháin trí bhíthin réamheolaire nó doiciméid tairisceana eile de bhun an dlí náisiúnta is infheidhme;

(d) 

ní hionann an páipéar bán maidir le cripteashócmhainní agus réamheolaire amhail dá dtagraítear i Rialachán (AE) 2017/1129 ná aon doiciméad tairisceana eile de bhun dhlí an Aontais nó an dlí náisiúnta.

Luafar san achoimre go bhfuil ceart fuascailte ag sealbhóirí an chomhartha ríomh-airgid tráth ar bith agus ar parluach agus luafar na coinníollacha maidir le fuascailt inti freisin.
Airteagal 51 7.
Beidh dáta a fhógra agus clár ábhar sa pháipéar bán maidir le cripteashócmhainní.
Airteagal 51 8.
Tarraingeofar suas an páipéar bán maidir le cripteashócmhainní i dteanga oifigiúil de chuid an Bhallstáit baile nó i dteanga is gnách a úsáid i réimse an airgeadais idirnáisiúnta.

I gcás ina dtairgtear an comhartha ríomh-airgid freisin i mBallstát seachas an Ballstát baile, tarraingeofar suas an páipéar bán maidir le cripteashócmhainní i dteanga oifigiúil de chuid an Bhallstáit óstaigh nó i dteanga is gnách a úsáid i réimse an airgeadais idirnáisiúnta.
Airteagal 51 9.
Cuirfear an páipéar bán maidir le cripteashócmhainní ar fáil i bhformáid mheaisín-inléite.
Airteagal 51 10.
Déanfaidh ESMA, i gcomhar le ÚBE, dréachtchaighdeáin theicniúla cur chun feidhme a fhorbairt chun foirmeacha caighdeánacha, formáidí caighdeánacha agus teimpléid chaighdeánacha a bhunú chun críocha mhír 9.

Cuirfidh ÚBE na dréachtchaighdeáin theicniúla cur chun feidhme dá dtagraítear sa chéad fhomhír faoi bhráid an Choimisiúin faoin 30 Meitheamh 2024.

Tugtar an chumhacht don Choimisiún na caighdeáin theicniúla cur chun feidhme dá dtagraítear sa chéad fhomhír den mhír seo a ghlacadh i gcomhréir le hAirteagal 15 de Rialachán (AE) Uimh. 1095/2010.
Airteagal 51 11.
Tabharfaidh eisitheoirí comharthaí ríomh-airgid fógra dá n-údarás inniúil faoina bpáipéar bán maidir le cripteashócmhainní 20 lá oibre ar a laghad roimh dháta a bhfoilsithe.

Ní éileoidh údaráis inniúla go ndéanfar páipéir bhána maidir le cripteashócmhainní a fhormheas roimh ré sula bhfoilseofar iad.
Airteagal 51 12.
Tabharfar tuairisc ar aon toisc nua shuntasach, ar aon bhotún ábhartha nó ar aon mhíchruinneas ábhartha a d’fhéadfadh difear a dhéanamh don mheasúnú ar an gcomhartha ríomh-airgid i bpáipéar bán modhnaithe maidir le cripteashócmhainní arna tharraingt suas ag na heisitheoirí, tabharfar fógra ina leith do na húdaráis inniúla agus foilseofar ar shuíomh gréasáin na n-eisitheoirí iad.
Airteagal 51 13.
Sula dtairgfidh sé an comhartha ríomh-airgid don phobal san Aontas nó sula n-iarrfaidh sé go ligfí isteach an comhartha ríomh-airgid chun a thrádála, foilseoidh eisitheoir comhartha ríomh-airgid den sórt sin páipéar bán maidir le cripteashócmhainní ar a shuíomh gréasáin.
Airteagal 51 14.
Soláthróidh eisitheoir an chomhartha ríomh-airgid, in éineacht leis an bhfógra faoin bpáipéar bán maidir le cripteashócmhainní de bhun mhír 11 den Airteagal seo, an fhaisnéis dá dtagraítear in Airteagal 109(4) don údarás inniúil. Laistigh de 5 lá oibre ón bhfaisnéis a fháil ón eisitheoir, cuirfidh an t-údarás inniúil in iúl do ESMA an fhaisnéis a shonraítear in Airteagal 109(4).

Cuirfidh an t-údarás inniúil aon pháipéar bán modhnaithe maidir le cripteashócmhainní agus aon tarraingt siar údarú eisitheoir an chomhartha ríomh-airgid in iúl do ESMA freisin.

Cuirfidh ESMA an fhaisnéis sin ar fáil sa chlár, faoi Airteagal 109(4), faoi dháta tosaigh na tairisceana don phobal nó an ligin isteach chun trádála nó, i gcás páipéar bán modhnaithe maidir le cripteashócmhainní, nó tarraingt siar údaraithe, gan moill mhíchuí.
Airteagal 51 15.
Forbróidh ESMA, i gcomhar le ÚBE, dréachtchaighdeáin theicniúla rialála maidir le hinneachar, modheolaíochtaí agus cur i láthair na faisnéise dá dtagraítear i mír 1, pointe (g), i leith na dtáscairí inbhuanaitheachta i ndáil le drochthionchair ar an aeráid agus drochthionchair eile a bhaineann leis an gcomhshaol.

Agus na dréachtchaighdeáin theicniúla rialála dá dtagraítear sa chéad fhomhír á bhforbairt aige, breithneoidh ESMA na cineálacha éagsúla sásraí comhthola a úsáidtear chun idirbhearta i gcripteashócmhainní a bhailíochtú, a struchtúir dreasachta agus úsáid fuinnimh, fuinnimh in-athnuaite agus acmhainní nádúrtha, táirgeadh dramhaíola agus astaíochtaí gás ceaptha teasa. Déanfaidh ESMA na caighdeáin theicniúla rialála a thabhairt cothrom le dáta i bhfianaise forbairtí rialála agus teicneolaíocha.

Cuirfidh ESMA na dréachtchaighdeáin theicniúla rialála dá dtagraítear sa chéad fhomhír faoi bhráid an Choimisiúin faoin 30 Meitheamh 2024.

Déantar an chumhacht a tharmligean chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1095/2010.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.