+Airteagal 63 Measúnú ar an iarratas ar údarú agus an t-údarú a dheonú nó a dhiúltú
---+Airteagal 63 1.
---+Airteagal 63 2.
---+Airteagal 63 3.
---+Airteagal 63 4.
---+Airteagal 63 5.
---+Airteagal 63 6.
---+Airteagal 63 7.
---+Airteagal 63 8.
---+Airteagal 63 9.
---+Airteagal 63 10.
---+Airteagal 63 11.
---+Airteagal 63 12.
---+Airteagal 63 13.

Airteagal 63 Measúnú ar an iarratas ar údarú agus an t-údarú a dheonú nó a dhiúltú

1. Forbhreathnú

,
Airteagal 63 1.
Admhóidh na húdaráis inniúla go pras, agus in aon chás laistigh de 5 lá oibre ó iarratas a fháil faoi Airteagal 62(1), i scríbhinn don soláthraí seirbhísí cripteashócmhainní is iarratasóir go bhfuarthas iarratas den sórt sin.
Airteagal 63 2.
Laistigh de 25 lá oibre ó iarratas a fháil faoi Airteagal 62(1), déanfaidh na húdaráis inniúla measúnú i dtaobh an bhfuil an t-iarratas sin comhlánaithe trína sheiceáil gur tíolacadh an fhaisnéis a liostaítear in Airteagal 62(2).

I gcás nach bhfuil an t-iarratas comhlánaithe, leagfaidh na húdaráis inniúla spriocdháta síos faoina bhfuil ar an soláthraí seirbhísí cripteashócmhainní is iarratasóir aon fhaisnéis atá in easnamh a sholáthar.
Airteagal 63 3.
Féadfaidh údaráis inniúla diúltú athbhreithniú a dhéanamh ar iarratais i gcás ina bhfuil iarratais den sórt sin fós neamhchomhlánaithe tar éis don spriocdháta atá leagtha síos acu i gcomhréir le mír 2, an dara fomhír, dul in éag.
Airteagal 63 4.
A luaithe a bheidh iarratas comhlánaithe, cuirfidh na húdaráis inniúla an soláthraí seirbhísí cripteashócmhainní is iarratasóir ar an eolas faoi sin go pras.
Airteagal 63 5.

Sula ndéanann siad údarú mar sholáthraí seirbhísí cripteashócmhainní a dheonú nó a dhiúltú, rachaidh na húdaráis inniúla i gcomhairle le húdaráis inniúla Ballstáit eile i gcás ina bhfuil an soláthraí seirbhísí cripteashócmhainní is iarratasóir i gceann de na suíomhanna seo a leanas maidir le hinstitiúid creidmheasa, taisclann lárnach urrús, gnólacht infheistíochta, oibreoir margaidh, cuideachta bainistíochta GCUI, bainisteoir cistí infheistíochta malartacha, institiúid íocaíochta, gnóthas árachais, institiúid ríomh-airgid nó institiúid um chóir ar scor ceirde, atá údaraithe sa Bhallstát eile sin:

(a) 

is fochuideachta di nó dó é;

(b) 

is fochuideachta é de mháthairghnóthas an eintitis sin; nó

(c) 

tá sé á rialú ag na daoine nádúrtha nó dlítheanacha céanna a rialaíonn an t-eintiteas sin.
Airteagal 63 6.

Sula ndéanann siad údarú mar sholáthraí seirbhísí cripteashócmhainní a dheonú nó a dhiúltú, maidir le húdaráis inniúla:

(a) 

féadfaidh siad dul i gcomhairle leis na húdaráis inniúla maidir le frithsciúradh airgid agus maoiniú frithsceimhlitheoireachta, agus aonaid um fhaisnéis airgeadais, chun a fhíorú nach raibh an soláthraí seirbhísí cripteashócmhainní is iarratasóir ina ábhar d’imscrúdú ar iompar a bhaineann le sciúradh airgid nó maoiniú sceimhlitheoireachta;

(b) 

áiritheoidh siad go gcomhlíonann an soláthraí seirbhísí cripteashócmhainní is iarratasóir a oibríonn bunaíochtaí nó a bhraitheann ar thríú páirtithe atá bunaithe i dtríú tíortha ardriosca a shainaithnítear de bhun Airteagal 9 de Threoir (AE) 2015/849 forálacha an dlí náisiúnta lena dtrasuitear Airteagail 26(2), 45(3) agus 45(5) den Treoir sin;

(c) 

áiritheoidh siad, i gcás inarb iomchuí, go bhfuil nósanna imeachta iomchuí curtha i bhfeidhm ag an soláthraí seirbhísí cripteashócmhainní is iarratasóir chun forálacha an dlí náisiúnta lena dtrasuitear Airteagal 18a(1) agus (3) de Threoir (AE) 2015/849 a chomhlíonadh.
Airteagal 63 7.
I gcás ina bhfuil dlúthnaisc idir an soláthraí seirbhísí cripteashócmhainní is iarratasóir agus daoine nádúrtha nó dlítheanacha eile, ní dheonóidh údaráis inniúla údarú ach amháin mura gcuireann na naisc sin cosc ar fheidhmiú éifeachtach a bhfeidhmeanna maoirseachta.
Airteagal 63 8.
Diúltóidh údaráis inniúla údarú i gcás ina ndéantar, le forálacha reachtaíochta, rialúcháin nó riaracháin tríú tír lena rialaítear duine nádúrtha nó dlítheanach amháin nó níos mó a bhfuil dlúthnaisc ag an soláthraí seirbhísí cripteashócmhainní is iarratasóir leis nó leo, nó ag a bhfuil deacrachtaí a bhaineann lena bhforfheidhmiú, cosc a chur ar fheidhmiú éifeachtach a bhfeidhmeanna maoirseachta.
Airteagal 63 9.
Déanfaidh údaráis inniúla, laistigh de 40 lá oibre ón dáta a fhaightear an t-iarratas comhlánaithe, measúnú i dtaobh an gcomhlíonann nó nach gcomhlíonann an soláthraí seirbhísí cripteashócmhainní is iarratasóir an Teideal seo agus glacfaidh siad cinneadh lán-réasúnaithe lena ndeonaítear nó lena ndiúltaítear údarú mar sholáthraí seirbhísí cripteashócmhainní. Tabharfaidh na húdaráis inniúla fógra don iarratasóir faoina gcinneadh laistigh de 5 lá oibre ó dháta an chinnidh sin. Sa mheasúnú sin, cuirfear san áireamh cineál, scála agus castacht na seirbhísí cripteashócmhainní a bheartaíonn an soláthraí seirbhísí cripteashócmhainní is iarratasóir a sholáthar.
Airteagal 63 10.

Diúltóidh údaráis inniúla údarú mar sholáthraí seirbhísí cripteashócmhainní i gcás ina bhfuil forais oibiachtúla agus inléirithe ann:

(a) 

gur bagairt é comhlacht bainistíochta an tsoláthraí seirbhísí cripteashócmhainní is iarratasóir ar a bhainistiú éifeachtach, fónta agus stuama agus ar a leanúnachas gnó, agus ar bhreithniú leordhóthanach ar leas a chliant agus ar shláine an mhargaidh, nó go gcuireann sé an soláthraí seirbhísí cripteashócmhainní is iarratasóir i mbaol tromchúiseach maidir le sciúradh airgid nó maoiniú na sceimhlitheoireachta;

(b) 

nach gcomhlíonann comhaltaí chomhlacht bainistíochta an tsoláthraí seirbhísí cripteashócmhainní is iarratasóir na critéir a leagtar amach in Airteagal 68(1);

(c) 

nach gcomhlíonann na scairshealbhóirí nó na comhaltaí, bíodh siad díreach nó indíreach, a bhfuil sealúchais cháilitheacha acu sa soláthraí seirbhísí cripteashócmhainní is iarratasóir na critéir maidir le dea-cháil leordhóthanach a leagtar amach in Airteagal 68(2);

(d) 

mainníonn an soláthraí seirbhísí cripteashócmhainní is iarratasóir aon cheann de cheanglais an Teidil seo a chomhlíonadh nó is dócha nach gcomhlíonfaidh sé ceanglais an Teidil seo.
Airteagal 63 11.
Eiseoidh ESMA agus ÚBE i gcomhpháirt le chéile treoirlínte i gcomhréir le hAirteagal 16 de Rialachán (AE) Uimh. 1095/2010 agus le hAirteagal 16 de Rialachán (AE) Uimh. 1093/2010, faoi seach, maidir leis an measúnú ar oiriúnacht chomhaltaí chomhlacht bainistíochta an tsoláthraí seirbhísí cripteashócmhainní is iarratasóir agus na scairshealbhóirí nó na gcomhaltaí, cibé acu díreach nó indíreach, a bhfuil sealúchais cháilitheacha acu sa soláthraí seirbhísí cripteashócmhainní is iarratasóir.

Eiseoidh ESMA agus ÚBE na treoirlínte dá dtagraítear sa chéad fhomhír faoin 30 Meitheamh 2024.
Airteagal 63 12.
Féadfaidh údaráis inniúla, le linn na tréimhse measúnaithe dá bhforáiltear i mír 9, agus tráth nach déanaí ná an 20ú lá oibre den tréimhse sin, aon fhaisnéis bhreise is gá a iarraidh chun an measúnú a chur i gcrích. Déanfar iarraidh den sórt sin i scríbhinn chuig an soláthraí seirbhísí cripteashócmhainní is iarratasóir agus sonrófar inti an fhaisnéis bhreise is gá.

Cuirfear an tréimhse mheasúnaithe faoi mhír 9 ar fionraí don tréimhse idir dáta na hiarrata ar fhaisnéis atá in easnamh ó na húdaráis inniúla agus an dáta a bhfaighidh siad freagra ina leith ón soláthraí seirbhísí cripteashócmhainní is iarratasóir. Ní bheidh an fhionraí níos faide ná 20 lá oibre. Beidh sé de rogha ag na húdaráis inniúla aon iarrataí breise a dhéanamh ar chomhlánú nó soiléiriú na faisnéise ach ní chuirfear an tréimhse mheasúnaithe faoi mhír 9 ar fionraí dá mbarr.
Airteagal 63 13.
Déanfaidh na húdaráis inniúla, laistigh de 2 lá oibre tar éis dóibh údarú a dheonú, an fhaisnéis a shonraítear in Airteagal 109(5) a chur in iúl do ESMA. Cuirfidh na húdaráis inniúla ESMA ar an eolas freisin maidir le haon diúltú údaruithe. Cuirfidh ESMA an fhaisnéis dá dtagraítear in Airteagal 109(5) ar fáil sa chlár dá dtagraítear san Airteagal sin faoi dháta tosaigh sholáthar na seirbhísí cripteashócmhainní.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.