+Airteagal 67 Ceanglais stuamachta
---+Airteagal 67 1.
---+Airteagal 67 2.
---+Airteagal 67 3.
---+Airteagal 67 4.
---+Airteagal 67 5.
---+Airteagal 67 6.

Airteagal 67 Ceanglais stuamachta

1. Forbhreathnú

,
Airteagal 67 1.

Beidh coimircí stuamachta i bhfeidhm, i gcónaí, ag soláthraithe seirbhísí cripteashócmhainní arb ionann iad agus, ar a laghad, an méid is airde díobh seo a leanas:

(a) 

líon na mbuancheanglas íosta caipitil a shonraítear in Iarscríbhinn IV, ag brath ar chineál na seirbhísí cripteashócmhainní a sholáthraítear;

(b) 

aon cheathrú d’fhorchostais sheasta na bliana roimhe sin, agus athbhreithniú á dhéanamh ar na costais sin go bliantúil.
Airteagal 67 2.
Úsáidfidh soláthraithe seirbhísí cripteashócmhainní nach raibh ag gabháil do ghnó le haghaidh bliain amháin ón dáta a thosaigh siad ag soláthar seirbhísí na forchostais sheasta réamh-mheasta a áiríodh ina réamh-mheastacháin don soláthar ina gcéad 12 mhí seirbhíse, mar a cuireadh isteach lena n-iarratas ar údarú, don ríomh dá dtagraítear i mír 1, pointe (b).
Airteagal 67 3.

Chun críocha mhír 1, pointe (b), ríomhfaidh soláthraithe seirbhísí cripteashócmhainní a bhforchostais sheasta sa bhliain roimhe sin, ag úsáid figiúirí atá mar thoradh ar an gcreat cuntasaíochta is infheidhme, trí na míreanna seo a leanas a asbhaint ó na costais iomlána i ndiaidh dáileadh brabús ar scairshealbhóirí ar chomhaltaí ina ráitis airgeadais bhliantúla iniúchta is déanaí nó, i gcás nach bhfuil ráitis iniúchta ar fáil, i ráitis airgeadais bhliantúla atá fíoraithe ag maoirseoirí náisiúnta:

(a) 

bónais foirne agus luach saothair eile, a mhéid atá na bónais agus an luach saothair sin ag brath ar ghlanbhrabús na soláthraithe seirbhísí cripteashócmhainní sa bhliain ábhartha;

(b) 

scaireanna brabúis de chuid fostaithe, stiúrthóirí agus comhpháirtithe;

(c) 

leithreasuithe eile brabúis agus luach saothair inathraithe eile, a mhéid atá siad go hiomlán lánroghnach;

(d) 

costais neamh-athfhillteacha ó ghníomhaíochtaí neamhchoitianta.
Airteagal 67 4.

Beidh na coimircí stuamachta dá dtagraítear i mír 1 i gceann de na foirmeacha seo a leanas nó teaglaim díobh sin:

(a) 

cistí dílse, arb éard atá iontu míreanna agus ionstraimí Ghnáthchothromas Leibhéal 1 dá dtagraítear in Airteagail 26 go 30 de Rialachán (AE) Uimh. 575/2013 tar éis na n-asbhaintí go léir, de bhun Airteagal 36 den Rialachán sin, gan díolúintí tairsí de bhun Airteagail 46 agus 48 den Rialachán sin a chur i bhfeidhm;

(b) 

polasaí árachais a chumhdaíonn críocha an Aontais ina soláthraítear seirbhísí cripteashócmhainní nó ráthaíocht inchomparáide.
Airteagal 67 5.

Déanfar an polasaí árachais dá dtagraítear i mír 4, pointe (b), a nochtadh don phobal ar shuíomh gréasáin an tsoláthraí seirbhísí cripteashócmhainní agus beidh na saintréithe seo a leanas ar a laghad ag gabháil leis:

(a) 

tá téarma tosaigh nach lú ná bliain amháin aige;

(b) 

tá íostréimhse fógartha 90 lá aige chun é a chealú;

(c) 

faightear é ó ghnóthas atá údaraithe chun árachas a sholáthar, i gcomhréir le dlí an Aontais nó leis an dlí náisiúnta;

(d) 

cuireann eintiteas tríú páirtí é ar fáil.
Airteagal 67 6.

Áireofar sa pholasaí árachais dá dtagraítear i mír 4, pointe (b), cumhdach in aghaidh riosca gach ceann díobh seo a leanas:

(a) 

caillteanas cáipéisí;

(b) 

mífhaisnéis nó ráitis mhíthreoracha a rinneadh;

(c) 

gníomhartha, earráidí nó easnaimh a mbíonn sárú ar an méid seo a leanas mar thoradh orthu:

(i) 

oibleagáidí dlíthiúla agus rialála;

(ii) 

an oibleagáid gníomhú ar bhealach macánta, cothrom agus gairmiúil le cliaint;

(iii) 

oibleagáidí rúndachta;

(d) 

mainneachtain nósanna imeachta iomchuí a bhunú, a chur chun feidhme agus a choimeád ar bun chun coinbhleachtaí leasa a chosc;

(e) 

caillteanais a eascraíonn as briseadh sa ghníomhaíocht ghnó nó as clistí córas;

(f) 

i gcás inarb infheidhme don tsamhail ghnó, mórfhaillí i gcoimirciú chripteashócmhainní agus chistí na gcliant;

(g) 

dliteanas na soláthraithe seirbhísí cripteashócmhainní i leith cliant de bhun Airteagal 75(8).

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.