+Airteagal 89 Toirmeasc ar dhéileáil cos istigh
---+Airteagal 89 1.
---+Airteagal 89 2.
---+Airteagal 89 3.
---+Airteagal 89 4.
---+Airteagal 89 5.
---+Airteagal 89 6.

Airteagal 89 Toirmeasc ar dhéileáil cos istigh

1. Forbhreathnú

,
Airteagal 89 1.
Chun críocha an Rialacháin seo, meastar déileáil cos istigh a bheith ann i gcás ina mbíonn faisnéis ón taobh istigh ag duine agus ina n-úsáideann sé an fhaisnéis sin trí chripteashócmhainní lena mbaineann an fhaisnéis sin a fháil nó a dhiúscairt, dá chuntas féin nó do chuntas tríú páirtí, go díreach nó go hindíreach. Measfar freisin gur déileáil cos istigh é faisnéis ón taobh istigh a úsáid trí ordú maidir le cripteashócmhainn lena mbaineann an fhaisnéis sin a chealú nó a leasú i gcás inar socraíodh an t-ordú sula raibh an fhaisnéis ón taobh istigh ag an duine lena mbaineann. Cuimsítear chomh maith le húsáid a bhaint as faisnéis ón taobh istigh tairiscint ó dhuine a thíolacadh, a mhodhnú nó a tharraingt siar dá chuntas féin nó do chuntas tríú páirtí.
Airteagal 89 2.
Ní bheidh aon duine ag gabháil de dhéileáil cos istigh nó ag iarraidh a bheith ag gabháil di, ná ní úsáidfidh aon duine faisnéis ón taobh istigh maidir le cripteashócmhainní chun na cripteashócmhainní sin a fháil, nó a dhiúscairt, go díreach ná go hindíreach, cibé acu do chuntas féin an duine sin nó do chuntas tríú páirtí. Ní mholfaidh aon duine do dhuine eile a bheith ag gabháil do dhéileáil cos istigh ná ní dhéanfaidh sé duine eile a spreagadh le bheith ag gabháil do dhéileáil cos istigh.
Airteagal 89 3.

Ní dhéanfaidh aon duine a bheidh i seilbh faisnéise ón taobh istigh maidir le cripteashócmhainní, ar bhonn na faisnéise sin ón taobh istigh, an méid seo a leanas a mholadh ná a spreagadh do dhuine eile:

(a) 

na cripteashócmhainní sin a fháil nó a dhiúscairt; nó

(b) 

ordú a bhaineann leis na cripteashócmhainní sin a chealú nó a leasú.
Airteagal 89 4.
Is ionann moladh nó spreagadh a úsáid dá dtagraítear i mír 3 agus déileáil cos istigh de réir bhrí an Airteagail seo nuair is eol don duine nó nuair is ceart gur eol don duine sin a bhainfidh úsáid as an moladh nó as an spreagadh gur bunaithe ar fhaisnéis ón taobh istigh atá sé.
Airteagal 89 5.

Beidh feidhm ag an Airteagal seo maidir le haon duine a bhfuil faisnéis ón taobh istigh aige mar thoradh ar aon cheann de na cúinsí seo a leanas:

(a) 

duine atá ina chomhalta de chomhlachtaí riaracháin, bainistíochta nó maoirseachta an eisitheora, an tairgeora, nó an duine a bhfuil ligean isteach chun trádála á iarraidh aige;

(b) 

sealúchas a bheith aige i gcaipiteal de chuid an eisitheora, an tairgeora, nó an duine a bhfuil ligean isteach chun trádála á iarraidh aige;

(c) 

rochtain a bheith aige ar an bhfaisnéis i bhfeidhmiú fostaíochta, gairme nó dualgas nó i ndáil lena ról sa teicneolaíocht mórleabhar dáilte nó i dteicneolaíocht chomhchosúil; nó

(d) 

baint a bheith aige le gníomhaíochtaí coiriúla.

Beidh feidhm ag an Airteagal seo freisin maidir le haon duine a mbeidh faisnéis ón taobh istigh ina sheilbh aige faoi chúinsí seachas na cúinsí dá dtagraítear sa chéad fhomhír sa chás inarb eol don duine sin, nó inar cheart gurbh eol dó, gur faisnéis ón taobh istigh atá ann.
Airteagal 89 6.
Nuair is duine dlítheanach é an duine dá dtagraítear i mír 1, beidh feidhm ag an Airteagal seo maidir leis na daoine nádúrtha a bheidh rannpháirteach, i gcomhréir leis an dlí náisiúnta, sa chinneadh ordú a fháil, a dhiúscairt, a chealú nó a leasú do chuntas an duine dhlítheanaigh lena mbaineann.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.