+Airteagal 103 Cumhachtaí idirghabhála sealadacha ESMA
---+Airteagal 103 1.
---+Airteagal 103 2.
---+Airteagal 103 3.
---+Airteagal 103 4.
---+Airteagal 103 5.
---+Airteagal 103 6.
---+Airteagal 103 7.
---+Airteagal 103 8.
|
Airteagal 103 Cumhachtaí idirghabhála sealadacha ESMA
1. Forbhreathnú
| Teideal |
Rialáil |
|
Airteagal 103 1.
|
I gcomhréir le hAirteagal 9(5) de Rialachán (AE) Uimh. 1095/2010, féadfaidh ESMA, i gcás ina gcomhlíontar na coinníollacha i míreanna 2 agus 3 den Airteagal seo, toirmeasc nó srian sealadach a chur ar an méid seo a leanas:
(a)
margú, dáileadh nó díol cripteashócmhainní áirithe seachas comharthaí sócmhainn-tagartha nó comharthaí ríomh-airgid nó cripteashócmhainní seachas comharthaí sócmhainn-tagartha nó comharthaí ríomh-airgid a bhfuil gnéithe sonraithe áirithe acu; nó
(b)
cineál gníomhaíochta nó cleachtais a bhaineann le cripteashócmhainní seachas comharthaí sócmhainn-tagartha nó comharthaí ríomh-airgid.
Féadfaidh feidhm a bheith ag toirmeasc nó ag srian i dtosca áirithe, nó a bheith faoi réir eisceachtaí, arna sonrú ag ESMA.
|
|
Airteagal 103 2.
|
Ní dhéanfaidh ESMA beart de bhun mhír 1 ach amháin má chomhlíontar gach ceann de na coinníollacha seo a leanas:
(a)
leis an toirmeasc nó an srian atá beartaithe, tugtar aghaidh ar ábhar mór imní maidir le cosaint infheisteoirí nó ar bhagairt ar fheidhmiú rianúil agus sláine margaí i gcripteashócmhainní nó ar chobhsaíocht chóras airgeadais an Aontais ina iomláine nó cuid de;
(b)
ní thugtar aghaidh ar an mbagairt atá i gceist leis na ceanglais rialála faoi dhlí an Aontais is infheidhme maidir leis na cripteashócmhainní agus leis na seirbhísí cripteashócmhainní ábhartha;
(c)
ní dhearna údarás inniúil ábhartha gníomhaíocht chun aghaidh a thabhairt ar an mbagairt atá i gceist nó ní thugann na gníomhaíochtaí a rinneadh aghaidh ar an mbagairt sin ar bhealach leordhóthanach.
|
|
Airteagal 103 3.
|
Agus beart á dhéanamh aige de bhun mhír 1, áiritheoidh ESMA nach mbeidh an méid seo a leanas i gceist leis an mbeart:
(a)
ní bheidh éifeacht dhíobhálach aige ar éifeachtúlacht na margaí i gcripteashócmhainní ná ar shealbhóirí cripteashócmhainní ná ar chliaint a fhaigheann seirbhísí cripteashócmhainní a bheidh díréireach le tairbhí an bhirt; agus
(b)
ní chruthófar riosca arbatráiste rialála leis.
I gcás ina bhfuil beart déanta ag údaráis inniúla de bhun Airteagal 105, féadfaidh ESMA aon cheann de na bearta dá dtagraítear i mír 1 den Airteagal seo a dhéanamh gan tuairim de bhun Airteagal 106(2) a eisiúint.
|
|
Airteagal 103 4.
|
Sula ndéanfar cinneadh beart a dhéanamh de bhun mhír 1, tabharfaidh ESMA fógra do na húdaráis inniúla ábhartha maidir leis an mbeart atá beartaithe aige a dhéanamh.
|
|
Airteagal 103 5.
|
Foilseoidh ESMA fógra ar a shuíomh gréasáin maidir le cinneadh a bhaineann le beart a dhéanamh de bhun mhír 1. Sonrófar san fhógra sin mionsonraí an toirmisc nó an tsriain arna fhorchur agus sonrófar ann tráth i ndiaidh fhoilsiú an fhógra óna ngabhfaidh éifeacht leis na bearta. Ní bheidh feidhm ag toirmeasc ná srian ach amháin maidir le gníomhaíochtaí tar éis d’éifeacht gabháil leis an mbeart.
|
|
Airteagal 103 6.
|
Déanfaidh ESMA athbhreithniú ar thoirmeasc nó ar shrian arna fhorchur de bhun mhír 1 ag idirthréimhsí iomchuí, agus gach 6 mhí ar a laghad. Tar éis dhá athnuachan i ndiaidh a chéile ar a laghad agus iad bunaithe ar anailís chuí ina ndéantar measúnú ar an tionchar ar an tomhaltóir, féadfaidh ESMA cinneadh a dhéanamh maidir le hathnuachan bhliantúil an toirmisc nó an tsriain.
|
|
Airteagal 103 7.
|
Beidh forlámhas ag bearta arna ndéanamh ag ESMA de bhun an Airteagail seo ar aon bheart a rinne na húdaráis inniúla ábhartha roimhe sin maidir leis an ábhar céanna.
|
|
Airteagal 103 8.
|
Déanfaidh an Coimisiún gníomhartha tarmligthe a ghlacadh i gcomhréir le hAirteagal 139 chun an Rialachán seo a fhorlíonadh trína shonrú cé na critéir agus na tosca atá le cur i gcuntas ag ESMA agus é ag cinneadh cibé an ann d’ábhar mór imní maidir le cosaint infheisteoirí nó do bhagairt ar fheidhmiú ordúil agus sláine na margaí i gcripteashócmhainní nó ar chobhsaíocht chóras iomlán airgeadais an Aontais chun críocha mhír 2, pointe (a), den Airteagal seo, nó ar chobhsaíocht cuid de.
|
,
1.1 Tagairtí
1.2 Ceanglais aitheanta
1.3 Caighdeáin ghaolmhara
2. Ceanglais aitheanta
Ceanglais
| Foinse |
Ceanglas |
3. Caighdeáin ghaolmhara
Caighdeáin
| Foinse |
Ceanglas |
- Builddate: 09.01.2024 00:00:00 -Doknr: CELEX:32023R1114
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|