+Airteagal 105 Idirghabháil táirgí arna déanamh ag na húdaráis inniúla
---+Airteagal 105 1.
---+Airteagal 105 2.
---+Airteagal 105 3.
---+Airteagal 105 4.
---+Airteagal 105 5.
---+Airteagal 105 6.
---+Airteagal 105 7.

Airteagal 105 Idirghabháil táirgí arna déanamh ag na húdaráis inniúla

1. Forbhreathnú

,
Airteagal 105 1.

Féadfaidh údarás inniúil toirmeasc nó srian a chur ar na nithe seo a leanas ina Bhallstát nó óna Bhallstát:

(a) 

cripteashócmhainní nó cripteashócmhainní áirithe a bhfuil gnéithe sonraithe áirithe acu a mhargú, a dháileadh nó a dhíol; nó

(b) 

cineál gníomhaíochta nó cleachtais a bhaineann le cripteashócmhainní.
Airteagal 105 2.

Ní dhéanfaidh údarás inniúil beart de bhun mhír 1 ach amháin má tá sé sásta faoin méid seo a leanas ar fhorais réasúnacha:

(a) 

maidir le cripteashócmhainn, tá sí ina siocair le hábhair mhóra imní i ndáil le cosaint infheisteoirí nó tá bagairt shuntasach ag gabháil léi ar fheidhmiú rianúil agus sláine margaí i gcripteashócmhainní nó ar chobhsaíocht cuid den chóras airgeadais nó an chórais airgeadais ina iomláine i mBallstát amháin ar a laghad;

(b) 

maidir leis na ceanglais rialála atá ann cheana faoi dhlí an Aontais is infheidhme maidir leis an gcripteashócmhainn nó leis an tseirbhís cripteashócmhainní lena mbaineann, ní thugtar aghaidh go leordhóthanach leo ar na rioscaí dá dtagraítear i bpointe (a) agus ní thabharfaí faoin tsaincheist ar bhealach níos fearr trí mhaoirseacht fheabhsaithe a dhéanamh nó trí na ceanglais atá ann cheana a fhorfheidhmiú ar bhealach níos fearr;

(c) 

tá an beart comhréireach, agus cineál na rioscaí atá sainaitheanta á gcur i gcuntas, mar aon le leibhéal sofaisticiúlachta na n-infheisteoirí nó na rannpháirtithe sa mhargadh lena mbaineann agus an tionchar is dócha a bheidh ag an mbeart ar infheisteoirí agus ar rannpháirtithe sa mhargadh a fhéadfaidh an chripteashócmhainn nó an tseirbhís cripteashócmhainní lena mbaineann a shealbhú nó a úsáid, nó tairbhe a bhaint aisti;

(d) 

tá an t-údarás inniúil tar éis dul i gcomhairle mar is ceart leis na húdaráis inniúla i mBallstáit eile a bhféadfaidh an beart difear suntasach a dhéanamh dóibh; agus

(e) 

níl tionchar idirdhealaitheach ag an mbeart ar sheirbhísí ná ar ghníomhaíochtaí a sholáthraítear ó Bhallstát eile.

I gcás ina gcomhlíonfar na coinníollacha a leagtar amach sa chéad fhomhír den mhír seo, féadfaidh an t-údarás inniúil an toirmeasc nó an srian dá dtagraítear i mír 1 a fhorchur ar bhonn réamhchúraim sula ndéanfar cripteashócmhainn a mhargú, a dháileadh nó a dhíol le cliaint.

Ní fhéadfaidh an t-údarás inniúil a chinneadh an toirmeasc nó an srian dá dtagraítear i mír 1 a chur i bhfeidhm ach amháin i gcúinsí áirithe nó é a chur faoi réir eisceachtaí.
Airteagal 105 3.

Ní dhéanfaidh an t-údarás inniúil toirmeasc nó srian a fhorchur faoin Airteagal seo ach amháin más rud é, tráth nach luaithe ná mí amháin roimh an am a bheartófar go ngabhfaidh éifeacht leis an mbeart, go mbeidh fógra tugtha aige do gach údarás inniúil eile agus do ESMA, nó do ÚBE maidir le comharthaí sócmhainn-tagartha agus comharthaí ríomh-airgid, ar fógra é a bheidh i scríbhinn nó trí mheán eile a bheidh aontaithe idir na húdaráis, maidir le mionsonraí na nithe seo a leanas:

(a) 

an chripteashócmhainn nó an ghníomhaíocht nó an cleachtas lena mbaineann an beart a mholtar;

(b) 

cineál beacht an toirmisc nó an tsriain a mholtar agus an dáta a bhfuil sé beartaithe go mbeidh éifeacht leis; agus

(c) 

an fhianaise a mbeidh sé tar éis a chinneadh a bhunú uirthi agus a bhfuil sé sásta ina leith go mbeidh gach ceann de na coinníollacha i mír 2, an chéad fhomhír, comhlíonta.
Airteagal 105 4.
I gcásanna eisceachtúla ina measfaidh an t-údarás inniúil go bhfuil gá leis ionas nach dtiocfaidh aon éifeachtaí dochracha as cripteashócmhainn nó gníomhaíocht nó cleachtas dá dtagraítear i mír 1, féadfaidh an t-údarás inniúil beart práinneach a dhéanamh ar bhonn sealadach tar éis fógra 24 uair an chloig ar a laghad a thabhairt i scríbhinn, roimh an am a bheartaítear éifeacht a bheith leis an mbeart, do na húdaráis inniúla eile go léir agus do ESMA, ar choinníoll go gcomhlíontar na critéir ar fad a liostaítear san Airteagal seo agus, ina theannta sin, go suitear go soiléir nach mbeadh tréimhse fógra mí amháin leordhóthanach chun aghaidh a thabhairt ar an ábhar imní sonrach nó ar an mbagairt shonrach. Ní rachaidh ré na mbeart a dhéanfar ar bhonn sealadach thar 3 mhí.
Airteagal 105 5.
Foilseoidh an t-údarás inniúil fógra ar a shuíomh gréasáin maidir le cinneadh chun toirmeasc nó srian dá dtagraítear i mír 1 a fhorchur. Sonrófar san fhógra sin mionsonraí an toirmisc nó an tsriain arna fhorchur agus sonrófar ann tráth tar éis fhoilsiú an fhógra óna ngabhfaidh éifeacht leis na bearta agus an fhianaise ar ar bhunaigh an t-údarás inniúil a chinneadh agus a bhfuil sé sásta ina leith go bhfuil gach ceann de na coinníollacha i mír 2, an chéad fhomhír, comhlíonta. Ní bheidh feidhm ag an toirmeasc ná ag an srian ach amháin maidir le gníomhaíochtaí tar éis d’éifeacht gabháil leis na bearta.
Airteagal 105 6.
Déanfaidh an t-údarás inniúil toirmeasc nó srian a aisghairm mura bhfuil feidhm a thuilleadh ag na coinníollacha i mír 2.
Airteagal 105 7.
Déanfaidh an Coimisiún gníomhartha tarmligthe a ghlacadh i gcomhréir le hAirteagal 139 chun an Rialachán seo a fhorlíonadh trí chritéir a shonrú agus tosca a bheidh le cur i gcuntas ag na húdaráis inniúla agus é ag cinneadh cibé an ann d’ábhar mór imní maidir le cosaint infheisteoirí nó do bhagairt ar fheidhmiú ordúil agus sláine na margaí i gcripteashócmhainní, nó ar chobhsaíocht an chórais iomláin airgeadais nó cobhsaíocht cuid de laistigh de Bhallstát amháin ar a laghad chun críocha mhír 2, an chéad fhomhír, pointe (a).

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.