+Airteagal 119 Coláistí d’eisitheoirí comharthaí sócmhainn-tagartha suntasacha agus comharthaí ríomh-airgid suntasacha
---+Airteagal 119 1.
---+Airteagal 119 2.
---+Airteagal 119 3.
---+Airteagal 119 4.
---+Airteagal 119 5.
---+Airteagal 119 6.
---+Airteagal 119 7.
---+Airteagal 119 8.

Airteagal 119 Coláistí d’eisitheoirí comharthaí sócmhainn-tagartha suntasacha agus comharthaí ríomh-airgid suntasacha

1. Forbhreathnú

,
Airteagal 119 1.
Laistigh de 30 lá féilire ó chinneadh chun comhartha sócmhainn-tagartha nó comhartha ríomh-airgid a aicmiú a bheith suntasach de bhun Airteagal 43, 44, 56 nó 57, de réir mar is infheidhme, déanfaidh ÚBE coláiste maoirseachta comhairleach a bhunú agus a bhainistiú, agus déanfaidh sé cathaoirleacht air, do gach eisitheoir comhartha sócmhainn-tagartha shuntasaigh nó comhartha ríomh-airgid shuntasaigh, chun feidhmiú a gcúraimí maoirseachta a éascú agus gníomhú mar mheán chun gníomhaíochtaí maoirseachta a chomhordú faoin Rialachán seo.
Airteagal 119 2.

Is éard a bheidh i gcoláiste dá dtagraítear i mír 1:

(a) 

ÚBE;

(b) 

ESMA;

(c) 

údaráis inniúla an Bhallstáit baile ina bhfuil eisitheoir an chomhartha sócmhainn-tagartha shuntasaigh nó an chomhartha ríomh-airgid shuntasaigh bunaithe;

(d) 

údaráis inniúla na soláthraithe seirbhísí cripteashócmhainní, na n-institiúidí creidmheasa nó na ngnólachtaí infheistíochta is ábhartha a áirithíonn cumhdach na gcúlsócmhainní i gcomhréir le hAirteagal 37 nó cumhdach na gcistí a fhaightear mar mhalairt ar na comharthaí ríomh-airgid suntasacha;

(e) 

i gcás inarb infheidhme, údaráis inniúla na n-ardán trádála is ábhartha le haghaidh cripteashócmhainní ina ligtear isteach na comharthaí sócmhainn-tagartha suntasacha nó na comharthaí ríomh-airgid suntasacha chun a dtrádála;

(f) 

údaráis inniúla na soláthraithe seirbhísí íocaíochta is ábhartha a sholáthraíonn seirbhísí íocaíochta i ndáil leis na comharthaí ríomh-airgid suntasacha;

(g) 

i gcás inarb infheidhme, údaráis inniúla na n-eintiteas a áirithíonn na feidhmeanna dá dtagraítear in Airteagal 34(5), an chéad fhomhír, pointe (h);

(h) 

i gcás inarb infheidhme, údaráis inniúla na soláthraithe seirbhísí cripteashócmhainní is ábhartha a sholáthraíonn cumhdach agus riar cripteashócmhainní thar ceann cliant i ndáil leis na comharthaí sócmhainn-tagartha suntasacha nó leis na comharthaí ríomh-airgid suntasacha;

(i) 

BCE;

(j) 

i gcás ina bhfuil eisitheoir an chomhartha sócmhainn-tagartha shuntasaigh bunaithe i mBallstát nach é an euro a airgeadra oifigiúil, nó ina bhfuil airgeadra oifigiúil nach é an euro é faoi thagairt ag an gcomhartha sócmhainn-tagartha suntasach, banc ceannais náisiúnta an Bhallstáit sin;

(k) 

i gcás ina bhfuil eisitheoir an chomhartha ríomh-airgid shuntasaigh bunaithe i mBallstát nach é an euro a airgeadra oifigiúil, nó ina bhfuil airgeadra oifigiúil nach é an euro é faoi thagairt ag an gcomhartha sócmhainn-tagartha suntasach, banc ceannais náisiúnta an Bhallstáit sin;

(l) 

údaráis inniúla Ballstát ina n-úsáidtear an comhartha sócmhainn-tagartha nó an comhartha ríomh-airgid ar mórscála, arna iarraidh sin dóibh;

(m) 

údaráis mhaoirseachta ábhartha tríú tíortha lena bhfuil comhaontuithe riaracháin déanta ag ÚBE i gcomhréir le hAirteagal 126.
Airteagal 119 3.
Féadfaidh ÚBE a iarraidh ar údaráis eile a bheith ina gcomhaltaí sa choláiste dá dtagraítear i mír 1 i gcás ina mbeidh na heintitis a ndéanfaidh siad maoirseacht orthu ábhartha d’obair an choláiste.
Airteagal 119 4.
Féadfaidh an t-údarás inniúil de chuid Ballstáit nach comhalta den choláiste é aon fhaisnéis a iarraidh ar an gcoláiste a bheidh ábhartha maidir lena chuid dualgas maoirseachta a dhéanamh faoin Rialachán seo.
Airteagal 119 5.

Déanfaidh coláiste dá dtagraítear i mír 1 den Airteagal seo, gan dochar do fhreagrachtaí údarás inniúil faoin Rialachán seo, an méid seo a leanas a áirithiú:

(a) 

ullmhú na tuairime neamhcheangailtí dá dtagraítear in Airteagal 120;

(b) 

malartú faisnéise i gcomhréir leis an Rialachán seo;

(c) 

comhaontú maidir le cúraimí a chur ar iontaoibh a chomhaltaí ar bhonn deonach.

Chun na cúraimí a shanntar do choláistí de bhun na chéad fhomhíre den mhír seo a chomhlíonadh, beidh comhaltaí an choláiste dá dtagraítear i mír 2 i dteideal rannchuidiú le clár oibre chruinnithe an choláiste a shocrú, go háirithe trí phointí a chur le clár oibre cruinnithe.
Airteagal 119 6.
Beidh bunú agus feidhmiú an choláiste dá dtagraítear i mír 1 bunaithe ar chomhaontú i scríbhinn idir a chomhaltaí uile.

Sa chomhaontú dá dtagraítear sa chéad fhomhír, cinnfear na socruithe praiticiúla maidir le feidhmiú an choláiste, lena n-áirítear rialacha mionsonraithe maidir leis an méid seo a leanas:

(a) 

na nósanna imeachta vótála amhail dá dtagraítear in Airteagal 120(3);

(b) 

na nósanna imeachta chun clár oibre chruinnithe an choláiste a shocrú;

(c) 

minicíocht chruinnithe an choláiste;

(d) 

na hachair ama íosta iomchuí i ndáil leis an measúnú a dhéanfaidh comhaltaí an choláiste ar an doiciméadacht ábhartha;

(e) 

na módúlachtaí cumarsáide idir comhaltaí an choláiste;

(f) 

roinnt coláistí a chruthú, coláiste amháin le haghaidh gach cripteashócmhainne nó grúpa cripteashócmhainní ar leith.

Féadfar sa chomhaontú freisin cúraimí a chinneadh atá le cur ar iontaoibh ÚBE nó ar chomhalta eile an choláiste.
Airteagal 119 7.

Mar chathaoirleach ar gach coláiste, déanfaidh ÚBE an méid seo a leanas:

(a) 

socruithe agus nósanna imeachta a bhunú i scríbhinn d’fheidhmiú an choláiste, tar éis dul i gcomhairle le comhaltaí eile an choláiste;

(b) 

gníomhaíochtaí uile an choláiste a chomhordú;

(c) 

cruinnithe uile an choláiste a thionól agus cathaoirleacht a dhéanamh orthu agus comhaltaí an choláiste a choinneáil ar an eolas go hiomlán roimh eagrú chruinnithe an choláiste, faoi na príomh-shaincheisteanna a bheidh le plé agus faoi na míreanna a bheidh le breithniú;

(d) 

fógra a thabhairt do chomhaltaí an choláiste faoi aon chruinnithe pleanáilte ionas go bhféadfaidh siad rannpháirtíocht iontu a iarraidh;

(e) 

comhaltaí an choláiste a choinneáil ar an eolas, ar mhodh tráthúil, faoi chinntí agus torthaí na gcruinnithe sin.
Airteagal 119 8.

Chun feidhmiú comhsheasmhach agus comhleanúnach na gcoláistí a áirithiú, forbróidh ÚBE, i gcomhar le ESMA agus le BCE, dréachtchaighdeáin rialála lena sonraítear an méid seo a leanas:

(a) 

na coinníollacha faoina measfar gurb iad na heintitis dá dtagraítear i mír 2, pointí (d), (e), (f) agus (h) na heintitis is ábhartha;

(b) 

na coinníollacha faoina meastar go n-úsáidtear comharthaí sócmhainn-tagartha nó comharthaí ríomh-airgid ar mórscála, amhail dá dtagraítear i mír 2, pointe (l); agus

(c) 

sonraí na socruithe praiticiúla dá dtagraítear i mír 6.

Cuirfidh ÚBE na dréachtchaighdeáin rialála dá dtagraítear sa chéad fhomhír faoi bhráid an Choimisiúin faoin 30 Meitheamh 2024.

Déantar an chumhacht a tharmligean chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagal 10 go hAirteagal 14 de Rialachán (AE) Uimh. 1093/2010.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.