+Airteagal 131 Fíneálacha
---+Airteagal 131 1.
---+Airteagal 131 2.
---+Airteagal 131 3.
---+Airteagal 131 4.

Airteagal 131 Fíneálacha

1. Forbhreathnú

,
Airteagal 131 1.

Glacfaidh ÚBE cinneadh lena bhforchuirfear fíneáil i gcomhréir le mír 3 nó mír 4 den Airteagal seo, más rud é, i gcomhréir le hAirteagal 134(8), go gcinneann sé:

(a) 

go ndearna eisitheoir comhartha sócmhainn-tagartha shuntasaigh nó comhalta dá chomhlacht bainistíochta, d’aon ghnó nó le faillí, sárú mar a liostaítear in Iarscríbhinn V;

(b) 

go ndearna eisitheoir comhartha ríomh-airgid shuntasaigh nó comhalta dá chomhlacht bainistíochta, d’aon ghnó nó le faillí, sárú mar a liostaítear in Iarscríbhinn VI.

Measfar go ndearnadh sárú d’aon ghnó má thagann ÚBE ar fhachtóirí oibiachtúla lena léirítear gur ghníomhaigh an t-eisitheoir sin nó comhalta dá chomhlacht bainistíochta d’aon turas chun an sárú a dhéanamh.
Airteagal 131 2.

Nuair atá cinneadh dá dtagraítear i mír 1 á ghlacadh aige, cuirfidh ÚBE cineál agus tromchúis an tsáraithe san áireamh, ag féachaint don mhéid seo a leanas:

(a) 

fad agus minicíocht an tsáraithe;

(b) 

a chinneadh an ndearnadh coir airgeadais, ar éascaíodh coir airgeadais nó an bhfuil coir airgeadais inchurtha ina leith ar bhealach eile;

(c) 

a chinneadh cibé acu ar nocht an sárú laigí tromchúiseacha nó sistéamacha i nósanna imeachta, beartais agus bearta bainistithe riosca eisitheoir an chomhartha sócmhainn-tagartha shuntasaigh nó eisitheoir an chomhartha ríomh-airgid shuntasaigh;

(d) 

a chinneadh cibé acu d’aon ghnó nó le faillí a rinneadh an sárú;

(e) 

méid freagrachta eisitheoir an chomhartha sócmhainn-tagartha shuntasaigh nó eisitheoir an chomhartha ríomh-airgid shuntasaigh atá freagrach as an sárú;

(f) 

láidreacht airgeadais eisitheoir an chomhartha sócmhainn-tagartha shuntasaigh nó eisitheoir an chomhartha ríomh-airgid shuntasaigh, atá freagrach as an sárú, arna léiriú le láimhdeachas iomlán an duine dhlítheanaigh atá freagrach nó le hioncam bliantúil agus glansócmhainní an duine nádúrtha atá freagrach;

(g) 

tionchar an tsáraithe ar leasanna sealbhóirí na gcomharthaí sócmhainn-tagartha suntasacha nó na gcomharthaí ríomh-airgid suntasacha;

(h) 

tábhacht na mbrabús a ghnóthaigh, nó na gcaillteanas a sheachain eisitheoir an chomhartha sócmhainn-tagartha shuntasaigh nó an chomhartha ríomh-airgid shuntasaigh atá freagrach as an sárú nó na caillteanas do thríú páirtithe arb é an sárú ba chúis leo, a mhéid is féidir iad a chinneadh;

(i) 

leibhéal comhair eisitheoir an chomhartha sócmhainn-tagartha shuntasaigh, nó eisitheoir an chomhartha ríomh-airgid shuntasaigh, atá freagrach as an sárú le ÚBE, gan dochar don ghá le haisíoc na mbrabús a ghnóthaigh an duine sin nó aisíoc na gcaillteanas a sheachain sé a áirithiú;

(j) 

sáruithe roimhe sin ag eisitheoir an chomhartha sócmhainn-tagartha shuntasaigh nó ag eisitheoir an chomhartha ríomh-airgid shuntasaigh atá freagrach as an sárú;

(k) 

bearta a ghlac eisitheoir an chomhartha sócmhainn-tagartha shuntasaigh nó eisitheoir an chomhartha ríomh-airgid shuntasaigh tar éis an tsáraithe ionas nach dtarlóidh sárú den sórt sin arís.
Airteagal 131 3.
Maidir le heisitheoirí comharthaí sócmhainn-tagartha suntasacha, beidh uasmhéid na fíneála dá dtagraítear i mír 1 suas le 12,5 % dá láimhdeachas bliantúil sa bhliain gnó roimhe sin, nó dhá oiread de mhéid na mbrabús a gnóthaíodh nó na gcaillteanas a seachnaíodh mar gheall ar an sárú nuair is féidir sin a chinneadh.
Airteagal 131 4.
Maidir le heisitheoirí comharthaí ríomh-airgid suntasacha, beidh uasmhéid na fíneála dá dtagraítear i mír 1 suas le 10 % dá láimhdeachas bliantúil sa bhliain ghnó roimhe sin, nó dhá oiread de mhéid na mbrabús a gnóthaíodh nó na gcaillteanas a seachnaíodh mar gheall ar an sárú nuair is féidir sin a chinneadh.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.