Airteagal 11 Ceanglais agus nós imeachta i leith pleananna réitigh grúpa

1.   Áiritheoidh na Ballstáit go gcuirfidh na máthairghnóthais deiridh faoi bhráid an údaráis réitigh ar ghrúpleibhéal an fhaisnéis sin is féidir a cheangal faoi Airteagal 12. Bainfidh an fhaisnéis sin le máthairghnóthas deiridh agus a mhéid is gá le gach ceann de na grúpeintitis lena n-áirítear na heintitis dá dtagraítear in Airteagal 1(1), pointí (b) go (e).

Ar choinníoll go gcomhlíontar na ceanglais rúndachta a leagtar síos sa Treoir seo, déanfaidh an t-údarás réitigh ar ghrúpleibhéal an fhaisnéis ábhartha arna soláthar i gcomhréir leis an mír seo a tharchur chuig:

2.   Áiritheoidh na Ballstáit go ndéanfaidh údaráis réitigh ar ghrúpleibhéal, i gcoláistí réitigh, agus iad ag gníomhú go comhpháirteach leis na húdaráis réitigh dá dtagraítear i mír 1, an dara fomhír, pointe (b), agus tar éis dul i gcomhairle leis na húdaráis mhaoirseachta lena mbaineann ar comhaltaí iad de choláiste na maoirseoirí nó atá rannpháirteach sa choláiste sin dá dtagraítear in Airteagal 248(3) de Threoir 2009/138/CE, pleananna réitigh grúpa a tharraingt suas agus a choinneáil ar bun. Féadfaidh údaráis réitigh ar ghrúpleibhéal, más mian leo, agus faoi réir na gceanglas rúndachta a leagtar síos in Airteagal 80 den Treoir seo a chomhlíonadh, deis a thabhairt d’údaráis réitigh tríú tír na ndlínsí ina bhfuil foghnóthais árachais nó athárachais nó cuideachtaí sealbhaíochta árachais nó brainsí móra bunaithe ag an ngrúpa a bheith páirteach i dtarraingt suas na bpleananna réitigh grúpa agus i gcoinneáil ar bun na bpleananna réitigh grúpa, mar a shainmhínítear de bhun Airteagal 248(8) de Threoir 2009/138/CE.

3.   Áiritheoidh na Ballstáit go ndéanfar pleananna réitigh grúpa a athbhreithniú, agus i gcás inarb iomchuí, a thabhairt cothrom le dáta gach 2 bhliain, ar a laghad, agus in aon chás:

4.   Glacfar an plean réitigh grúpa i bhfoirm cinneadh comhpháirteach, dá dtagraítear in Airteagal 17, den údarás réitigh ar ghrúpleibhéal agus d’údaráis réitigh na bhfoghnóthas árachais nó athárachais agus de na heintitis dá dtagraítear in Airteagal 1(1), pointí (b) go (e).