Artikolu 11 Rekwiżiti u proċedura għall-pjanijiet ta' riżoluzzjoni ta' grupp

1.   L-Istati Membri għandhom jiżguraw li l-impriżi omm apikali jippreżentaw lill-awtorità ta' riżoluzzjoni fil-livell tal-grupp l-informazzjoni li tista' tkun meħtieġa skont l-Artikolu 12. Dik l-informazzjoni għandha tikkonċerna lill-impriża omm apikali u sal-punt meħtieġ lil kull entità fi grupp inkluż l-entitajiet imsemmijin fl-Artikolu 1(1), il-punti (b) sa (e).

Dment li jkunu ssodisfati r-rekwiżiti tas-sigriet professjonali stabbiliti f'din id-Direttiva, l-awtorità ta' riżoluzzjoni fil-livell tal-grupp għandha tittrażmetti l-informazzjoni rilevanti pprovduta f'konformità ma' dan il-paragrafu lil:

2.   L-Istati Membri għandhom jiżguraw li, fil-kulleġġi ta' riżoluzzjoni, l-awtoritajiet ta' riżoluzzjoni fil-livell tal-grupp, filwaqt li jaġixxu b'mod konġunt mal-awtoritajiet ta' riżoluzzjoni msemmijin fil-paragrafu 1, it-tieni subparagrafu, il-punt (b), u wara li jkunu kkonsultaw lill-awtoritajiet superviżorji kkonċernati li huma membri tal-kulleġġ tas-superviżuri jew jipparteċipaw fih kif imsemmi fl-Artikolu 248(3) tad-Direttiva 2009/138/KE, ifasslu u jżommu pjanijiet ta' riżoluzzjoni ta' gruppi. L-awtoritajiet ta' riżoluzzjoni fil-livell tal-grupp jistgħu, fid-diskrezzjoni tagħhom, u bil-kundizzjoni li huma jissodisfaw ir-rekwiżiti tal-kunfidenzjalità stabbiliti fl-Artikolu 80 ta' din id-Direttiva, jinvolvu fit-tfassil u fil-manutenzjoni tal-pjanijiet ta' riżoluzzjoni ta' gruppi lill-awtoritajiet ta' riżoluzzjoni ta' pajjiżi terzi tal-ġuriżdizzjonijiet fejn il-grupp ikun stabbilixxa impriżi sussidjarji tal-assigurazzjoni jew tar-riassigurazzjoni jew kumpaniji holding tal-assigurazzjoni, jew fergħat sinifikattivi kif definit skont l-Artikolu 248(8) tad-Direttiva 2009/138/KE.

3.   L-Istati Membri għandhom jiżguraw li l-pjanijiet ta' riżoluzzjoni ta' grupp jiġu rieżaminati, u fejn xieraq aġġornati, tal-inqas kull sentejn, u fi kwalunkwe każ:

4.   L-adozzjoni tal-pjan ta' riżoluzzjoni ta' grupp għandha tieħu l-forma ta' deċiżjoni konġunta, kif imsemmi fl-Artikolu 17, tal-awtorità ta' riżoluzzjoni fil-livell tal-grupp u tal-awtoritajiet ta' riżoluzzjoni tal-impriżi tal-assigurazzjoni u tar-riassigurazzjoni sussidjarji u tal-entitajiet imsemmijin fl-Artikolu 1(1), il-punti (b) sa (e).