Airteagal 27 An uirlis um leachtú sócmhainneach

1.   Áiritheoidh na Ballstáit go mbeidh an chumhacht ag na húdaráis réitigh an gnóthas faoi réiteach a chur faoi nós imeachta um leachtú sócmhainneach chun gníomhaíochtaí an ghnóthais sin a fhoirceannadh, agus chun toirmeasc a chur ar an ngnóthas faoi réiteach gnó árachais agus athárachais nua a fhrithghealladh.

2.   Áiritheoidh na Ballstáit, i gcás ina ndéanfaidh an t-údarás maoirseachta an t-údarú a tharraingt siar, go gcomhlíonfaidh an gnóthas árachais nó athárachais ar ar cuireadh an uirlis um leachtú sócmhainneach i bhfeidhm an tÍoscheanglas Caipitil a leagtar síos i dTeideal I, Caibidil VI, Roinn 5, de Threoir 2009/138/CE díreach tar éis chur i bhfeidhm na huirlise sin.

3.   I gcás ina ndéanfaidh an t-údarás maoirseachta údarú a tharraingt siar, áiritheoidh na Ballstáit go leanfaidh an gnóthas árachais nó athárachais faoin uirlis um leachtú sócmhainneach de bheith faoi réir rialacha agus chuspóirí ginearálta na maoirseachta árachais a leagtar amach i dTeideal I, Caibidil III, de Threoir 2009/138/CE, go dtí go bhfoirceannfar a ghníomhaíochtaí i gcomhréir le mír 8 den Airteagal seo.

4.   Áiritheoidh na húdaráis réitigh go mbeidh gnóthas árachais nó athárachais faoi réiteach atá i mbun leachtaithe shócmhainnigh in ann foireann a choinneáil a bhfuil oiliúint leordhóthanach uirthi agus atá inniúil lena áirithiú go leanfar ar aghaidh go hordúil lena ghníomhaíochtaí árachais i mbun an leachtaithe shócmhainnigh go dtí go ndéanfar é a leachtú.

5.   Déanfaidh na húdaráis réitigh faireachán, i ndlúthchomhar leis na húdaráis mhaoirseachta, ar an sreabhadh airgid, chomh maith le costais agus caiteachais gnóthais árachais nó athárachais faoi réiteach chun a luach agus a indíoltacht a chaomhnú.

6.   Déanfaidh na húdaráis réitigh measúnú, i ndlúthchomhar leis na húdaráis mhaoirseachta, ar na hathruithe atá beartaithe ar chomhdhéanamh na sócmhainní, déanfaidh siad dlúthfhaireachán ar shocruithe athárachais agus éileoidh siad, ar bhonn ráithiúil ar a laghad, athbhreithnithe achtúireacha neamhspleácha ar na forálacha teicniúla agus ar na cúlchistí teicniúla.

7.   Agus an uirlis um leachtú sócmhainneach á cur i bhfeidhm, féadfaidh na húdaráis réitigh srian nó toirmeasc a chur ar aon luach saothair cothromais agus ionstraimí a láimhseáiltear mar chothromas, lena n-áirítear íocaíochtaí díbhinne, agus féadfaidh siad srian nó toirmeasc a chur ar aon íocaíocht luacha saothair inathraithe agus sochair phinsin lánroghnacha.

8.   Déanfaidh na húdaráis réitigh cinneadh nach mór gnóthas faoi réiteach atá i mbun leachtaithe shócmhainnigh a fhoirceannadh in aon cheann de na cásanna seo a leanas, cibé acu is túisce:

9.   I gcás ina n-úsáidtear an uirlis um leachtú sócmhainneach agus i gcás ina dtagann glanluach sócmhainní an ghnóthais faoi réiteach i mbun leachtaithe shócmhainnigh le bheith diúltach, déanfaidh an t-údarás réitigh measúnú ar cheart an gnóthas a fhoirceannadh de réir gnáthimeachtaí dócmhainneachta nó ar cheart uirlis eile réitigh a chur i bhfeidhm.

I gcás nach gcomhlíonfar an tÍoscheanglas Caipitil a leagtar síos i dTeideal I, Caibidil VI, Roinn 5, de Threoir 2009/138/CE, déanfaidh an t-údarás réitigh measúnú, i ndlúthchomhar leis an údarás maoirseachta, ar cheart an gnóthas a fhoirceannadh faoi ghnáthimeachtaí dócmhainneachta, nó ar cheart uirlis eile réitigh a chur i bhfeidhm.