Artikolu 27 L-għodda ta' run-off solventi

1.   L-Istati Membri għandhom jiżguraw li l-awtoritajiet ta' riżoluzzjoni jkollhom is-setgħa li jqiegħdu l-impriża taħt riżoluzzjoni fi proċedura ta' run-off solventi sabiex itemmu l-attivitajiet ta' dik l-impriża, u li jipprojbixxu lill-impriża taħt riżoluzzjoni milli tissottoskrivi negozju ġdid tal-assigurazzjoni u tar-riassigurazzjoni.

2.   L-Istati Membri għandhom jiżguraw li, fil-każ li l-awtorizzazzjoni tkun ġiet irtirata mill-awtorità superviżorja, l-impriża tal-assigurazzjoni jew tar-riassigurazzjoni li għaliha tkun ġiet applikata l-għodda ta' run-off solventi tissodisfa r-Rekwiżit Kapitali Minimu stipulat fit-Titolu I, il-Kapitolu VI, it-Taqsima 5, tad-Direttiva 2009/138/KE immedjatament wara l-applikazzjoni ta' dik l-għodda.

3.   Fil-każ tal-irtirar tal-awtorizzazzjoni mill-awtorità superviżorja, l-Istati Membri għandhom jiżguraw li l-impriża tal-assigurazzjoni jew tar-riassigurazzjoni taħt l-għodda ta' run-off solventi tibqa' soġġetta għar-regoli u l-objettivi ġenerali tas-superviżjoni tal-assigurazzjoni stabbiliti fit-Titolu I, il-Kapitolu III, tad-Direttiva 2009/138/KE, sat-terminazzjoni tal-attivitajiet tagħha f'konformità mal-paragrafu 8 ta' dan l-Artikolu.

4.   L-awtoritajiet ta' riżoluzzjoni għandhom jiżguraw li impriża tal-assigurazzjoni jew tar-riassigurazzjoni taħt riżoluzzjoni f'run-off solventi tkun kapaċi żżomm persunal imħarreġ b'mod adegwat u kompetenti sabiex tiżgura l-kontinwazzjoni ordnata tal-attivitajiet tal-assigurazzjoni tagħha f'run-off sal-likwidazzjoni tagħha.

5.   L-awtoritajiet ta' riżoluzzjoni għandhom jimmonitorjaw, f'kooperazzjoni mill-qrib mal-awtoritajiet superviżorji, il-fluss tal-flus, kif ukoll il-kostijiet u l-ispejjeż ta' impriża tal-assigurazzjoni jew tar-riassigurazzjoni taħt riżoluzzjoni sabiex jippreservaw il-valur u l-kummerċjabbiltà tagħha.

6.   L-awtoritajiet ta' riżoluzzjoni għandhom, f'kooperazzjoni mill-qrib mal-awtoritajiet superviżorji, jivvalutaw il-bidliet maħsubin għall-kompożizzjoni tal-assi, jimmonitorjaw mill-qrib l-arranġamenti tar-riassigurazzjoni u jirrikjedu, tal-anqas fuq bażi trimestrali, rieżamijiet attwarji indipendenti tal-provvedimenti tekniċi u tar-riżervi.

7.   Fl-applikazzjoni tal-għodda ta' run-off solventi, l-awtoritajiet ta' riżoluzzjoni jistgħu jirrestrinġu jew jipprojbixxu kwalunkwe remunerazzjoni ta' ekwità u ta' strumenti ttrattati bħala ekwità, inkluż pagamenti ta' dividendi, u jistgħu jirrestrinġu jew jipprojbixxu kwalunkwe pagament ta' remunerazzjoni varjabbli u benefiċċji diskrezzjonarji tal-pensjoni.

8.   L-awtoritajiet ta' riżoluzzjoni għandhom jieħdu deċiżjoni li impriża taħt riżoluzzjoni f'run-off solventi trid tiġi stralċata fi kwalunkwe wieħed mill-każijiet li ġejjin, skont liema jseħħ l-ewwel:

9.   Meta tintuża l-għodda ta' run-off solventi u meta l-valur nett tal-assi tal-impriża taħt riżoluzzjoni f'run-off solventi jkun sar negattiv, l-awtorità ta' riżoluzzjoni għandha tivvaluta jekk tistralċjax l-impriża skont proċedimenti normali ta' insolvenza jew tapplikax għodda ta' riżoluzzjoni oħra.

F'każ li r-Rekwiżit Kapitali Minimu stabbilit fit-Titolu I, il-Kapitolu VI, it-Taqsima 5, tad-Direttiva 2009/138/KE ma jiġix issodisfat, l-awtorità ta' riżoluzzjoni tivvaluta, f'kooperazzjoni mill-qrib mal-awtorità superviżorja, jekk l-impriża għandhiex tiġi stralċata skont proċedimenti normali ta' insolvenza, jew għandhiex tiġi applikata għodda oħra ta' riżoluzzjoni.