Airteagal 69 Prionsabail ghinearálta maidir leis an gcinnteoireacht a bhfuil baint ag níos mó ná Ballstát amháin léi

agus gníomhaíocht réitigh á déanamh, is éifeachtúil an chinnteoireacht agus coinnítear na costais réitigh a ísle is féidir;

déantar cinntí agus gníomhaíochtaí go tráthúil agus ar bhonn práinne nuair is gá;

comhoibríonn údaráis réitigh, údaráis mhaoirseachta agus údaráis eile le chéile lena áirithiú go ndéantar cinntí agus gníomhaíocht ar bhealach comhordaithe éifeachtúil;

sainítear go soiléir róil agus freagrachtaí na n-údarás ábhartha laistigh de gach Ballstát;

tugtar aird chuí ar na leasanna, ar an tionchar a d’fhéadfadh a bheith ag cinntí, gníomhaíochtaí nó neamhghníomhaíochtaí agus éifeachtaí diúltacha ar shealbhóirí polasaí, cobhsaíocht airgeadais, acmhainní fioscacha, scéimeanna ráthaíochta árachais, socruithe maoiniúcháin agus éifeachtaí diúltacha eacnamaíocha agus sóisialta i ngach Ballstát ina n-oibríonn an máthairghnóthas deiridh agus a fhoghnóthais nó ina ndéanann siad gníomhaíochtaí suntasacha trasteorann;

tugtar aird chuí ar na cuspóirí arb éard atá iontu leasanna na mBallstát éagsúil lena mbaineann a chothromú agus dochar éagothrom do leasanna Ballstát ar leith a sheachaint, nó cosaint éagothrom na leasanna sin a sheachaint;

déanann na húdaráis réitigh, agus gníomhaíochtaí réitigh á ndéanamh acu, na pleananna réitigh grúpa a chur san áireamh agus a leanúint mura measann na húdaráis réitigh, agus imthosca an cháis á gcur san áireamh, go mbainfear amach na cuspóirí réitigh ar bhealach níos éifeachtúla trí ghníomhaíochtaí a dhéanamh nach ndéantar foráil dóibh sna pleananna réitigh;

is trédhearcach cinneadh nó gníomhaíocht atá beartaithe aon uair is dócha go mbeidh impleachtaí ag an gcinneadh nó ag an ngníomhaíocht sin ar na sealbhóirí polasaí, an fíorgheilleagar, cobhsaíocht airgeadais, acmhainní fioscacha, agus, i gcás inarb ábhartha, scéimeanna ráthaíochta árachais agus socruithe maoiniúcháin aon Bhallstáit lena mbaineann.