Artikolu 69 Prinċipji ġenerali rigward it-teħid ta' deċiżjonijiet li jinvolvu aktar minn Stat Membru wieħed

meta jieħdu azzjoni ta' riżoluzzjoni, it-teħid ta' deċiżjonijiet ikun effiċjenti u l-kostijiet ta' riżoluzzjoni jinżammu baxxi kemm jista' jkun;

id-deċiżjonijiet jittieħdu u l-azzjoni tittieħed fil-ħin u, fejn ikun meħtieġ, bl-urġenza dovuta;

l-awtoritajiet ta' riżoluzzjoni, l-awtoritajiet superviżorji u awtoritajiet oħrajn jikkooperaw ma' xulxin sabiex jiżguraw li d-deċiżjonijiet u l-azzjoni jittieħdu b'mod ikkoordinat u effiċjenti;

ir-rwoli u r-responsabbiltajiet tal-awtoritajiet rilevanti f'kull Stat Membru jkunu definiti b'mod ċar;

tingħata kunsiderazzjoni xierqa lill-interessi, lill-impatt potenzjali ta' kwalunkwe deċiżjoni, azzjoni jew inazzjoni u lill-effetti negattivi fuq id-detenturi ta' poloz, fuq l-istabbiltà finanzjarja, fuq ir-riżorsi fiskali, fuq l-iskemi ta' garanzija tal-assigurazzjoni, fuq l-arranġamenti ta' finanzjament u lill-effetti ekonomiċi u soċjali negattivi fl-Istati Membri kollha fejn joperaw l-impriża omm apikali u l-impriżi sussidjarji tagħha jew fejn huma jwettqu attivitajiet transfruntiera sinifikanti;

tingħata kunsiderazzjoni xierqa lill-objettivi li jiġu bbilanċjati l-interessi tad-diversi Stati Membri involuti u li jiġi evitat preġudizzju inġust jew li jiġu protetti b'mod inġust l-interessi ta' Stati Membri partikolari;

l-awtoritajiet ta' riżoluzzjoni, meta jieħdu azzjonijiet ta' riżoluzzjoni, iqisu u jsegwu l-pjanijiet ta' riżoluzzjoni ta' grupp, sakemm l-awtoritajiet ta' riżoluzzjoni ma jqisux, meta jqisu ċ-ċirkostanzi tal-każ, li l-objettivi ta' riżoluzzjoni jintlaħqu b'mod aktar effettiv billi jittieħdu azzjonijiet li ma jkunux previsti fil-pjanijiet ta' riżoluzzjoni;

deċiżjoni jew azzjoni proposta tkun trasparenti kull meta dik id-deċiżjoni jew azzjoni x'aktarx li jkollha implikazzjonijiet fuq id-detenturi ta' poloz, fuq l-ekonomija reali, fuq l-istabbiltà finanzjarja, fuq ir-riżorsi fiskali, u, fejn rilevanti, fuq l-iskemi ta' garanzija tal-assigurazzjoni u fuq arranġamenti ta' finanzjament ta' kwalunkwe Stat Membru kkonċernat.