Airteagal 83 2

(a)

ráiteas poiblí ina léirítear an duine nádúrtha, an t-eintiteas dá dtagraítear in Airteagal 1(1), pointí (a) go (e), máthairghnóthas deiridh nó duine dlítheanach eile atá freagrach as an sárú agus cineál an tsáraithe;

(b)

ordú ina gceanglaítear ar an duine nádúrtha nó dlítheanach atá freagrach scor den iompraíocht agus staonadh ón iompraíocht sin a dhéanamh an athuair;

(c)

cosc sealadach ar aon chomhalta de chomhlacht riaracháin, bainistíochta nó maoirseachta nó de bhainistíocht shinsearach an eintitis dá dtagraítear in Airteagal 1(1), pointí (a) go (e), nó ar aon duine nádúrtha eile, a chinntear a bheith freagrach, feidhmeanna a fheidhmiú in eintiteas dá dtagraítear in Airteagal 1(1), pointí (a) go (e);

(d)

i gcás duine dlítheanach, fíneálacha riaracháin suas le 10 % de láimhdeachas bliantúil iomlán an duine dhlítheanaigh sin sa bhliain ghnó roimhe sin;

(e)

i gcás duine nádúrtha, fíneálacha riaracháin suas le EUR 5 000 000, nó sna Ballstáit nach é an Euro an t-airgeadra oifigiúil iontu, an luach comhfhreagrach san airgeadra náisiúnta ar an 28 Eanáir 2025;

(f)

fíneálacha riaracháin suas le dhá oiread mhéid an tsochair a díorthaíodh ón sárú i gcás inar féidir an sochar sin a chinneadh.