Airteagal 99 Athbhreithniú

meastóireacht a dhéanamh ar cibé acu a baineadh amach cuspóirí na Treorach seo nó nár baineadh, agus ar a mhéid a baineadh amach iad, maidir le feidhmiú an mhargaidh inmheánaigh agus neartú an chórais airgeadais san Aontas i bhfianaise forbairtí sa mhargadh agus forbairtí eacnamaíocha;

measúnú a dhéanamh ar staid na himeartha maidir le socruithe um maoiniú réitigh;

measúnú a dhéanamh ar an ngá atá le sainmhínithe comhchuibhithe íosta ar leibhéal na bpolasaithe cumhdaithe agus na n-éilitheoirí agus na bpolasaithe incháilithe a thabhairt isteach agus, i gcás inarb iomchuí, na céimeanna is gá a leagan amach chun iad a thabhairt isteach;

anailís a dhéanamh ar an taithí a fuarthas maidir le comhroinnt faisnéise idir údaráis atá inniúil ar mhaoirseacht nó réiteach gnóthas árachais agus athárachais agus institiúidí creidmheasa i gcásanna inar cuid d’ilchuideachta airgeadais an t-eintiteas dá dtagraítear in Airteagal 1(1), pointí (a) go (e);

measúnú a dhéanamh ar a indéanta atá sé cead a thabhairt d’ilchuideachtaí airgeadais pleananna (réamhghabhálacha) téarnaimh grúpa aonair a dhréachtú don ilchuideachta ina hiomláine, agus ar na réamhchoinníollacha chun é sin a dhéanamh, agus do na húdaráis réitigh pleananna réitigh grúpa aonair a dhréachtú don ilchuideachta airgeadais ina hiomláine;

anailís a dhéanamh ar na buntáistí a bhaineann le comhchuibhiú breise ar an gcreat bainistithe géarchéime le haghaidh gnóthais árachais agus athárachais.

Beidh togra reachtach ag gabháil leis an tuarascáil i gcás inarb iomchuí.