Artikolu 99 Rieżami

jevalwa jekk l-objettivi ta' din id-Direttiva ntlaħqux u sa liema punt ikunu ntlaħqu fir-rigward tal-funzjonament tas-suq intern u t-tisħiħ tas-sistema finanzjarja fl-Unjoni fid-dawl tal-iżviluppi ekonomiċi u tas-suq;

jivvaluta s-sitwazzjoni attwali tal-arranġamenti ta' finanzjament tar-riżoluzzjoni;

jivvaluta l-ħtieġa li jiġu introdotti, u, fejn xieraq, jiddeskrivi l-passi meħtieġa biex jiġu introdotti, definizzjonijiet armonizzati minimi fil-livell ta' poloz koperti u pretendenti eliġibbli u politiki;

janalizza l-esperjenza tal-kondiviżjoni tal-informazzjoni bejn l-awtoritajiet kompetenti għas-superviżjoni jew għar-riżoluzzjoni tal-impriżi tal-assigurazzjoni u tar-riassigurazzjoni u tal-istituzzjonijiet ta' kreditu f'każijiet fejn l-entità msemmija fl-Artikolu 1(1), il-punti (a) sa (e), tkun parti minn konglomerat finanzjarju;

jivvaluta l-fattibbiltà tal-konglomerati finanzjarji u l-prekundizzjonijiet biex il-konglomerati finanzjarji jkunu jistgħu jabbozzaw pjanijiet ta' rkupru (preventiv) ta' grupp uniku għall-konglomerat kollu kemm hu kif ukoll għall-awtoritajiet ta' riżoluzzjoni biex jabbozzaw pjanijiet ta' riżoluzzjoni ta' grupp uniku għall-konglomerat finanzjarju kollu kemm hu;

janalizza l-merti ta' armonizzazzjoni ulterjuri tal-qafas tal-ġestjoni tal-kriżijiet għall-impriżi tal-assigurazzjoni u tar-riassigurazzjoni.

Ir-rapport għandu jkun akkumpanjat minn proposta leġiżlattiva, fejn xieraq.